Критикување

[melpomena]

Како се носите со "товарот" кога некој ве критикува?
Критиката може да биде позитивна но и негативна,зависи кој како гледа на работите.
Колку ги прифакате критиките или едноставно ги игнорирате?
Размислувате ли за своето однесување откако некој ве искритикува?
Се менувате ли?
Допираат ли до вас?

Дали вие често ги критикувате другите?


Ниту еден остварен човек,кој е сигурен во своите принципи и скоро секогаш се придржува кон нив,кој е сигурен во состојбата на својот ум,дух и тело,не се плаши од критиките туку ги почитува.
Во нив најпрво ја бара објективноста,добронамерноста и конструктивноста.Ако не наиде на ниедна од овие работи тек тогаш има право да помисли дека неосновано е искритикуван.

 

[990Freak]

ич тасе не ме боли. Нека критикуев колко им душа сака. Мој живот си га живу, и тој у фул темпо. Ако на некога му смета нека се замара. А ти не е лошо да се одадеш, ќе ти пројде време јебига.

 

[melpomena]

ич тасе не ме боли. Нека критикуев колко им душа сака. Мој живот си га живу, и тој у фул темпо. Ако на некога му смета нека се замара. А ти не е лошо да се одадеш, ќе ти пројде време јебига.

што значи тоа одадеш?

 

[990Freak]

незнам, највероватно да се омужиш. И да имаш поколение.

 

[melpomena]

незнам, највероватно да се омужиш. И да имаш поколение.

Се извинувам што не ти го разбрав баш дијалектот,ова нема да го сметам за критикување туку како совет.Ти благодарам што се грижиш односно оптеретуваш со тугите животи,во случајов со мојот.Ке подразмислам за советот.

Успат ми даде и идеја да ја дополнам темата со уште едно прашање.
Колку вие сте склони кон критикување на другите?

 

[MissChievous]

Зависи за што е критиката и од кого доаѓа. Во принцип, потребна ми е критика, особено за некакво мое дело, нешто што имам направено, па ми треба оцена.

Туѓата критика е ново видување на работите, па некогаш може да ти ги отвори очите. Најчесто критиката помага за усовршување, но може да има и спротивен ефект. Некако научив да ја прифаќам позитивно критиката и да работам на случајот.

 

[МиГ 21]

Секако дека е потребна критика. Доколку е позитивна ми годи, нормално и дека не ми е баш пријатна негативната. Но, негативната критика ми укажува на грешките. Секако дека не може на сите да се угоди, но кога некоја критика е на место, ја прифаќам. Има и злонамерни критики или критики од луѓе чие мислење и не ми значи ништо. Не се обѕирам на тие.

 

[FallenAngel]

Аууу не ме прашувај ептен пламнувам кога некој ме критикува,ич незнам да се носам со тоа.Но зависи дали е негативна или позитивна.

 

[The_Mayor]

Не сакам да слушам критики, ако имаат да дадат комплименти... убаво, ако не нека преќутат.

 

[Coelho]

Како се носите со "товарот" кога некој ве критикува?

Ако е валидна критиката - нема товар. Едноставно работиме на тоа да се подобриме (барем тие што имаме желба да се подобриме), или пак работиме кон тоа нареден пат да не бидеме критикувани, туку пофалени и прифатени. На крај-краишта многу работи кои ги правиме, без разлика дали сме свесни за тоа и би сакале да признаеме или не, се сведуваат на прифаќање од тие околу нас.

Дали ги прифакате критиките или едноставно ги игнорирате?

Најчесто ги прифаќам бидејќи се согласувам со нив и многу пати и самиот знам што треба да подобрам кај себе, уште пред некој да стигне да ми го укаже проблемот. И всушност тоа и ми помага бидејќи ми докажува дека не е само нешто што си го замислувам, туку е вистина.

Неколку од тие проблеми би биле постојано доцнење или пак бурно реагирање во момент на нервоза.

Размислувате ли за своето однесување откако некој ве искритикува?

Најчесто, доколку критиката е поддржана (и доколку тој кој ја прима критиката е некој кој може сам да си признае дека греши, наместо да негира и да си живее во свој свет), нема многу потреба за размислување на што се однесувала критиката, или пак примери каде може да се примени критиката, туку веќе сме свесни и работиме на тоа.

Ако јас не сум способен да затворам уста на час и зборувам со Петранка и Јанка со 300 на саат, па и се качам на професорката на глава и ме искритикува и опомени, логично е да се извинам и да престанам да дрдорам, а не да почнам да филозофирам и да се бранам кога очигледно не сум во право.

Се менувате ли?

После (поддржана и валидна) дадена критика? Пробувам.

Мислам дека повеќето пробуваат бидејќи никој од нас не прима толку многу или толку големи критики за ако пробаме да промениме нешто да изгубиме многу време или да се изгубиме себеси.

Дали вие често ги критикувате другите?
Ретко критикувам, почесто советувам.
Поентата кај критиките е што многу лесно може да се злоупотребат од страна на некој кој ни мисли лошо. Лажни критики од луѓе кои ни мислат лошо комбинирани со ниска самодоверба можат многу лесно да ни создадат големи проблеми низ животот (особено на млади години) со самите себеси, со самодовербата, сигурноста. Можат да прераснат и да се развијат во разни социјални проблеми, анксиозност и недостиг на желба за да бидеме околу други луѓе, а камо ли запознавање на нови луѓе или пак формирање на пријателства.

Затоа е многу важно да се внимава со какви луѓе сме всушност опколени, кои луѓе ги нарекуваме другари/другарки и пријатели/пријателки и да имаме самодоверба, па дури и малку его на моменти за заштита.