Можеби многу си го замарам мозокот со "неговите" глупости, но кога веќе ми е дечко 4 години, па можеби и не се само негови глупости. Вака сега да си го кажам она што ми лежи на срце. Како што кажав имам дечко, 4 години сме заедно, happy in love, но имаме еден проблем со кој се мачиме повеќе време. Кога почнавме со врската тој беше буцко-срцко(дебелко сакам да кажам), а сега е исушен, а единствена причина(според мене) е што користи дрога, односно марихуана. Е сега имавме многу расправии во врска со таа тема "марихуаната" и тој вети дека ќе ја откаже. Порано ми кажуваше кога пушеше, а јас збеснував како животно и сега или прекина со користење или прекина да ми кажува. Но уште едно нешто што ме мачи е тоа што има користено и кокаин, неколку пати, според тоа што тој го кажува. Проблемот е што јас сум од тие таквите што не можат да поднесат дроги, такви ми ти глупости. И сега тој ми вети дека ќе прекине со се, но јас не му верувам некако си мислам дека уште ги користи. Пробав неколку пати да го оставам, но тој молеше, плачеше, се направи за да бидам со него и ајде ме фати жал и ништо од тоа. Сега можеби оваа нема да ви изгледа како кој знае каков проблем, но мене тоа не ми излегува од глава и не знам како да дознаам дали уште користи и не можам да му верувам.
Сама си го имаш дадено одговорот на твојот проблем. Тебе ти има признато дека пуши марихуана, има користено и кокаин - а кога видел како си збеснала, сметај може да има користено уште нешто, но не ти кажува.
Реално, марихуаната е проблем, можеби за некого не, но еве конкретно тебе ти е. И ти не можеш да го прифатиш тоа. Ова само ќе се трупа, тебе ќе ти смета, ќе те нервира се до моментот кога ќе се изгубиш себеси во врската, кога секој ден ќе ти биде нервоза, кога секој ден ќе се јадеш зошто ништо нема да можеш да смениш.
Разговор му е лекот, кажи му дека вие сте заедно 4 години и дека нема да пуштиш толку лесно врската да ви се расипе, кажи му дека пред се тој ти значи и дека доколку сеуште има проблем со дрогата, ти ќе бидеш покрај него и ќе го пребродите тоа заедно. Доколку успееш да го убедиш дека дрогата е проблем и доколку покаже желба за откажување од тоа биди покрај него и помогни му. Има луѓе кои се откажале, посебно од марихуана.
Од друга страна ако те лаже (а лесно се докажува тоа, урина тест, специфичниот мирис, ширина на зеници кога сте заедно, некои покажуваат параноја), тогаш проблемот е многу потежок. Тој ако не сака да се смени, ако не му е битно тоа дека тебе ти смета, ти кажав, тоа само ќе се трупа, ќе ти смета, нема да ти биде убаво (впроочем и сега не ти е убаво) и ќе бидеш во врска во која не си среќна. Сама пресуди дали сакаш да бидеш во таква врска.
Секој заслужува втора шанса, ама доколку некој упорно не сака да ја прифати, не оди со главата во ѕид. Гледам 19 години имаш, ќе се заљубиш пак, не си престарена. Подобро е да прекинеш нешто дури си во врска, зошто понатаму ќе биде се потешко и потешко. За старт, разговор во 4 очи, со сите карти извадени на маса.
