Критикување

[alba]

Јас овде ке го цитирам Џамбазов:

„ Читателу мој сакан запомни го ова. Лошите критики можат добро да делувааат на тебе.
Добрите можат лошо.
Затоа добрите критики не секогаш се добронамерни.
Особено, ако им ја препознаеш намерата.
Ако знаеш дека се од оние што или ти се болно љубоморни или се оние другите. Тоа се оние кои кои никогаш нема да ти кажат дека си добар, тогаш кога и самиот знаеш дека си навистина добар. Има и такви кои ке ти кажат дека си добар, дури и тогаш кога си лош. За да бидеш што полош.
Каква перверзија.
Јас ги обожавам оние третите кои ми викаат дека сум лош, дури и тогаш кога сум по малку брилијантен.
Тие се моите срцки.
За нив живеам и творам. “

 

[Марија]

Како се носите со "товарот" кога некој ве критикува?
Критиката може да биде позитивна но и негативна,зависи кој како гледа на работите.
Колку ги прифакате критиките или едноставно ги игнорирате?
Размислувате ли за своето однесување откако некој ве искритикува?
Се менувате ли?
Допираат ли до вас?

Дали вие често ги критикувате другите?

.

Добро поднесувам критика. Сметам дека во животот многу повеќе може да ми послужи негативната критика, посочување што сум згрешила и што не чини отколку блескави коментари кои можат да се сведат на ласкање.
И прифаќам критики, како резултат на тоа станувам подобра личност со тек на времето. Секогаш барем ги разгледувам и размислувам дали треба да ги прифатам или не.
А на последново прашање незнам да одговорам. Зависи кој што сфаќа за критика.

 

[Trajche]

Јас многу сум самокритичен, да не речам дури премногу се критикувам, не се случува некој многу да ме критикува, а и да ме критикува веќе е тоа слушнато од самиот себе, и го примам сосема најнормално, ништо ново.

 

[Lena]

Критиката ми е многу важна.
За мене е дури позитивна,затоа што ми помага да работам на себе,
да се подобрам во некои работи.
Сакам критики,и немам проблем да прифатам критика како таква..
А други,па не критикувам многу..
Не се замарам,а и знам дека повекето имаат коплекси па незнаат да прифатат критика.
Освен ако е некој кој ми е важен и разбира дека не е за лошо..

 

[Luckky]

Секоја критика е добредојдена без разлика дали е позитивна или негативна.. Колку и да се разликува нејзиното толкување од човек до човек сепак е резултат на одредена постапка или ситуација. Многу сум самокритична и знам да дадам критика кога мислам дека е истата потребна без разлика дали ќе им годи на другите или не.

 

[Saladin]

додека е конструктивна, критиката е повеќе од само лепење на етикети.
Прифаќам критики кога имаат поента, а не само да поттикнат раздор, налепат етикети. Критикувам онаму каде сметам дека човекот греши, но избегнувам делење критики јавно, повеќе практикувам тет а тет. Се` до оној момент кога на критиката добивам етикета на контрадикторност. Тогаш не штедам зборови.

 

[elizabetta]

Прифакам кртитки од луѓе чие мислење го почитувам и најчесто негативни критики добивам токму од тие луѓе. Јас лично не критикувам многу од причина што негативните критики тешко се прифаќаат и најчесто лошо и грешка се сфатени. Затоа и кога критикувам гледам да биде на начин кој ке биде правилно сфатен и нема да ја повреди личноста на која и е упатена критиката.

 

[Hkakashi]

Едини критике кои пробују да ги поправу е на тренинг трењер кт ке каже овој не ми е добро и тој. Друг кт ке ми каже исто како да не ми е кажаја.

 

[Solstice]

Треба да ги спомнеме овде и луѓето кои во нивното критикување кажуваат вистина кога критикуваат,но критикуваат на начин на кој ги омаловажуваат оние кои ги критикуваат и ги прават да се чувствуваат помалку вредни за тоа што го згрешиле.
Треба да ги спомнеме и луѓето кои критикуваат за полнење на сопственото его,кое често доаѓа премногу до израз кога постојано бараат некого да критикуваат.
Критиката како критика треба да е умерена,и ако не е прифатена како критика тоа треба да не донесе до прашањето ДАЛИ воопшто е изнесено како критика или како навреда,независно дали е добронамерна,дали е вистинита и било што.
Инаку,прифаќам критики ако се изнесени на начин на кој нема да ме навреди,туку ќе ми укаже.

 

[Nighty]

melpomena, нешто како непишано правило е личноста што ќе ја отвори темата - особено ако ја почнува со прашање/прашања - да ги каже своите ставови/одговори околу неа. Овде твој одговор на прашањата не видов. Удостои не’, доколку сакаш?

Инаку, на ова поле сум специфичен, па и чуден, односно не умеам „идеално“ да прифаќам критики, како негативни, така и позитивни, особено за конкретните работи што ги правам.
Кога нешто правам, вложувам се’ од мене во тоа, па затоа доколку ме критикуваат негативно, не посветувам внимание, и заземам „одбранбен“ (ако сакате и арогантен) став од типот дека критиката доаѓа од личност што не знае што и колку јас точно сум вложил за нештото да се заврши, па не би ни можела да го направи тоа подобро од мене.
Од друга страна, кога се’ е како што треба и ми следи позитивна критика, пак се збунувам и не знам како да реагирам, особено зашто и самиот секогаш очекувам резултатите да се онакви какви што сакам, и следи дека критиката е за нешто „очигледно, нормално.“
Кога ме критикуваат негативно за карактерот, е тогаш е веќе друга приказна - внимавам многу во иднина да не се повтори особината за која ме искритикувале, и навистина се трудам; Но така е затоа што, истовремено, и јас отворено кажувам кога во туѓиот карактер нешто „чкрипи“ и очекувам личноста да го смени тоа свое однесување.

Патем, прочитав 2-3 „open-minded“ одговори што навистина се косат со тоа какви се личностите кои ги пишале (односно, пишале дека критиките ги прават подобри луѓе и се секогаш добредојдени, но реалноста говори дека не се)... Jас само ќе замолам да не се создаваат лажни претстави/слики на темава, не ни доликува. Ете така, почитувани.