Вчера за прв пат седнав да видам кои се тие ѕвезди околу кои се крева фама...и коса ми се крена од некои.
Не ги запомнив сите, но Маја повеќе заслужи да оди понатака од оние четири гуски во магла. Чинам ќе се испотепаат околу тоа која да е поглавна и која на која ќе спушти подебилен муабет, ама па и менторката им е таква. Порано што бев ѕиркала, океј ми делуваше Кристина, сега ми е антипатична со сите нејзини обиди да ги деградира другиве ментори и нивните изведувачи, додека за Жељко ми се смени мислењето кон позитивно. И треба да е строг и да укажува што (не)треба, а лапсусот мене барем ич не ми беше потресен, ниту потребен за издигање и квази патриотизам по социјалниве мрежи, посебно не на латиница и со нула правопис, а најпосебно не од оние што ни М не знаат од македонска музика, туку за волја на иронијата, сушат со српско. Плус, човекот културно се извини.
Ми се допадна таа плавата Александра, моќен глас има со многу подобра боја од Тамара, која ја форсираат во фазон што не ѝ лежи, ко што и признаа.
Оние Џастин Биберовци, неостварени Уан Дајрекшн и остали калибар, може не се лоши, ама би тепале само на карта на изглед возвишуван од потпалена тинејџерска раја. Барем мене ми се здрвени и без никаква харизма.
За Даниел може сум пристрасна дека е наш, ама дефинитивно го гледам на врвот. Мил е, скромен, културен, едноставно му се гледа добрината од очи.
Од такт ме вадат коментари „Никој не е ко Тоше“ бла бла бла...озбилно тупат и ми се блуе од тоа лицемерие само поради тоа што е мртов. Не секој што фатил да испее песна од Тоше, сака да го замени, аман! Странцине се гордеат кога некој ќе викне ко Витни Хјустон или има специфичен глас ко Ејми Вајнхаус, а нашава раја ќе се испотепа со петелење дека Тоше е еден, оти станале фанови после смртта и грев е некој да се осмели да пее нешто негово.
Ако испеал ко него - го копира, ама никој не е ко Тоше, ако не испеал ко Тоше - никој не е ко Тоше. А ваму споменот требало да живее. Тогаш ај само ќе го пуштаме еднаш годишно на ТВ и на YouTube ќе му коментираме колку е најдобар и дека фали, пошто он, кај и да е, седи на нет и коментари чека од нас.
Господе, Боже...недокваканост.
зашто бе лошо баш убаво сите си испеаа
