Дали знаете да простувате и колку често го правите тоа?

[Marchisio]

правам грешки, секогаш се извинувам и простувам така ќе биде и овој пат нека ми прости што бев со мојата порака неразбран,
избришиме веќе од твојот живот слободно ќе ти простам знам дека ќе ти олесни

 

[Anacal]

Простувам само на оние кои сметам дека заслужиле да им биде простено и дека навистина се каат што погрешиле, инаку ретко кога простувам. Како што реков - бирам на кого ќе простам.

 

[Lovely*-*]

Лошо е што сум многу добра и на сите можам да простам (но не и да заборавам...)

 

[radioactive]

Доколку се работи за нешто кое длабоко ме повредило и оставило трага врз мене...никогаш. За ситници можеби, а можеби и не

 

[Kisserboy]

Го простувам тоа што се простува, ама не и секакви неправди.

 

[Хоуп*]

Секогаш ми била глупава реченицата -простувам ама не заборавам- по малце нелогична и малку повеќе дволична.
Дали тоа значи дека ако некој ме изневерил, ќе му простам, ама нема да му го заборавам и на секоја следна караница ќе му го вадам на нос?

Гледам сите се изјасниле дека простуваат, браво убаво е да имаме повеќе луѓе како вас...
Јас и да кажувам и да пишувам и себеси да се убедувам дека простувам, секоја постапка ме убедува на спротивно. Дека ни знам да заборавам (освен во случај во кој ќе се изјаснам подолу) ни знам да простувам. А не ни сакам, тоа не ме прави подобар човек, него наивна мета за искористување.
Сакам да се одмаздувам, ни помалце ни повеќе, онолку колку што ми згрешиле. Тогаш сум на рамно и можам да заборавам и да тргнам понатаму. Да простам не можам, па нека ме прави тоа и ужасен човек!

 

[Prashina]

Сакам да простувам, христијански било. Но за жал длабоко во себе морам да признам не простувам. Само ја подзатворив вратата на срцето за тие кои ми згрешиле. Не се гордеам со тоа. Во секојдневниот живот само ги ставив на дистанца која ја чувствуваат и самите, без чувство на бес или на одмазда. Среќна сум што успеав од тоа да се ослободам. Убаво е да се простува, но кој може да го направи тоа вистински. Јас се може да ти дадам, но да ти простам ако си ме изиграл не можам. Нека ми простат за тоа.

 

[Saladin]

Зависи. Анализирам. Од повредата, начинот на кој е нанесена, кој ја нанел, причина зошто како.... И дали постоела задна намера. Признавам не се правам на Дева Марија и да го вртам и вториот образ. Но некогаш во дадени околности, зависно и од горенаведеното простувам и по одредено време, заборавам.

 

[Enduu]

Да, зависи од ситуацијата и околностите. Треба, и убаво е да простуваш. Меѓу тоа, внимавај на какви луѓе им простуваш, бидејќи постојат такви што знаејќи дека имаш меко срце и ќе им простиш, постојано продолжуваат да те повредуваат, правејќи те наивен/а. Ги има многу, барем во мојот живот..

 

[*V******]

Простувам секој ден.......го поедноставувам живтот.......неможам да живеам во напната ситуација....едноставно....неможам.