Big Sur
Само што го изгледав, добив толку силна импресија што морав веднаш да го споделам. Прво и основно, го обожавам Керуак. Се поврзано со него ми е привлечно и импресивно и сакам да дознаам/видам/прочитам што е можно повеќе за неговиот живот. Тој има книга со наслов "Big Sur", но ја немам прочитано и не знам дали филмот е адаптација на книгата или пак, книгата е некој вид на автобиографија односно мал дел од неговиот живот пренесен на страници, па филмот го прикажува токму тој период кога е напишана книгата. Во секој случај, ми се допадна иако немаше некоја посебна приказна. 3 години отткако ја издал книгата "On the road", Џек живее во центарот на вниманието на медиумите и поради тоа, се осеќа притиснат и без нималку приватност. Поради тоа, оди да одмори во една колиба на негов пријател која се наоѓа на пределот Big Sur (California), но после само 3-4 дена му станува досадно. Сепак, издржува 3 недели, а потоа заминува во Фреско каде што се наоѓа со своите пријатели (помеѓу кои и Нил, познат како Дин во На Пат) и продолжува со своето секојдневие, постојано пијанчење, муабетење, филозофирање, пеење, играње, лудување,... Не сакам да продолжам да го раскажувам, ова е доволно. Во текот на целиот филм, Керуак е наратор на сопствените мисли и чувства, што го прави овој филм прекрасен. Го гледаме неговиот бурен карактер, нескротливоста, борбата која ја води сам со себе (и своите демони), борбата за потрага на нешто повеќе. Улогата на Керуак ја има Jean-Marc Barr (The Big Blue). Кинематографијата е ЛУДА! Поготово во првите 20-ина минути. Те тера да спакуваш ранец и да заминеш некаде во шума покрај море/океан и да уживаш сам со природата. На IMDb има мизерна 5,9, но ја сум давам 9ка (дури би му дала и 10че, но ете).
