Не дека лошо збориш, но повеќе си фокусиран кон жртва-ѓубре односот наместо кон целата слика од повеќе агли.
Не велам дека нема вина и во таа, кучката, што ја викаш, ама зар најпрво не треба тој да си ги носи децата на душа? Не може сама никоја да му седне на Столета ако и нему не му мрда, не одат така работите еднострано ко по филмовине каде испаѓа дека се плеснале по грешка и крајот е среќен за сите.
Ајде што викаш ако знае, ама башка што во голем дел случаи, третата шупелка воопшто не ни знае дека другиов тера брачен живот.
Ако ѝ ветува, а таа знае дека е женет, ајде...да не речеме глупа, ама наивна е и лесноумна, но и не значи дека стварно братов нема да ја остави жената, има и такви случаи, ама ако третава не ни знае дека е женет, многу е логично да се надева и да лета во облаци. Не секој е доволно исусен на љубовен план (а нели, таквите се најлесен и најбаран плен за пастуви во брак), ниту пак секој е со кликер да застане цврсто на земја и да се размисли дали можеби нештото е too good to be true, башка нели, љубав мути мозак.
Нејсе, нашол ладило. Да не му одел бракот до степен на развод, доблесно ќе ја оставел жената и пред да започне афера, но не мора ни да значи дека е незадоволен, туку едноставно - му се пружила прилика и бил доволно незрел да ја прифати.
Ова пошто збориме за маж кој изневерува, па зборам за машки род...не дека кај жени е поарно. Прашајте ги посебно овие на кои мажите им се по Ирак и Авганистан, а тие секој ден се на кафиња и по хотели со пријател.
Да бидеме па фер...не мора секогаш да станува збор само за онадење, некому се допаднал некој друг, повеќе му/ѝ одговара на секое поле, Боже мој, може навистина се заљубиле во друг/а, што не значи дека оправдувам зад грб да се тера и сум прво за развод, па бркање друг, но се случува и тоа. А па ко што се склопуваат сега бракови ко од шала, (пријатно) би ме изненадило ваквите врски надвор од брак да се реткост.
А како да изреагира ако не ни знае за аферата?
Ова би важело во случај жената да знае, но во реалноста, најголем дел од роговите се носат на слепо. Ако довербата меѓу брачниве партнери е веќе стекната и не се проверуваат ко тинејџери на половина час, има простор и простор за тајност и средби протнати меѓу работно време/обврски и слободно време со пријатели/роднини. И лесно е ние да пишуваме дека е глупава и дозволува да ја газат, но можеби нема кај да оди и не може да се издржува сама/со децата, а и тешко е кога дел од животот бил посветен на подигање и планирање иднина, дом и семејство. Во спротивно, не знам кој би се одлучил да се врти во таков круг ако има излез за мирен живот.
)
Ташлаци... 
