Неколку совети доколку почнувате со вегетаријанство
- Денот започнувајте го со свежо овошје, свежо цедени сокови и вода. Утрото е наменето за чистење на организмот, затоа треба да внесеме што повеќе течности, витамини и свежа храна полна со ензими. Понекогаш се будиме со чувство на глад, но најчесто се работи за жед. Одкако ке се напиете вода или свежо цеден сок, тогаш тоа чувство исчезнува, а вие нема да го изморите организмот со варење на храна уште во утринските часови.
-Напладне оброците нека се состојат од салати од зеленчук искомбинирани со разновидни семки (сусам, ким, лен, сончоглед, семки од тиква исл.), најдобро би било да се живи, непечени. Доколку сакате семките да бидат помеки, оставете ги да одстојат во ладна вода околу час и половина. Водата ја цедите и семките ги ставате во салатата.
Доколку јадете готвена храна за ручек, тогаш внимавајте количината на свежата салата да биде поголема од количината на термички обработената храна.
- Навечер може да се опуштите и да јадете повеќе готвено, но најдобро е во секој оброк да ви е застапена свежата храна.
-Измеѓу оброците грицкајте семки, свежо и суво овошје и пијте свежи сокови.
-Јадете само кога сте гладни. Кога сте вегетаријанец и сакате да се храните здраво, не важи правилото три оброка дневно. Вие самите треба да си ги распределите оброците во согласност со вашите потреби.
- Јадете по помала количина на храна од еднаш. Ако имате голем апетит јадете почесто. Прејадувањето сериозно избегнувајте го.
-Јадете разновидна храна. За да ги задоволите сите ваши потреби не е потребно многу знаење, доволно е да јадете разновидна храна и освен овошје и зеленчук во вашето мени внесете и јаткасти плодови, семки, житарици и зачини.
Кога преоѓате на ваков начин на исхрана, може да се соочите со следниве три фази:
-Катаболизам - Кога телото се чисти и токсините се разложуваат со што се губи во тежина. Во оваа фаза повеќе се разложува одколку што се создава во организмот, затоа можно е нагло да се изгуби во телесна тежина.
-Стабилизација - Процес кога престануваме да губиме тежина бидејки телото е прочистено и процесот со разложување се изедначува со процесот на создавање на ткивата.
-Анаболизам- Во оваа фаза доаѓа до постепено покачување на тежината иако се храниме со помалку калорична храна, доаѓа до подобра апсорбција на храната и подобра работа на ензимите. Во ова фаза се создава здраво ткиво кое многу потешко се разложува бидејки е составено од поразлична материја и на тој начин доаѓаме до нашата идеална тежина.
