Никогаш не поклонувам нешто колку само да се рече еве ти поклон.
Гледам поклонот да има значење и да биде посебен, па затоа секогаш го изработувам сама.
Обично правам честитка и пишувам по некоја строфа желби лично смислени, а другото зависи за која личност станува збор.
Јас на дечко ми му имам купено зипо го однесов во чаршија во златара и ми го изгравираа датумот кога ја започнавме нашата врска и една табакера, пушач е па ептен се израдува. Му имам направено торта од пива бидејќи обожава пива, имам направено торта во форма на срце, му имам зготвено вечера , му имам купено 101 бајадера и на секое бајадериче по една желба на мали шарени ливчиња напишав ги ставив во убав црвен стаклен сад од Џамбо го завиткав со мрежичка и ставив голема црвена машна и ред други работи како шал, каиш, ракавици итн... Значи секогаш подготвувам нешто кое има значење за мене и за личноста на која го подарувам тоа. Имам подарено многу работи а и тој мене...
Еве како женско ќе ви кажам дека и женските повеќе сакаат нешто да изработите и да им подарите отколку само да фрлите пари на нешто колку да се рече ете ти купив. Многу сакам цвеќиња, па тој никогаш не заборава барем еднаш месечно да ми подари роза, попрскана со златни светки... Ми има подарено и риба, ми се јави една вечер да искочам пред зграда дека ми пратил нешто по такси, искочив и таксистот ми даде онаква топка со каменчиња и златна рипка внатре и писмо на кое пишуваше ќе ти ја исполнам секоја твоја желба... Исто така ми има подарено книги премногу, енциклопедии, ситници, честитки, накит итн...
Се надевам дека на некој му дадов некаква идеја...