Последен гледан филм со рецензија

[Хоуп*]

Defiance (2008)

Приказната е за време втора светска војна и за двајца браќа-евреи кои решаваат да не бидат дел од евреите по камповите кои мирно и послушно го прифаќаат фактот да бидат третирани како робови со големи шанси на крајот да завршат "истуширани" во некој логор. Ги побиваат гласините дека евреите не знаат да се борат и дека се најдобри само во умирање и храбро и покрај гладот, студот, болестите кои им се закануваат и 1000те гладни и жедни усти со нив, за кои зеле одговорност и дале ветување дека ќе ги заштитуваат, се борат против непријателот. Шансите за преживување се многу мали, опасности од сите страни, страв, студ, очај и разочарувања... Дали приказната која патем е и од вистински настани е со среќен крај или не ви оставам сами да си погледнете. Од мене имате препорака!

Insidious (2010)

Избегавам хорори, ама кога гледав една листа што сум ја правела за филмови што треба да ги гледам го начекав овој и решив да седнам да видам што е посебното што ме натерало да го изберам. И онака кога читав за него, а има и прилично солидна оцена ко за хорор, скоро па 7, очекував да се парализирам од страв, ама филмов беше... Онака. Ништо посебно. Типична приказна за семејство што скоро се вселува во нов дом, па нели тука духови ова она, па детето паѓа во кома и на крај нели се викаат истерувачи на духови и така натаму... Неколку така страшни сцени, мноооогу језива музика и звуци, на моменти и малце досаден. Ама какви ги има овој е добар.

 

[MissChievous]

Looper



Во 2074 година, кога мафијата сака да се отараси од некого, тие ја праќале својата жртва во минатото каде што го пречекува looper кој го убива во истата секунда на пристигањето. Joe е еден од тие лупери кој еден ден ќе дознае дека главниот мафијаш од иднината има цел да ги затвори сите лупс, нешто кое се постигнува така што на луперот му се праќа самиот себе од иднината. Но, идниот Џо и Џо од минатото имаат различни мислења околу целата работа. Многу уникатна приказна која ме забавуваше до самиот крај, одлична глума, всушност главната причина зошто го гледав филмов е Joseph Gordon-Levitt.

Трејлер.

Oblivion



Џек и Џулија имаат за задача да живеат на една вселенска станица блиску до Земјата и секојдневно да проверуваат што се случува на планетата на која човештвото, а речиси и секој вид на живот е уништен. Но, поради разни околности Џек ќе започне да се прашува што навистина се случува на Земјата и што е неговата задача. Иако не го сакам Том Круз, перфектен ми беше за филмов. Доста интересна приказна, одлични и многубројни видео и аудио ефекти кои го прават филмот уште подобар. Вреди да се изгледа, особено ако сакате sci fi филмчиња.

Трејлер.

 

[MoonFairy]

Филмов е сниман цели 12 години...со истите актери и фактички главниот лик расти во самиот филм...
Го опфаќа целото детство на момчето Мејсон се’ до неговото тргнување на колеџ...
Прекрасна, издржана драма...нема некоја динамика и акција, ама според мене еден реален и приземен филм...
Неговото растење, проблемите на неговите, борбата на мајка им, нејзините неколку лоши одлуки, но сепак одгледа две прекрасни деца...
Момчето ме плени со неговиот спокој, неговата смиреност, контролата на хормоните кои знаат да дивеат во одреден период од животот...разумен и паметен...на моменти збунет и конфузен ама сепак го пронајде она што го сака и што го исполнува..
Интересно е како се доловени некои особини кои потсетуваат и на двајцата родители...
Всушност, филмот испаѓа како да го посматраш детството на едно момче...

 

[Хоуп*]

A simple Plan
http://www.imdb.com/title/tt0120324/?ref_=nv_sr_1

Тројца пријатели наоѓаат урнат авион во кој има мртов пилот и огромна сума пари. Прават едноставен план за да ги задржат парите додека некој не го најде авионот. Наредните денови планот се комплицира и работите почнуваат да излегуваат надвор од контрола, а цената која мора да се плати за да се задржат парите надалеку ќе ја надмине нивната вредност.

Добар филм, ми недостигаше вака некој прилично постар пошто овие новиве вакви некако ми личат сите еден на друг. Убаво осмислена приказна за луѓето и нивната жед за пари и на се што се подготвени кога се во прашање парите. Тука не се работи само за морални вредности, тука се работи за многу поголеми и пострашни работи од да се запрашаш себеси "дали сум чесен што зедов пари што не ми припаѓаат", него неверојатно е на што не се подготвени луѓето кога се во прашање парите и животот кој ти го ветуваат. Или бар животот кој мислат дека ќе го имаат заменувајќи работи како семејството, чистата совест, слободата и мирот (кои и впрочем го прават еден човек богат) за една вреќа пари.
Да си го гледате.

 

[Altaïr]

Kon-Tiki (2012)

http://m.imdb.com/title/tt1613750/

Време е да сменам малку и да се префрлам на европски филмови, викаат одлични биле. Kon-Tiki, норвешки историско авантуристички филм сниман по вистински настан.
На некои можеби им е познат затоа што има номинација за Оскар во 2013 за најдобар странски филм. Нормално номинацијата не значи дека станува збор за добар филм но во овој случај, станува.
Филмов не може да се каже дека е ремек дело затоа што приказната не му е оригинална, но може да добие пофалба за одбраната тема.
За оние кои не се запознаени со приказната, таа оди вака.

Тор Хејердал бил авантурист кој после долго истражување поставил една интересна теорија за жителите на Полинезија. Теоријата била дека жителите ги населиле островите пред 1500 години пловејќи на дрвени сплавови дури од Јужна Америка, што е малку веројатно затоа што станува збор за 7 и повеќе илјади километри.
Одлучен да го докаже тоа Тор организирал екипа која ќе плови во идентични услови како што по неговата теорија пловеле жителите на Полинезија пред 1500 години.
Дрвени сплавови врзани со јажиња, без никакви помагала и модерна технологија, освен радио за да известуваат за нивната положба.
И авантурата наречена Kon-Tiki може да започне.

За овој настан од 1947 има направено и документарен филм кој истиот има добиено Оскар за најдобар документарец во 1951 мислам.
Како што кажав филмот не може да се пофали со оригинална приказна, но тоа не е голем минус, знаејќи дека настанот вистина се случил го прави филм поинтересен и атрактивен.

Ако се одлучите да го погледнете препорачувам да не барате ништо за тоа како завршило пловењето и докажувањето на теоријата, за да ви биде поинтересно, затоа и не открив многу туку само она најважното.

Немојте ни да очекувате филмски спектакл затоа што не е, најдобро да не очекувате ништо па можеби ќе се изненадите.

 

[Altaïr]

No Country For Old Men (2007)

http://m.imdb.com/title/tt0477348/

Старците не се добредојдени да го гледаат филмов. Се зафркавам.
Вчера го начекав на Телма, пишав и во темата за да си го гледате ако некој читаше во тоа време. Мене не ми е гледан многу пати, ова беше 3 пат како го гледам, последниот пат не се ни сеќавам кога го гледав.

Приказната иначе е сместена на границата помеѓу Сад и Мексико, во земја каде доминираат емигрантите и убиствата. Баш тука, младиот Левелин Мос ни крив ни должен налетува на пресметка помеѓу дилери на дрога, и после тоа зема не баш мала сума на пари кои им припаѓаат на дилерите.
Секако филмот не завршува така што Мос си купува остров и среќно си живее, работите кај браќата Коен се малку посложени.
Мос за многу кратко време почнуваат да го бркаат секакви манијаци на кои не им паѓа на памет да му ги остават парите. Еден од нив е убиецот Антон Чингур, ладен убиец кој без размислување ги убива сите, изгледа температурата на крвта му е околу нулата, манијачиште. Претпоставувате како продолжува, бркотници, едниот бега другиот го брка, но се на се филмот е одличен.

2 часа трае филмот и приказната не е баш оригинална, но затоа глумата е супер. Посебно на стариот Томи Ли Џонс кој во филмов глуми шериф. Нели секогаш кога има бркотници тука е и шерифот.

Одлична работа завршиле браќата Коен, направиле фантастичен филм кој вреди да се погледне повеќе пати. Филм кој заслужени си освои 4 Оскари, меѓу кои и оној за најдобар филм.

 

[Altaïr]

Maltese Falcon (1941)

http://m.imdb.com/title/tt0033870/

Уште една филмска класика со Хемфри Богарт.
Првиот филм на Џон Хастон, и еден од двата најдобри според мене. Јас кога го гледав очекував трилер ко трилер, најобичен, ама ова било многу повеќе. Филмов е полн со заплети и сигурно ќе ви пружи вистински задоволство и необично искуство, без разлика каков жанр сакате.
Многумина што сум ги прашувал за филмов ми викаа дека вакви филмови повеќе не прават, и јас го мислам истото за овој и уште неколку филмови.

Приказната мислам дека не ја знаете, затоа еве ја.
Најпрво за соколот и од каде потекнува. Малтешките витези во 1583 година во чест на шпанскиот крал Карло V направиле статуетка на сокол од секакви дијаманти, вредноста била непроценлива. Но бродовите во кои била статуетката биле нападни од пирати, и од тогаш судбината на Малтешкиот сокол е непозната, се додека не се појави кај еден човек кој касно ја разбира вредноста на статуетката.

Значи во филмов најмногу ќе гледате ловци на богатство кои не се двоумат да убијат. Затоа тука се двајцата детективи, Сем Спејд и Мајлс Арчер. Годината е 1941 и во канцеларијата на детективите доаѓа една убава клиентка која бара помош.
Прашањето кое си го поставив во тој момент а верувам и секој што ќе го гледа филмов беше. Дали стварно бара помош или е една од тие ловци на соколот?

Маестрално искомплицирана приказна во која заплетите се мешаат еден со друг, филм со многу мрачни, осетливи и неодоливи моменти.
Џон Хадсон како дебитант позади камерата направил трилер во кој добиваме повеќе од што очекуваме. Во секоја сцена има по некои дијалози и реченици кои тешко ќе се заборават.
Исто така има простор за секакви нијанси, добро, лошо, смешно, едноставно филмов е класика.

Главниот лик Спејд го глуми Богарт, тој е класичен антихерој кој не е совршен туку е обиен човек со секакви пороци. Неговото сфаќање на правдата е различно од другите, баш заради овие работи ми се допадна неговата глума.
Црнобелата позадина и одвивањето на настаните претежно навечер го прават филмов одличен.

Еден и единствен, задолжителна литература за секого. Ако имате малку време не се двоумете, одма симнете го. Уживањето е загарантиирано.

Еве еден цитат што го запомнив.
"It's heavy. What is it? - "The stuff dreams are made of."

 

[-•Lil Lamb•-]

Big Driver - 2014
Прееска го гледав, не сум којзнае што импресионирана, али секој има свој вкус. Мене ако не ми се допаѓа, на некој друг ќе му се допадне. Но во секој случај не е лош. Во филмот се збори за една писателка на криминалистички романи,која е брутално нападната од еден психотичен ум, психијатриски случај и после тоа, таа тргнува по освета.
Гледајте го!
А пред овој да го глеам ги глеав следниве неколку. Ги имам пишано и во други форуми.

Let's Be Cops (2014)
- Интересна комедија, со Damon Wayans и Jake M. Johnson се започнува
од една забава, маскенбал, се облекуваат во полициска униформа и на пат за забавата
сите луѓе шо ги видоа помислиа дека они уствари и се полицајци. И така им текнало да ја
продолжат играта, да продолжат да глумат дека се полицајци и сл. Вреди да се погледа.

Јohn Doe: Vigilante (2014)
- Трилер исто така многу интересен. Обичен човек, разочаран
од правниот систем што ги пушта криминалците на улица, мисли дека дојде време да ја
земе правдата во свои раце и тој почнува да ги убива. Крајот ми е ВРВ!

Perfect Sisters (2014)
- Во никој случај досаден филм. Двете сестри уморни од нивната
мајка, алкохоличарка и нејзините љубовници, почнуваат да размислуваат за нејзино убиство.

Another Me (2013)- Прекрасен трилер. Ако не сте го глеале веќе, да го глеате. Многу
е добар. Се раскажува во него за една девојка која одеднаш почнува да има посериозен
проблем со двојничката нејзина,која почнува да и го краде идентитетот,а и целиот живот
нејзин.

A Walk Among The Tombstones (2014)- Драма, акција. Во филмов се збори за бивш полицаец, бивш
поради тоа што испукал во неколку криминалци од кој еден залутан куршум погодил невино
девојче мало кое починало на самото место. А и тој ден полицаецот не бил на должност, по
што го отпуштиле од работа. Потоа ангажиран е да работи на „црно“ како приватен детектив
од страна на нарко бос, да открие кој му ја киднапирал и убил жена му. Гонејќи го
убиецот, сфаќа уствари дека тоа не им е прво убиство...

Housebound (2014)- Комедија, хорор, трилер. Кајл Бакнел е присилена да се врати во
куќата која пораснала, од страна на судот кој и определил мерка притвор. Нејзината казна
е уште полоша со оглед на тоа што таа нејќе да живее со нејзината мајка
Миријам-која мисли дека во куќата има духови...

Identity Thief (2013) - Нема утка дефинитивно кога се работи за Melissa McCarthy.
Има одлични комедии,после Џим Кери неа си ја поштуем ептен. Значи само погледајте
го филмов е лудница.

 

[Electra]

The Imitation Game (2014)

Немам изгледано уште 3 филма, но засега ова ми е фаворитот за Оскар за најдобар филм (и Бендлфак Кендлснеч за актер де)...мада искрено не верувам па дека еден Бојхуд или Снајперот ќе ми се допаднат толку за да би го надминале.
Фокусиран на значаен дел од животот на генијот на своето време, Алан Тјуринг, и неговата посветеност на Кристофер - машината која ја урнала германската Енигма, а со тоа ја скратила и војната за најмалку 2 години, спасувајќи многу животи. За жал, тогашните затворени општествени норми му го ускратиле правото да го докажува и развива своето знаење уште повеќе.

Навидум научно-ориентирана приказна, фино испреплетена со внатрешната борба на Тјуринг околу неговите пориви, слабости, стравови и посветеноста на работата. Ми се допаѓа како се нафрлани ситници кои докажуваат колку едно мало невнимание знае да издаде, и како перципирањето и процесирањето одредени информации може да ги донесе посакуваните одговори. Впрочем, на самиот почеток ни се кажува да отвориме 4 очи.
Иако не се случува нешто премногу драматично и динамично, филмов има (по малку и меланхоличен) шарм што не те остава да паузираш.
Бенедикт е совршен значи! Аман! Улогиве на несфатен генијалец со некоја боцкава жичка хумор му лежат до немајкаде. 10/10

 

[Saladin]

I Origins

Не знам зошто толку го величаа филмот ко да е нешто ааа уууу, искрено мене ми беше просечен. Ќе споделам неколку плусови и минуси.
Камерата и начинот на кој е сниман е единствената движечка сила во филмот. Да не беше таа, не знам дали на истиот би му дал оценка поголема од 3/10.
Глумците беа okay...ish. Французојката малку поише симпатична, Курт кобејн онака пролазна му давам (ипак Delirius му е бољи), плавата као роља ми беше фер по карактер после толкавите булшити што мораше да ги трпи.
Причата беше скромна. Поентата уште од старт е кажана, нема ништо што би те задржало до крај, освен неколку драмулетки, шаблон ствари - веќе видени во многу други филмови. Не се споредува со Mr.Nobody... А можеше да има таков концепт. Имаше такво тло.
Реално и` давам малку надпросечна 6/10 иако ни толку не заслужува. Ако ви е за пуштање мозок на пасење, ќе испадне топ филмче. Ништо друго не очекувајте од него.