Последен гледан филм со рецензија

[MissChievous]

The Descendants



Филмов седнав да го изгледам чисто поради Хаваи. И не зажалив. Мет Кинг е човек кој поседува големо парче земја на Хаваи, но тоа не е единствената причина зошто сега тој се врати на тоа место. Отткако неговата жена ќе се повреди во несреќа со брод и ќе падне во кома, тој ќе се труди да си го поправи односот со своите 2 ќерки. Воглавно добар филм, сконцентриран на тоа како еден маж и 2 деца го прифаќаат фактот дека неговата сопруга и нивната мајка можеби никогаш нема да се разбуди. Како може една трагична случка да ги промени мислењата и чувствата кон одредена личност... Како бонус, филмот изоблива со прекрасни сцени од Хаваи, едноставно да позелениш од завист што не можеш да живееш таму. Но, како и во остатокот од светот, токму и таму животот си има своја тежина.

Трејлер.

 

[MissChievous]

The Voices



Психопатски криминален трилер со црн хумор. Џери пати од шизофренија (во најмала рака) и никако не може да се вклопи во општеството. Живее сам со едно маче и куче, со кои разговара кога е дома и тие се неговите најдобри пријатели кои му даваат совети. Работи во фабрика за пакување и таму, ќе се вљуби во една девојка. Отткако работите со неа нема да се одвиваат по замислениот план, тој ќе се вљуби во друга девојка која исто така работи со него. Главниот проблем е што тој не ги пие апчињата препишани од психијатар и поради тоа, неговиот свет е многу поинаков од реалноста. Го обожавам Рајан Рејнолдс, едноставно пресимпатичен ми е и добро ми глуми. Приказната е доста чудна и хуморот е мрачен, но токму тоа и ми се допаѓа. Одлично е претставен светот на еден пореметен млад човек кој се што сака е да не биде сам.

Трејлер.

 

[MissChievous]

Stonehearst Asylum



Филм снимен според приказната на Едгар Алан По, во која дејствието се одвива на прагот помеѓу 19тиот и 20тиот век во една лудница. Младиот доктор Едвард Њугејт доаѓа во оваа лудница да започне да работи со ментално болни луѓе, но како што ги запознава луѓето кои работат таму и оние кои се примени како пациенти, сфаќа дека нешто не е баш во ред. Помеѓу многубројните пациенти ја запознава и убавата Елиза со која се зближува уште од самиот почеток. Но, човекот кој најмногу ќе го заинтригира е Силас, личноста која се претставува како главниот човек кој ја води оваа лудница. Приказната е супер, ми се допаѓа како е направен филмот, постојано те прати чувство на мистерија, а најмногу од се ми се допадна крајот кој ако го откријам би бил најголем спојлер.

Трејлер.

 

[Ghtalpo]

Cafe de Flore француски филм.Филм за сродни души.Испреплетен филм навидум кој како се ближи крајот добива една целина.Трае 2 саата па мислам дека не е лошо тие што сакаат спиритуални филмови да го ѕирнат.Даден е и акцент на децата со даунов синдром.
Има интересна музика една од водечките низ целиот филм е нумерава на пинк флојд од албумот д дарк сајд оф д мун.

 

[MissChievous]

Camp X-Ray



Amy Cole е поставена да работи во затворот во Guantanamo Bay каде што учејќи ја својата работа и извршувајќи ги своите секојдневни задачи, ќе започне да се спријателува со еден од затворениците. Ми се допаѓа основната поента на филмот, акцентот поставен на сочувството и моралот кој се јавува кај луѓето, начинот на кој е прикажан развојот на пријателство помеѓу две сосема различни личности кои доаѓаат од сосема различни места на планетата Земја. Главните актери добро си одглумија, особено би ја пофалила Кристен, нема споредба помеѓу оваа улога и онаа во Твајларт.

The One I Love



Чуден чуден филм. Еден пар кој се наоѓа на работ од развод, ќе замине на одмор во една куќа, по препорака на нивниот брачен психолог. Таму, се среќаваат со една нова верзија од самите себе си. Филмов го гледав без да прочитам ништо за него и моја препорака е да го изгледате без никакви информации претходно, за да може да ја почуствувате мистеријата во оваа заплеткана приказна. Трејлерот слободно може да го изгледате, но без да ги читате коментарите напишани под клипот.

 

[Viktor k]

Медена ноќ

Можам да кажам конечно нешто различо преку глава ми беше концепт турско ропство , комити и тоа ко да нема за што друго да се снима. Филм за кој главниот актер Никола Ристановски дефинитивно заслужува оскар. Приказната заменик министер на годишнината од неговиот брак дознава дека е упасен министерот затоа што се спротиставувал на приватизацијата и начинот на кој таа ќе се одвива. Главниот проблем е што токму Никола го има работено тој извештај , па е на мета на власта која го демне на секој чекор. Филмчиште вистинска драма плус каква женска е Верица Недевска и како го одглуми ликокт секоја чест. Само едно пак ќе кажам нема некој посебен крај , а може и планират па уште еден дел. Ако не сте го гледале во Миленум е уште на репертоар вреди 9/10.

 

[MissChievous]

The Hundred-Foot Journey



Кадам фамилијата се преселува од Индија во Франција каде што отвараат индиски ресторан лоциран наспроти популарниот француски традиционален ресторан на Мадам Малори. Два различни ресторани со различна култура и традиционална кујна во битка за повкусни рецепти и храна. Мислам, како може филм посветен на готвењето со многубројни сцени со храна да биде лош... НЕ МОЖЕ! Супер супер супер филмче со многу добра порака.

 

[MissChievous]

Ride



Helen Hunt е режисер, сценарист и ја има главната улога во овој филм. Убаво филмче во кое главната порака е дека животот продолжува понатаму, луѓето стареат и созреваат и гледаат напред кон иднината и иако ни се случуваат ужасни работи, сепак, животот е убав и треба да се биде позитивен и да се ужива во секој миг. Џеки во обид да остане главната личност во животот на својот син и во обид да ја контролира секоја негова постапка, ја учи оваа порака на потешкиот начин. Гледајќи го филмов се што сакам е да научам да сурфам и да живеам во Лос Анџелес.

 

[MissChievous]

Сосема случајно гледав 2 филмови по ред со James Marsden.

The Loft



6.3 (IMDb) е преслаба оцена за филмов. Петорица оженети пријатели делат заеднички стан во кој секој од нив има прилика да ужива со својата љубовница. Едно утре, затекнуваат мртва девојка во станот до чиј пристап имаат само они. Ми се допаднаа заплетите, одлично издржа мистеријата во текот на целиот филм, не ни осетив како летна филмов. Башка, глумците се супер избрани. Интересен трилер кој заслужува најмалку 8ица.

Unfinished Business



Бизнисменот Дан заедно со своите 2 партнери, Тимоти и Мајк, ќе заминат во Германија во обид да го склучат најважниот договор во историјата на нивната бизнис компанија. Секако, за време на нивниот престој таму ќе им се случат секакви незгоди и заебанции. Во последно време не можам да најдам асална комедија, не дека оваа е, но не е толку катастрофална, имаше интересни моменти.

Исто, вчера/завчера го гледав The Cobbler.



Макс е чевлар од Њујорк, исто како што биле неговиот татко и дедо пред него. Тој поседува стара машина за поправање чевли наследена од татко му и дедо му и еден ден ќе открие дека таа има магична особина. Доколку ги облече поправените чевли со магичната машина, ќе го добие физичкиот изглед на човекот кој ги поседува тие чевли. Глупа, но уникатна приказна која станува поинтересна на средина на филмот, кога ќе започнат вистинските заплети. Иако филмов е доста глуп, овој е еден од подобрите на Адам Сендлер во последно време.

 

[MissChievous]

Ex Machina



Нејтен, како финален производ на својот експеримент во врска со вештачка интелигенција, создава девојка-робот и го повикува младиот програмер Кејлеб да ги истестира нејзините човечки особини и да открие дали таа има своја свест и размислува своеволно. Филмчево е супер, има интересна приказна, доволна доза на мистерија и доволна доза на sci-fi. Сценариото е одлично, постојано те тера да размислуваш, глумата е супер, всушност во целиот филм 95% од времето се појавуваат само 4 лика. Режијата е исто така за пофалба, кинематографијата е предобра. Еден од подобрите (ако не и најдобар) филмови кои ги имам гледано годинава.