Последен гледан филм со рецензија

[Altaïr]

Епа ајде и јас да пишам за Хобитот, ги изгледав сите три дела и мислам редно е да пишам нешто.

The Hobbit: An Unexpected Journey (2012)

http://m.imdb.com/title/tt0903624/

Прв дел од трилогијата која е направена според книгата Хобит од 1937. Приказната е сместена 60 години пред случувањата во Господарот на Прстените.

Целата приказна овде се врти околу хобитот Билбо Багинс кој заедно со волшебникот Гандалф и уште 13 хобити тргнуваат во авантура на Lonely Mountain (глупо ми звучи преводот) на која се наоѓа змејот Smaug.
Целата оваа авантура Билбо решава за својот 111 роденден да ја напише и да му ја даде на неговиот внук. Исто така има пишано и за борбата со шумските тролови и сите препреки и смешни моменти.
Ќе се обидам да скратам и затоа само ќе пишам дека филмов мора да се гледа.


The Hobbit: The Desolation of Smaug (2013)

http://m.imdb.com/title/tt1170358/

Втор дел од трилогијата. Најпрво да кажам дека филмов МОРА да се гледа во 3D. Толку ќе ви биде јако што ќе си мислите дека сте внатре во филмот.

Авантурата со Билбо и хобитите продолжува и овде. Заедно со волшебникот Гандалф продолжуваат кон Lonely Mountain за да го најдат Smaug.
И овој пат наидуваат на препреки но хобитите успеваат да се справат со сите. А Smaug, тој си е приказна сам за себе.

Еден "познавач" на филмовите ми кажа дека ова било детски филм. Повеќе не се дружиме и не му викам ни здраво.
Ова е се само не детски филм, акцијата е предобра и ја има повеќе отколку во првиот дел, битките се феноменални, а специјалните ефекти се свршување (извинете на зборов).
Препорака нормално.

Третиот дел ќе го пишам подоцна.

 

[Altaïr]

The Hobbit: The Battle of the Five Armies (2014)

http://m.imdb.com/title/tt2310332/

И време е за последниот дел од трилогијата. Малку ми е чудно што се е завршено, очекував уште некој дел.
Слично како што е сниман серијалот Star Wars, така и тука прво ги гледаме 4, 5 и 6 дел а после Џексон ќе не почасти и со 1, 2 и 3 дел.

Книгата иначе, не е поделена на три дела но Холивуд мора да направи нешто во своја корист. Книга од 300 страни е поделена на 3 филма, кои траат повеќе од 8 саати заедно. Значи помалку време ќе ви треба за да ја прочитате книгата отколку да го изгледате серијалов.

За приказната во овој дел зборува насловот. Пресудната битка за Erebor или како што пишував до сега, Lonely Mountain.
На самиот почеток ќе го видите крајот од претходниот дел, и дури кога хобитите ќе влезат во своето изгубено царство овој филм почнува. Од сите страни доаѓаат "заинтересирани" за Erebor но хобитите не ја даваат тешко освоената планина.

Е сега следи нешто што е подобро од секс ако го гледате во 3D. Битката на петте армии трае околу еден час, или поточно 40 минути. Само што ќе помислите дека е готово, филмот ве вовлекува во бесконечна борба.
Интересно е тоа што овој дел трае најмалку, само 140 минути. Можеби ако излезе некој director's cut ќе ни биде појасно зашто е тоа така.

Далеку од тоа дека овој филм нема емоции, спремете се за многу емоции пред и после борбата.
Кај многу критичари филмов помина лошо, но според мене е достоен наследник на Господар на Прстените, иако е во негова сенка.

За крај, ако сакате филмски маратон, почнете со првиот дел од Хобитот и завршете со третиот од Господар на Прстените. 6 филма, повеќе од 1000 минути филм.

Величенствено.

 

[Electra]

The Tourist (2010)
http://www.imdb.com/title/tt1243957/

Толку го деградираа филмов, што ми требаа 4 години да му дадам шанса.
Френк и Елиза, случајно или не, налетуваат еден на друг во воз за Венеција.
Таа е привлечна и со опасен план, а тој изгубен професор по математика во потрага по лек за скршено срце. Or so it seems...
Филмов има релативно ниска оценка, веројатно поради пласирањето на истиот ко драма/трилер/акција...што баш и не е. Но, не е ниту најлошиот филм направен во историјата, има свои моменти. Ако го гледаме ко љубовна приказна за верност и поданост, со малку акција и комични елементи, е океј.
Крајот е предвидлив и малку смешен, али мајке ми.
Би му дала 7ца...7,5 евентуално.

Џони не ми е баш во најомилените актери, ама неверојатно симпатично му лежи да глуми збунет и беспомошен.
Анѓата - стандард. Прекрасна жена ми е, ама ја оптеретуваат само со фем-фатал улоги кај што е опасна цура. Има многу повеќе квалитети од тоа.

Не очекував многу, па затоа и ми беше океј. Се изнасмеав на доста сцени, посебно кога Френк го напаѓаат во хотелот и врти на рецепција.
- Hello? Please help!
- Buongiorno, signore...
- Bon Jovi, I need help! There are two men trying to break down the door.
- I see...what kind of problem do you have with the door, sir?
- No, no, no...there are two men with guns trying to break in...Dos hombres con pistola! (шпански си збори со Италијаните)
- Your Spanish is excellent, sir.
- Thank you... *му ја разнесуваат вратата* I gotta go!
- ...Americans.

 

[MissChievous]

The Iceman



Филм посветен на животот на платениот убиец Ричард Куклински. Одлична биографија каде што е претставен човекот кој безмилосрдно убил 100 до 250 луѓе во периодот од 1948 и 1986 година. Michael Shannon е одличен во филмов, го немам видено подобро да изглуми во било кој друг филм. Ми се допаѓа како е претставена неговата трансформација во текот на сите тие години кои ги опфаќа дејствието во филмот, а најмногу од се, последната сцена со монологот во затворот. Исто така, иако Chris Evans имаше мала улога, сепак морам да го спомнам бидејќи одглуми перфектно.

Трејлер.

I Origins



Молекуларен биолог опседнат со очите, во соработка со неговиот лабароториски партнер и сопруга започнуваат да истражуваат дали постои поврзаност помеѓу 2 личности со ист примерок на ирис. Интересна непредвидлива sci fi драма која ќе ве замисли и ќе ви даде нова перспектива на некои работи. Дали резултатот од нивниот експеримент би можело да биде вистинит во реалниот живот? Толку ми се допадна филмчево, што морам да споделам неколку цитати тука.

Трелер.

 

[MissChievous]

Sound Of My Voice



Брачен пар кои по професија снимаат документарни филмови ќе се приклучат во секта која обожува девојка која тврди дека е од иднината, со надеж дека ќе откријат доволно информации поволни за снимање на нивниот нов документарец. Како и во другите 2 филмови кои ги имам гледано со Brit Marling, така и тука таа е СОВРШЕНА. Како што се отплеткува дејствието, се повеќе сме растргнати помеѓу тоа дали таа ја кажува вистината или е ментално болна. Крајот, а богами и целиот филм, ни остава доволно простор за слободна интерпретација на приказната. @Outrider , филмчево може ќе те интересира зошто е со секта.

Трејлер.

Another Earth



Аууу филмов... одлична sci fi драма. Не само што Brit Marling ја има главната улога, туку таа има и удел во пишување на сценариото. Режисер на филмот е оној на I Origins - Mike Cahill. Истата вечер кога Рода ја прославува својата матура, се открива нова планета во Соларниот Систем идентична на планетата Земја, видлива за човековото око. Таа возејќи се дома ќе започне да ја гледа планетата и така, ќе предизвика сообраќајна несреќа. Во несреќата ќе починат трудна мајка, нејзиниото 5 годишно момче, а мажот ќе падне во кома. Дејствието се префрла 4 години подоцна кога Рода искача од затвор и тогаш ја започнува вистинската борба со своите демони поради тоа што го стори таа вечер. Во меѓувреме, Втората Земја е поголема и на неа ќе пратат луѓе и ќе се случи нешто невообичаено. Рода сакајќи да му се извини на мажот, тие поради други околности ќе започнат да се дружат и зближуваат. Истовремено, пратиме двајца луѓе одведени до работ на пропаста поради сообраќајна несреќа, но исто така и она што се случува со Втората Земја. Иако раскажав доста од приказната, тоа всушност е само првиот основен слој на тортата.

Трејлер.

 

[Electra]

Before I Go To Sleep (2014)
http://www.imdb.com/title/tt1726592/

Уште едно убаво склопено дело за 2014та.
Крис се буди секое утро без меморија од последните неколку години, и секое утро сопругот мора да ја потсетува кој е тој и што се случува(ло) во нивниот живот. Таа води и таен видео дневник со помош на невропсихијатар кој, исто така, ѝ се јавува секое утро за да ја потсети да ги прегледа претходните настани и да види дали тоа ќе предизвика нешто кај неа.
Како што ѝ се навраќаат минимални флешови, таа почнува да сфаќа дека некој опасно си поигрува на сметка на нејзината меморија.

Актерска екипа - бонбони. Посебно Никол ја обожавам, а мислам дека ова и е и една од подобрите улоги во последно време.
Таман едно нешто (мислиш дека) си разјаснил, се случува нов пресврт. Лакот си го изедов, ќе шетам пак со црн заб. Иако, никнуваат тук и таму некои прашања што си поигруваат со логиката, ама све у рок службе.
Филмот има и една убава, меланхолична нота и добро ускладено темпо кои совршено доловуваат што се случува во умот на секој лик.
Има мешани критики, претежно од оние кои ја прочитале книгата (која баш сакам да ја најдам за споредба), ама гледано само како филм, одличен е!

 

[MissChievous]

The East



Уште еден филм со Brit Marling во кој таа глуми таен агент (така некако) и нејзината задача е да се инфилтрира во анархистичка група која напаѓа големи компании кои легално повредуваат луѓе со своите производи. Како и во останатите филмови, така и тука ми се допадна како одглуми Брит, значи типката ја обожавам! Сара успешно ја извршува својата работа, но сепак дали може да остане непристрасна кон членовите на групата отткако ќе ги запознае подобро и ќе ги ислуша нивните животни приказни?

Трејлер.

Dumb and Dumber To



Глупавиот и поглупавиот после 20 години. Слушав доста лоши критики пред да го изгледам филмов, највеќе дека не може никако да се спореди со првиот дел. Тоа е вистина чисто зошто првиот дел е легендарен филм кој сме го изгледале 100 пати во последните 20 години. Приказната и хуморот всушност се супер и во овој дел. Јас се изнасмеав добро едно 10-ина пати, има доста откачени сцени, како што и очекував.

Трејлер.

X-Men: Days of Future Past



Јас си ги сакам сите делови на Икс Мен и попладнево баш ми легна филмов. Искрено, најинтересен дел досега. X-Men екипата го праќа Wolverine 30 години назад во минатото со надеж дека ќе успее да промени неколку дешавки кои позитивно ќе се рефлектираат на нивната иднина, односно сегашност. Интересно ми беше да ги видам сите познати ликови во млади години и ми се допадна како ги внесуваа во приказната еден по еден. Многу акција, многу борба, многу многу ефекти.

Трејлер.

 

[Struggler]

The edge of tomorrow

Интуицијата овие денови ми е на високо ниво и само што го пуштив филмот ми текна на една прочитана манга (има и новела) и се прашував зошто токму сега ми текна на мангата после толку време? Епа филмот да ти бил базиран на мангата, но колку што се сеќавам изменет е крајот во филмот, но е интересен. Се работи за sci-fi филм, инвазија на вонземјани над Земјата и луѓето се обидуваат да се спасат со војна против нив.

Спојлер

Рита и Кејџ на некој начин се бесмртни, т.е. се рестартира денот откако ќе биде убиен Кејџ. Мислам дека ќе му требаат над 500 пати додека да успее во својата цел. Сепак е добар, во мангата батката му требаше можеби над илјада пати.

Мојата препорака е доколку сте фанови на sci-fi филмови, филмот е квалитетен и дајте му шанса. Оценки ретко давам затоа што многу фактори влијаат, но ајде да го оцениме еве со 7/10.

 

[MoonFairy]

Temptation: Confessions of a Marriage Counselor (2013)
Драмиште...
Млад брачен пар кои се заедно цел живот, од нивната 6-7 година, после средно школо решаваат да се земат и да се преселат во голем град...Ни тој ни таа немале друг...никогаш не биле со друг...воспитани во духот на христијанството, живеат мирно и примерно...
Се’ додека таа не се вработи во една фирма како брачен советувач...
Тука запознава еден млад, богат, моќен господин кој ќе и’ ги отвори вратите на оној живот за кој секогаш сонувала и мечтаела...од флерт кој ќе трае подолго време преминува во афера која ќе ја измени потполно...и ќе види и една друга страна од животот...
Многу добар, со добра поента, и пред се’, многу реален...

 

[Altaïr]

Breakdown (1997)

http://m.imdb.com/title/tt0118771/

Филм кој го прикажувале на тв милион пати. Сакам да гледам вакви непознати филмови и постари, ги има почесто на тв.
Некои се ептен глупи, ама некои интересни се, како на пример овој.

Џеф и Ејми се возат одат во Сан Диего од Бостон, возење низ цела земја кое се претвора во кошмар.
После долго возење им се расипува колата, околу нив нема ништо, пустина. Наидува еден камионџија кој се нуди да им помогне, Ејми се согласува да оди со него до најблискиот град а со Џеф ќе се најдат подоцна. Но, да беше се така лесно немаше да е добар филмов.
Ејми исчезнува и никој не знае каде е, Џеф одлучен да ја најде доаѓа до шокантно откритие.

Курт Расел ни ми е добар глумец ни лош. Онака просечен. Ова му е една од подобрите улоги, другите му се не баш добри за мене.
Како што кажав, скоро непознат филм но вреди да се погледне.