И јас мислам дека да му се дозволи на некого да ја смени титулата доколку има одреден број на мислења е лоша идеја.
Бројот на мислења ќе порасне за 50%, ако не и повеќе само за да се достигне тој Х број. А и верувам дека ќе се стигне тој број брзо бидејќи многумина веќе имаат над 1000 мислења, а покрај тоа има и членови кои го користат форумот како војно поле, е-дневник или chat box - па се караат, секоја акција ја внесуваат во соодветната тема, почнуваат нови теми како да им е хоби (не теми кои се интересни и забавни, толку "ради-реда"), или пак си разговараат со членови преку мислења.
Наместо да се цени бројот на мислења, зошто да не се цени квалитетот на мислења па да има "Член на неделата/месецот"? Или пак "Најлош член на недела/месецот"?
Во зависност од тоа како се однесуваат и какви мислења даваат - можат да бидат наградени или казнети. Ем ќе видат членовите дека трудот/добрината се ценат, ем ќе видат дека глупирањето и неправедното однесување се казнуваат.
Нема воопшто никаква смисла да се награди некој кој има илјадници мислења, а половина од тие се навреди, глупости или мислења ништо не придонеле за темата во која биле испратени.