Последен гледан филм со рецензија

[Давор]

Devil
Интересно филмче,го гледавме со братучетка ми,и слободно можам да кажам дека е еден од подобрите филмови што сум ги глеал во последно време.Во филмот се сврзани две приказни:тагата и болката на детективот поради загубата на својата сопруга и дете кои загинале во сообраќајна несреќа а лудакот кој удрил во нив никогаш не е пронајден(од него има само едно марамче со зборовите Жал ми е),и поглавната приказна-приказната за Ѓаволот.Се работи за пет странци кои се заглавуваат во лифт.Член на обезбедувањето во зградата чиешто минато е полно со насилство,млада и убава девојка омажена за богат маж која планира да го остави сопругот и да му го земе целото богатство,еден измамник,стара жена која се открива дека е крадец и еден младич кој не се запишал на рецепцијата.И кога се гаснат светлата во лифтот,еден по еден умираат.А членовите на обезбедувањето и детективот го гледат сето тоа преку камера без звук,немоќни да направат било што.

 

[niche123]

Devil
Интересно филмче,го гледавме со братучетка ми,и слободно можам да кажам дека е еден од подобрите филмови што сум ги глеал во последно време.Во филмот се сврзани две приказни:тагата и болката на детективот поради загубата на својата сопруга и дете кои загинале во сообраќајна несреќа а лудакот кој удрил во нив никогаш не е пронајден(од него има само едно марамче со зборовите Жал ми е),и поглавната приказна-приказната за Ѓаволот.Се работи за пет странци кои се заглавуваат во лифт.Член на обезбедувањето во зградата чиешто минато е полно со насилство,млада и убава девојка омажена за богат маж која планира да го остави сопругот и да му го земе целото богатство,еден измамник,стара жена која се открива дека е крадец и еден младич кој не се запишал на рецепцијата.И кога се гаснат светлата во лифтот,еден по еден умираат.А членовите на обезбедувањето и детективот го гледат сето тоа преку камера без звук,немоќни да направат било што.

Супер филмче по тоа што го опиша Ќе го гледам убав ми изгледа

 

[Electra]

Hitchcock (2012)

Ау, маестрално!
Занимлив опис на еден значаен сегмент од животот на Алфред Хичкок, еден од најконтроверзните, а воедно и најталентираните режисери кои имаат оставено свој траен белег во кинематографијата. Филмот го доловува Хичкок и неговите односи со неговата сопруга, соработниците и општо неговото опкружување во времето кога го создавал култниот „Психо“.
Хичкок бил претерано специфичен карактер, монотон, но со препознатлив став и говор кои се тешки за доловување, и не е поради мојата наклонетост кон Хопкинс, ама буквално се наежив колку човеков може да се промени, соживи и надмине себеси за да го долови ликот.
Браво. Бра-во!
Да напоменам дека може не е за сечиј вкус, но од мене има десетка.

 

[Давор]

Fatal desire

Го гледав вчера на алфа и можам да кажам дека ми се допадна.Не очекував баш така да заврши,очекував некоја трилер-романса да испадне али сум се излажал.Актерите полн погодок,приказната уникатна,со еден збор главната поука:работите никогаш не се такви какви што изгледаат.Пред да донесеш било каква одлука,размисли пет пати дали е паметно тоа што го правиш и погледни ги фактите.Главниот лик Џо во филмот е бивш полицаец кој работи во казино. Тања е продавачка на козметика која наводно живее несреќен живот со нејзиниот навидум лош сопруг и нејзината сакана ќеркичка.Тие се допишуваат преку интернет и Тања конечно ќе се осмели да отиде да го побара Џо.Нивната врска станува се пожестока и пострасна се додека...Нема да ви кажам ништо друго, ќе ве оставам сами да откриете.Голема препорака!

 

[Kitty]

The first time
Тинејџерски филм во кој главна тема е љубовта и првите љубовни искуства ..го препорачувам за помладите генерации..

 

[Kitty]

Devil

Го изгледав, интересен беше ама вечерта не знам зошто кошмари ме отепаа
Значи финтата беше овој да признае дека е виновен...

 

[MissChievous]

Seven Psychopaths



Интересна криминална комедија. Станува збор за еден писател Марти (Colin Farrell) кој се наоѓа во фрустрирачка состојба на недостиг на инспирација за пишување на сценарио. Тој го има само насловот "Седум психопати". Неговиот другар Били (Sam Rockwell) ќе му даде предлог за ликот на првиот психопат и така ќе започне дејствието на сценариото на Марти. Во меѓувреме, Били заедно со неговиот постар другар Ханс (Christopher Walker) соработуваат во заеднички бизнис на киднапирање на кучиња, кои потоа ги враќаат на своите сопственици за парична награда. Но, тие не се свесни дека го киднапирале кучето Бони на мафијашот Чарли (Woody Harrelson), кој ќе започне да ги бара во надеж да си го поврати саканото домашно милениче. Во текот на филмот, го следиме дејствието помеѓу мафијашот и тројцата другари - киднапери и дејствието, односно приказните на 7-те психопати во сценариото на Марти.

 

[The Tramp]

Последен филм ми е Големата вода или преведен како The Great Water (2004). Македонски филм работен според истоимениот роман на Живко Чинго од 1971. Режија - Иво Трајков. Актери - од овие што ми се попознати тука се Митко Апостоловски и Мето Јовановски, другите млади дечки што немаат некоја голема кариера. Иако работен според романот на Чинго сепак сценариото е доста изменето. Колку што успеав да видам само три случки од романот се опфатени во филмот. Жанр - историска драма.
Или не сум многу по ваквите филмови или на филмов му фали нешто зашто не ми направи некој ќеф. Накратко се работи за детето Лем Никодиноски, неговото пријателче Исак Кејтен и сиропиталиштето во кое живеат. Повторно опишана бедата и тешкиот живот на нас македонците. Од мене 5/10, за повеќе и не заслужува.

 

[The Tramp]

​

Во последно време се свртев на македонска кинематографија. Пред некоја минута го изгледав Трето Полувреме. Толку холивудски направен, а сепак наш.
Целиот филм ми беше по ќеф. Приказната интересна, актерите погодени. Добро, Катерина ептен лошо глумеше, изгледа како да не знае ни македонски убаво да збори, а не Ладино или како беше тој јазик. За останатите немам некоја замерка. Срцето ми трепереше кога го гледав клубот Македонија во финалето и како го постигнаа победничкиот гол. Исто како во живо да ја гледав нашата репрезентација да победува во финалето против некој гигант. Музиката беше супер, режијата исто така. Не знам зошто бугарите толку се напалија на филмов демек бил бугарска пропаганда или нешто слично. Не видов никаква пропаганда. Реално беше претставено измачувањето на нашите од бугарите и кога го гледаат тоа се правдаат демек не биле такви. Цветки за мирисање се, а кога беа во алијанса со Швабите се правеа непобедливи. Гадови ниедни. Не сакам да ја раскажувам приказната, мислам горе долу на сите им е позната. Од мене оцена 10/10. Препорачувам.

 

[Viktor k]

Movie 43
Филм кој е најавуван како “најсмешната комедија до сега“ . Или јас сум станал пребирлив или ова нема ни С од смешно , а камо ли уште повеќе дека е некоја јака комедија:facepalm:. Залудно потрошено време е филмов.