Последен гледан филм со рецензија

[MissChievous]

Kafka



Франц Кафка работи во компанија за осигурување и по смртта на неговиот пријател Едвард, открива мистериозно underground друштво кои се бори за чудни цели. Знам дека Кафка има едно дело кое се вика The Castle и иако го немам читано, претпоставувам дека филмот е поврзан со него. Многу ми се допадна како е снимен со оглед на тоа дека е од 1991 година, а постојано имаш чувство дека е постар најмалку 40-тина години. Интересна приказна со многу добра порака.

Трејлер.

 

[Altaïr]

Once upon a time in the West (1968)

http://m.imdb.com/title/tt0064116/

Сега ќе ве замарам со вестерн филмови.

Филмов е еден од најдобрите вестерни, ако не и најдобриот. Мене на пример, ми е најомилен од сите филмови од овој жанр.
Перфектна глума полна со секакви емоции, музиката на легендарниот Енио Мориконе, режијата на Серџо Леоне. Значи филм кој е еден од најдобрите во својот жанр, тука е некаде и Good, Bad and the Ugly.

Најпознат режисер на вестерн филмови е кој друг ако не Серџо Леоне. Колку само добро го направил филмов. Целата таа предобра приказна е толку добро составена што мислам дека филмов би го гледал секој, без исклучоци.
Дивиот Запад и неговите преубави пејсажи даваат дополнителна убавина на филмот, нормално и музиката на Мориконе кој често има соработувано со Серџо. Се ова кога ќе се спои, доаѓаме до заклучок дека филмов е мастерпис.

За актерите. Хенри Фонда во една од главните улоги, толку добро одглуми што не знам што да пишам, феноменално.
Тука е и Чарлс Бронсон кој исто така глумеше супер. И нормално, уште една убава актерка во тоа време, Клаудија Кардинале.

Не верувам дека некој би сакал да го погледне филмов, но добро би било. Нема да зажалите.

 

[MissChievous]

Predestination



Речиси е дојден крајот на 2014, а ова е можеби најдобриот филм што го имам гледано годинава. Филмов е тежок за објаснување бидејќи секоја нова сцена открива нова информација поврзана со приказната, нешто налик на Мементо. За да го разбереш крајот, не смееш да го пропуштиш почетокот и за да го разбереш почетокот не смееш да го пропуштиш крајот. Кратката содржина на IMDb гласи: The life of a time-traveling Temporal Agent. On his final assignment, he must pursue the one criminal that has eluded him throughout time. Во текот на филмот пратиме 2 приказни: едната е поврзана со човекот кој патува низ времето и се труди да го сопре бомбашкиот терорист во Њујорк, а другата е поврзана со една персона која имала тежок живот - сираче оставено на прагот од Дом за сирачиња, личност која поради многу причини e сметана целиот свој живот за freak. Нивните 2 приказни се поврзуваат кога личноста од втората приказна влага во бар да се напие пијачка, токму во оној бар каде што личноста од првата приказна е шанкер. Одличен sci fi трилер! Екстремно добра глума од двете главни улоги!

Трејлер.

 

[Хоуп*]

Fermat's Room или поточно La habitación de Fermat
http://www.imdb.com/title/tt1016301/

Мистериозниот Фермат, праќа покана на четворица математичари кои успеваат да ја решат енигмата која им ја има поставено како услов за присуство на математичарското собирање во кое е план да се разменат знаења и да се дружат меѓу себе. Но кога ќе пристигнат ќе видат дека ништо не е како што очекувале. Собирот е уствари една болна игра во која мораат брзо да размислуваат и да решаваат енигми, зошто во спротивно со секое изгубено време и неточен одговор, ѕидот од собата се стеснува се побрзо и побрзо.

Интересно филмче, има заплети, неочекувани моменти, интересна содржина, интересни актери, интересни енигми и загатки... Убава замисла и реализација, мене ми се допадна и го предложувам. 8/10

 

[Struggler]

District 9

Пошто пишуваше дека е акција/Action очекував инвазија на вонземјани со цел да ја окупираат планетата Земја. Но, напротив добив филм во вид на драма, и тоа прилично интересен.

Вонземјаните "закочија" кај планетата Земја, град Јоханесбург бидејќи им падна битен дел за двиежење на бродот. Потоа направија изолиран град District 9 каде живееја вонземјаните помешани со луѓе (од Нигерија) и беа како криминалистичка група, луѓето, да се разбереме.

Е сеа интересното е, решија да прават попис и да видат колку вонземјани има, им пребаруваа низ колибите што има, а имаше доста интересни оружја, предмети итн.. главниот што го вршеше пописот, фати еден предмет и му прсна во уста. По некое време почнаа да му паѓаат ноктите од раката и му течеше црна течност од носот. Што ли ќе се случи понатам? -Гледајте го филмот!

 

[Altaïr]

Lucky Number Slevin (2006)

http://m.imdb.com/title/tt0425210/

Филмов ми беше сличен на North by Nortwest, разликата е во тоа што North by Northwest е мноогу подобар но и Slevin не е лош. Двајца одлични актери глумат тука, Бен Кингсли и Морган Фримен.

Џош Хартнет го глуми Слевин Келевра кој ќе се најде на погрешно место во погрешно време. Двајца мафијаши ќе го заменат Слевин со Ник Фишер, пријателот на Слевин. Таа грешка ќе му донесе многу проблеми од кои ќе проба да се спаси заедно со комшиката на Ник.

Крајот ми беше пријатно изненадување, но не ми беше нешто нај нај. Глумата на Бен и Морган не треба да се коментира, феноменални актери.

Не можам да кажам дека беше одличен филм, затоа што цело време додека го гледав како да знаев што следува, многу ме потсеќа на North by Northwest. Интересен можам да кажам дека е, онака ако ви е досадно можете да си го гледате, иначе не би го препорачал.

 

[Хоуп*]

Trainspotting
http://www.imdb.com/title/tt0117951/?ref_=nv_sr_3

Филм базиран на роман од Ирвин Велш за 4 другари- зависници од хероин.
Многу реално донесена приказна за зависноста од дрогата, животот со неа и очајничките и најчесто неуспешни обиди за спас, како и влијанието кое го има врз семејството, пријателите и општеството. И се разбира, последиците...
И кога сум кај последиците... За една сцена требаше да бидам предупредена
Ми се допадна и дури ќе го издвојaм ко најдобар што сум го изгледала со ваква тематика. 9/10

 

[Harvie]

TRAINSPOTTING - Danny Boyle (1996)

Филм од 1996 на Дени Бојл кој лека полека си го проби своето место во историјата, меѓу филмските класици, како културолошки феномен. Верувам дека многумина од вас веќе го имаат гледано. За мене беше првата реприза во 2014, зошто ветив некому дека Trainspotting ќе биде меѓу првите филмови што ќе ги изгледам во новата година. Содржината верувам на сите е позната: Марк Рентон (Јуан Мекгрегор), зависник од хероин се обидува да стави крај на неговиот живот како зависник, но тешко е покрај влијанието на друштвото и опкружувањето за кое самиот вели дека „ќе вбризгаше дури и витамин C во вените, само да го прогласеа за нелегален“. Верувам дека исто како мене и други се запрашале дали при снимањето на некои сцени од филмов и Бојл бил под дејство на некои опојни супстанци? Иако нема којзнае каков линеарен тек на приказната, туку е повеќе како нижење на искуствата на Рентон, филмов успева да биде интересен, па дури и да му се дадат епитети како имагинативен и смешен. Оние кои низ годините се обидуваа да го дискредитираат, играа на картата дека филмот го прикажува користењето на хероинот како уживање, или како што Рентон вели, „како најјакиот твој оргазам, помножен со 1000, и се уште не би бил блиску“. Сепак, по мое мислење филмот не пропагира употреба на дроги. А и како би можел, кога гледаме какви пропалици се луѓето кои уживаат во хероинот низ филмот? Зарем некој би сакал да стане како Спад и

Спојлер

да лежи издрогиран по улици, мрмлајќи нешто што никој не го разбира, или да се разбуди во кревет измачкан со измет од глава до пети?

Сепак, како превентивна мерка, не би ви препорачал да им дозволите на вашите малолетни деца дури ни да ѕирнат додека го гледате.
Би сакал да завршам онака како што Рентон почна:
„Одберете живот. Одберете работа. Одберете кариера. Одберете семејство. Одберете еден голем е**н телевизор, одберете машини за перење, автомобили, CD плеери и електрични отварачи за конзерви. Одберете добро здравје, низок холестерол и стоматолошко осигурување. (...) Одберете ги вашите пријатели. (...) Одберете ’направи сам’ и во некое неделно утро запрашајте се кои сте вие, по ѓаволите. (...) Одберете ја иднината. Одберете живот...“ И дури и ако веќе го имате неколкупати гледано, одберете Trainspotting!

IMDB оценка: 8,2/10 Моја оценка: 9/10

 

[Altaïr]

The Game (1997)

http://m.imdb.com/title/tt0119174/

Не сум пишал рецензија за филмов а одамна ми е гледан, денес со друштво пак го гледав дека тие го немаа гледано, и таман си се потсетив на тоа колку е добар филмов.

Николас Ван Ортон добива чуден роденденски подарок од неговиот брат, визит карта на компанијата CRS и му кажува да се јави на бројот. Од компанијата му даваат шанса на Николас да биде дел од игра. Игра која ќе му го промени животот. Доста е, нема да се воздржам и спојлер ќе пишам.

На малкумина им текнува на The Game кога ќе се спомене Финчер, тоа е затоа што ги имате Fight Club, Se7en, многу попознати филмови кај фановите.
Тоа според мене е грешка која сите ја прават, The Game по мене е на исто рамниште со погоре пишаните. Има добра приказна, добро сценарио и најбитно од се, мистериозен трилер кој нема да ви биде досаден.
Многу критики има за тоа дека филмов станувал досаден по првите 30 минути, и дека крајот многу ги натерал да го мразат филмот. Не се сложувам ама баш ич од почеток па до крај е супер, и крајот мене не ме натера да го мразам филмов баш напротив, крајот го ставам меѓу оние кои ме оставиле со отворена уста.

Супер филм, или подобро да кажам, филмиште.

 

[Altaïr]

A Fistful of Dollars (1964)

http://m.imdb.com/title/tt0058461/

Се заразив со вестерниве, сум симнал дури 15 од кои 7 веќе изгледав. Сега ја почнав трилогијата на Леоне или попозната како Dollars Trilogy. Клинт Инствуд со уште неколку добри актери во еден од најпознатите шпагети вестерн. Филмов е излезен прво во Италија, а 3 години подоцна и во Америка. Многу го сметаат за римејк на еден јапонски филм од 1961.

Во приказната се работи за странец кој доаѓа во еден мал град покрај Мексиканската граница во кој две скарани фамилии се борат за да завладеат со градот. Сакајќи да заработи лесни пари, непознатиот човек одлучува да игра опасна игра со двете фамилии и да ги натера да се убијат.
Ова е првиот дел од трилогијата, другите ќе ги пишам во истово мислење. Музиката е на Енио Мориконе и е предобра. Ми се допаднаа оние сцени со дуелите и тоа како добро се снимени. Супер филм.


For a Few Dollars More (1965)

http://m.imdb.com/title/tt0059578/

Еве го и вториот дел, малку повеќе е познат од првиот ама и малку подобар, барем за мене.
Во овој дел непознатиот човек заедно со уште еден се во потрага по најбараниот човек на Дивиот Запад, нормално за да земат пари. До целта ќе стигнат потешко отколку што мислат.

Филм со повеќе пукање и неочекувани моменти, глумата на Иствуд го прави уште подобар.
Вестерн класика.


The Good, The Bad and The Ugly (1966)

http://m.imdb.com/title/tt0060196/?ref_=m_tt_rec_tti

Последниот и најпознатиот дел од трилогијата. Можете да гледате и 100 вестерни но ако не сте го гледале овој исто како да не сте гледале вестерн филмови.

Тројца се во потрага по скриеното богатство, секој го сака целото за себе но патот е долг и тежок, двајца патуваат заедно а едниот пробува на секој начин да стигне пред нив. Филм со многу легендарни сцени и дуели, најпозната сцена која секој што гледа вестерн ја знае уште позната е како The Trio, последниот дуел на сите тројца. Нивните смирени и исплашени погледи, музиката на Мориконе во позадина, се тоа во едно. Маестрално, феноменално. Серџо мајсторе.

За вложениот труд заслужувам пп од некоја убава форумџика.