Смртна казна

[Jericho]

Сегде во затворите, па и кај нас, нели има секаков вид на криминалци, од луѓе што се безопасни како некои што затаиле данок, па се до сериски убијци, терористи итн... И таму сите се заедно, се дружат и функционираат заедно без оглед кој што направил надвор, е арно ама единствено дело кое не се толерира е педофилија и малтретирање деца, па така често знаат да бидат малтретирани, тепани или евентуално самоубиени од страна на другите затворенци...

 

[iva89]

Што ќе кажете на ова бе пријатели ?!

КИДНАПИРАНА И ЅВЕРСКИ ИЗМАЧУВАНА МАЛОЛЕТНИЧКА ОД ШТИП​

Средношколка еден месец била во кома, дрогирана и изгорена​

Седумнаесетгодишна ученичка минатиот месец била грабната на улица од тројца нејзини сограѓани, кои ја дрогирале и се изживувале врз неа, па кога девојката паднала во кома, ја фрлиле на улица. Еден месец по грабнувањето, кога малолетничката се освестила и ја напуштила болницата, заедно со нејзината мајка случајот го пријавиле во полиција, по што биле уапсени С.Џ. ( 23), Д.Ј. ( 20) и Е.Д. (20), со кои се познавала.​

Како што дознаваме, двајца од уапсените одрекувале дека ја грабнале и ја малтретирале малолетничката. За разлика од нив, пак, С.Џ. признал дека тој со шприцови $ вшприцувал на девојката некаква течност, без да открие за каква супстанција се работи, од која девојчето речиси еден месец било во кома.​

Настанот се случил на 17 февруари, околу 8 часот, на улицата Страшо Пинџур, кога киднаперите сопреле со автомобилот и со сила ја внеле девојката внатре, по што еден од нив и` ги врзал рацете за седиштето. Потоа почнале со ѕверското измачување. Додека двајца ја тепале и од нејзиното голо тело ги гаселе цигарите, третиот со два шприца, наизменично, и` вшприцувал некаква течност. За сето време од ѕверското измачување, за да не бидат откриени и да не се слуша гласното викање за помош од девојчето, во нивниот автомобил трештела турбо-фолк музика. ​

Од мачењето и од течноста која и` била вшприцувана во едната рака и во бутот, девојката не издржала, и се онесвестила.​

Исплашени да не им умре на раце, тие во близина на нејзиното училиште ја исфрлиле од автомобилот, и заминале. Онесвестеното девојче како лежи на асфалтот покрај улицата го забележале минувачи, и веднаш било однесено во Штипската , а оттаму во Скопската клиника каде што, по речиси едномесечна терапија, се освестила. Вчера, кога излегла од болница, заедно со мајка и` го пријавиле случајот во полиција.​

​

Извор: www.vest.com.mk​

Браво за примеров...еј ајде сега уште мислите дека за овие само затвор е доволна казна??? Девојчето можело да умре, а тоа девојче можело да биде било кој од нас, и ваквите лица откако ке си ја отслужат казната пак ке бидат на слобода и наредниот може да биде било кој што ке го снајде истото.Кога вие би биле на нејзино место би биле задоволни со казна затвор која што во меѓувреме ке им ја намалат и побрзо ке излезат на слобода, а таа треба цел живот да се плаши кога ке излезе на улица да не ги сретне истите и да и се одмаздат зашто ги пријавила.

 

[990Freak]

Да. Некој тип носи животи на цело семејство, и се извлекува со 10 години затвор? Кај е правдата тука?

 

[Black Mamba]

Украина во шок: Синови на функционери силувале и запалиле девојка понеделник, 19 март 2012

Шокантен случај на 18-годишната Оксана Макар, која двајца синови на поранешни владини функционери, заедно со уште еден другар, ја силувале, ја фрлиле во канал и ја запалиле, ја потресе Украина и предизвика бран на масовни демонстрации.

Демонстрантите бараат да се забрза истрагата и за сторителите на вакви дела да се воведе смртна казна или кастрација.
Несреќната девојка која злосторниците ја оставиле мислејќи дека е мртва, сепак го преживеала страотното злоставување, но има изгореници на повеќе од половината на телото, а лекарите мораа да и ги ампутираат едната рака и двете стапала.
Според "Киев Пост", двајцата обвинети, Максим Присјажњук (23), син на претседател на регионална управа, и Артјом Погосијан (21), син на регионален јавен обвинител, на 9-ти март ја повикале Макар во станот на заедничкиот пријател Красношек, каде, според обвинението, ја силувале, се обиделе да ја задават, а потоа ја замотале во чаршав, ја фрлиле во каналот на едно градилиште и ја запалиле.
Наредниот ден, девојката ја пронашле градежни работници кои слушнале лелекање, а после неколку операции и повеќедневна борба на лекарите да и го спасат животот, конечно била во состојба да раскаже што и се случило.
Тројцата осомничени се уапсени, но двајца од нив истиот ден биле пуштени на слобода заради недостаток на докази.
Обвинителството тврди дека Оксана не била испрашана бидејќи не била при свест, иако нејзината мајка инсистира дека ќерка и е во состојба да зборува. Вистинска атмосфера на гнев ја зафати целата земја откако шефот на полицијата потврди дека двајцата осомничени кои се пуштени на слобода се синови на функционери, а едниот од нив дури ставил и видео на Youtube во кое го објаснува злосторството.
Едниот од сторителите, инаку татко на двегодишно девојче, без многу милост раскажа што се случило.
"Да, ја силував. А бидејќи не сакаше да се смири, решив да ја задавам. Им кажав на другарите дека мораме да го изнесеме телото бидејќи тука ми се родителите. Кога се вративме во собата, видовме дека девојката е жива. Најдов некое јаже на терасата и решив да го довршам започнатото", раскажа тој ладнокрвно.

Движењето на активистките за правата на жените Феменорганизираше демонстрации во топлес пред канцеларијата на главниот обвинител во Киев, скандирајќи "Смрт за садистите" и "Погубете ги ѕверовите".
Тие укажаа на спороста на полициската истрага и попустливоста која е покажана кон осомничените.
Протестите го принудија претседателот Јанукович да му нареди на јавниот обвинител повторно да го испита случајот, па на 13-ти март двајцата функционерски синови повторно се уапсени и заедно со третиот осомничен се обвинети за обид за убиство.
За повторно воведување смртна казна во Украина за вакви случаи се заложија и некои пратеници од Парламентот, а еден дури предложи да се воведе казна кастрирање за силувачите.

 

[bubili]

Педофил-смртна казна
Силувачи-кастрација па нека живее
Се слагам со мислењето кој што направил така да му се врати да види како е
Нешто што највеќе мразам се манијаци,силувачи,педофили....ах да ми паднат на рацеве...

 

[ipopovski]

Точно е дека за убиства, педофили заслужуваат смртна казна.
Проблемот е начинот на контрола на извршување на оваа казна. Земајќи ги во предвид корупциите и бизнис игрите кои владеат особено во нашиот регион, мислам дека многу лесно би можела да падне оваа мерка во рацете на одредени профитери.
Затоа мислам дека не сме подготвени за вакво нешто.

 

[iva89]

Кај нас мислам дека нема некоја работа што нормално функционира без мито и корупција па така и оваа нема да биде..ако се воведе такво нешто кај нас потребни ќе бидат многу големи промени а што е најважно мислам и дека воопшто нема да успее!Како и да е ние на форумов споделуваме наши мислења ставови, а начинот, процедурата и функционирањето се многу деликатна и опширна тема.

 

[Redhead]

За педофили,силувачи,убијци да сметам дека треба да има смртна казна.Кога они си дале за право да уништат човечки живот што понатаму......
Човечки права и слобода за секој човек,да се сложувам.Меѓутоа а правата на жртвите и нивната слобода?
А правото на живот на тие што им е одземено,а правото на слобода на децата и жртвите од силување?

 

[Marick14]

Јас би применил за силувачите и педофилите ваков закон. А убијците може да поминат без ова...ќелија за нив доживотна.

 

[Praetorian]

Ваква тема изисквува опширна дебата, полемизирање, изнесување pro и contra ставови.
Ставовите кои ја оправудваат смртната казна се дека таквата казна е справедлив надоместок кон општеството и поколенијата на жртвата, кои на таков начин ќе го смират својот неспокој во сеќавање на жртвата која настрадала од убиецот. Како најопшт впечаток кој се остава во јавноста при извршување на смртна казна е тој дека правдата била задоволена, дека тој ја добил заслужената казна.
Од другата страна на правдата се наоѓаат оние ставови на експерти кои не ја оправудаат смртната казна со едно едноставно објаснување- судот со изрекување на смртна казна врши уште едно убиство. Веќе осуденикот претходно извршил едно или повеќе кривични дела за кои е изречена таквата казна (убил, силувал и убил, извршил повеќекратно убиство, масакар и сл.), и со изрекувањето на истата судот не го спречува понатамошното извршување на таквте и слични кривични дела, туку го избира најсоломонското решение- убива уште еден човек, убиецот.
Се поставува прашање кое може да има а може и да нема конкретен одговор- Дали со изрекувањето на смртната казна во иднина ЌЕ СЕ СПРЕЧАТ убиствата, силувањата...? Дали ако на еден осуденик му вбризгаме инекција, го седнеме на електрична столица, го задушиме со гас, дали со неговата смрт некој друг човек од останатие 6 милијарди нема да стори исти кривични дела?
Секако дека ќе стори, и апсолутно не се менува ништо во свеста на луѓето иако се извршуваат смртни казни ширум светот (некои држави во САД, Кина и сл.) Со извршувањето на смртната казна се убива убиецот, и на тој начин му се скратуваат маките кои би ги доживеал под специјален режим во затворот.
Суштината на една затворска казна (почнувајќи од затворот Синг-Синг, Пенсилванискиот систем на окајување на грввот во тишина итн.) е осуденикот да ја издржи казната затвор, макар било тоа во вакви случаи и до крајот на животот, да биде изложен на тежок живот, различен од оној во реалниот свет, а не веднаш да се убие а во реалноста повторно да се повторуваат истите и слични кривични дела.