Лигурија е италијански регион, сместен на северо-западниот дел од Апенинскиот Полуостров и која како главен град ја има Џенова. На југ се граничи со Лигурското Море, на запад со Франција(регионот Прованса - Алпи - Азурен Брег, на север со регионите Пиемонте и со Емиља-Ромања и на исток со Тоскана. Лигурија е составен дел од Еврорегионот Алпи-Медитеран. Со своите 5.421 km² Лигурија е еден од најмалите италијански региони но е еден од најгусто населените, особено во приморските делови каде што е концентриран најголемиот дел од економските активности. Меѓу1950 и 1960 година, бројот на населението во Лигурија пораснал благодарение на големата имиграција од Јужна Италија, пред се во Џенова. Денес, по затворањето на многу фабрики, иселеничкиот бран престанал, што не важи и за туристичкиот, имајќи предвид дека Лигурија е една од најпознатите италијански туристички дестинации. Освен Џенова која е главен град на Лигурија, други познати лигурски градови се и Империја, Ла Специја, Савона, Бордигера,Портофино, Сан Ремо и Сестри Леванте.
Лигурија е регион во Италија кој има највисок процент на стари лица и кој се наоѓа на самото дно на листата на наталитет. Речиси една четвртина од населението е над 65 годишна возраст.
Заливот Ла Специја е наречен уште и „Залив на поетите“ во спомен на англиските поети Шели и Бајрон кои таму престојувале на почетокот на 1800.
Се најубаво сум слушал за тој град!
Заљубена сум во оваа земја. Бев во Рим, Неапол и Бари. Останав без зборови. Незнам како да опишам колу е прекрасно.....Нема друга земја која е полна со толку многу љубов. Храната, Италијанците...сосема ќе ти го променат животот. Италија е рај на земјата.
