Колку трае сегашноста?

[Electra]

Вчера било некогаш сега.
Поминало.
Утре можеби ќе биде сега.
Ама тој момент на сега го носиме постојано со себе.
Не гледам тука нешто што не е јасно.

Било и ќе биде, те разбрав тоа, но како тоа сега може да се продолжи или скрати со задржан здив?
Не би имало потреба или логика од такво нешто ако...

Сегашноста трае вечно.

Еве, веќе тоа што ни беше сега пред еден час кога сме пишувале на истава тема, веќе е минато, а хипотетички да е можно јас да не сум дишела сето тоа време и, ко што велиш, сé за мене да запрело, за мене не би бил часот 23, туку 22:15?
Самиов сегашен час, мерено според нас, за оние од другите временски зони е минато и иднина, за нив е - сега.
р.ѕ. Јас перфектно можам да почнам и завршам мисла со задржан здив, ништо не чувствувам да престанува, освен дишењето.

 

[Lena]

Било и ќе биде, те разбрав тоа, но како тоа сега може да се продолжи или скрати со задржан здив?
Не би имало потреба или логика од такво нешто ако...

Еве, веќе тоа што ни беше сега пред еден час кога сме пишувале на истава тема, веќе е минато, а хипотетички да е можно јас да не сум дишела сето тоа време и, ко што велиш, сé за мене да запрело, за мене не би бил часот 23, туку 22:15?
Самиов сегашен час, мерено според нас, за оние од другите временски зони е минато и иднина, за нив е - сега.
р.ѕ. Јас перфектно можам да почнам и завршам мисла со задржан здив, ништо не чувствувам да престанува, освен дишењето.

Дали ти во моментов додека го читаш ова го доживуваш твоето минато или твојата иднина?
И ако да,како?

 

[MissChievous]

Ако гледаме на минатото, сегашноста и иднината како на минута, час, ден, недела, итн. тогаш да речеме дека сегашноста е секунда. Секунда по секунда иде, односно секоја претходна секунда е веќе минато, а секоја наредна секунда е иднина. Но, бидејќи секундата трае премногу кратко, тогаш на некој начин, постојано сме во сегашноста. Секако, може да гледаме на сегашноста и на подолги временски периоди, па макар тоа да е и ден. Сонцето изгрева, потоа заоѓа. Денес = сегашност, вчера = минато, утре = иднина. Ете уште еден начин на кој можеме да ја "мериме" сегашноста. Епа што знам, веројатно кој како си се пронаѓа. За мене да речам "Остај го сега тоа, во минатото е" треба нешто да се случи, некаква промена. На пример, сеуште сум запишана на факултет што значи тој период не е во минатото, но од денес решив дека ќе почнам посериозно да го сфаќам, така што сите неуспеси што се случиле се во минатото (ваљда, ќе си бидам јас оптимист ).

Парадокс е, ете тоа е!

 

[Saladin]

Сегашноста? еден миг кој за жал секогаш подоцна го забележуваме.

 

[Outrider]

Зависи од тоа каков е сегашниот момент. Ако сегашноста е болка, тогаш времето се влече и одминува споро. Ако сегашноста е убава...обично минува брзо, барем така делува во рамките на перцепцијата.
Некои би рекле дека живеењето во минатото или иднината е резултат на лошата сегашност.
Јас сум незадоволен од сегашноста и најчесто живеам во иднината, квази-футурист и напорно се трудам и го очекувам моментот кога сегашноста ќе фати чекор со иднината.

 

[Electra]

Дали ти во моментов додека го читаш ова го доживуваш твоето минато или твојата иднина?
И ако да,како?

Прашање со прашање.
Моето сега дури сум читала, за тебе веќе било пишано минато. А после тоа и за мене.
Штом според тебе сегашоста е вечна и сé е сега, тогаш не може да ги спомнуваш минатото и иднината зашто по таа логика и тие ќе да се сега.
Тоа сепак не го одговори прашањето што го имавме за пролонгирањето на мигот (сега) со задржан здив, но бар ко форумска заедница мрднавме од мртва точка на хронична недискусија.

 

[Pica pica]

Често се сеќаваме на она што се случувало пред сегашноста, а знаеме да мечтаеме за она што ќе дојде после неа.
Но...

Колку време треба да помине пред сегашноста да се претвори во минато?
Кога почнува, а кога завршува сегашно време?
Сегашноста е само сега овој миг, овој час, само овој ден, оваа година?
Колку трае сегашноста?

Сегашноста е тесно поврзано за оној кој истото го доживува ,додека нејзиното времетраење зависи од свесноста за своето постоење.
Тоа може секој да разбере ако размисли,дали се сеќавате кога сте биле мали бебиња?
И тогаш постоело инервал за време,постоеле ден и ноќ,но никој не се сеќава зошто свесноста за своето постоење не постоело,а со самото тоа ниту време,па моментот на сегашноста бил ист со вечноста.
Подоцна кога за своето постоење сте станале свесни моментот на сегашноста додал термин на минато и иднина.
Колку помалку човек е свесен за своето постоење,толку поголем е моментот на сегашноста која може да достигне и вечност.

 

[MissChievous]

Еве да се надоврзам на тоа што го реков претходно, со еден цитат од книгата на Kurt Vonnegut "Slaughterhouse-Five":

"All moments, past, present, and future, always have existed, always will exist…It’s just an illusion here on Earth that one moment follows another one, like beads on a string, and that once that moment is gone it is gone forever."

 

[lady_blue]

Трае до моментот во кој ќе помислиш „ништо веќе нема да е исто“. Тогаш сегашноста станува минато, а на нејзино место дошла некоја друга сегашност. Еден живот завршува, а почнува друг, поинаков. И сфаќаш дека си поинаков и ти...

 

[TheQueen]

Сегашноста е минато.
Траела пред да стигне информација до нашиот мозок.
А траела...помалку од еден миг.