Што правите кога некој близок ве оттргнува од него?

[existence]

Премногу сум истоштена и разочарана во моментов, но најдов сила да ја отворам темава...Кажете ми што би набравиле Вие, доколку дознаете дека некоја ваша блислка особа што премногу ја сакате е сериозно болна, до тој стадиум што не би знаеле дали ќе успее да се излечи и колку време и останува, и што би направиле кога таа особа наместо да сака да сте до неа, ве брка ,ви кажува да не ја барате, да ја оставите, кога ќе биде подобра ќе Ви се јави, и тогаш ќе бидете со неа??Што ако таа особа е ваша девојка/дечко како би се чувствувале Вие, кога дечкото/девојката за да ве поштеди од страданја Ве брка од него/неа, ви кажува дека не Ве сака и да се тргнете , а уствари не сфаќа дека на тој начин само уште потешко Ви прави да ви е!!!Како би изреагирале Вие???Што ќе направите???

можеби баш поради тоа што е премногу болен/а не сака да го/ја гледаш во такво издание и да ја жалиш, зашто сум бил и јас сериозно болен и не сакав никој жив да биде до мене, дури и моите понекогаш ги терав да ме остават сам. Многу е поболно кога гледаш дека некој стои до тебе и те жали и плаче поради тоа што си сериозно болен. Мој совет е да оставиш се` некој ептен краток период (неколку дена) и после пробај пак. Кога си сериозно болен често помислуваш на тоа дека можеби повеќето се околу тебе само поради тоа што си болен, па затоа не дозволувај да го помисли тоа за тебе.

 

[Maks]

Ке пробам да дознаам која е причината и тоа не одоколу туку од блискиот. Ако не биде така ке пробам одоколу.
Па за натаму зависи од ситуацијата

 

[existence]

Ке пробам да дознаам која е причината и тоа не одоколу туку од блискиот. Ако не биде така ке пробам одоколу.
Па за натаму зависи од ситуацијата

прочитај го првиот пост.

 

[Maks]

прочитај го првиот пост.

Не видов за што станува збор постирав само според насловот на темата

 

[melpomena]

Се надевам дека Викторија ке ни се врати со убави вести и дека се се средило
Не сум била во ваква ситуациа да ме оттфрли некој близок,но сум била во ситуациа каде тој близок ме барал само мене и уште неколку...ке кажам само дека е претешко,не за мене,за мене нема ни да комантирам како ми беше,туку за личноста што ја изгубив и како сето тоа таа го преживуваше..ах не се плашам од смртта како смрт но зарем мораше да постојат моменти кога човек ја очекува сртта,зошто сето тоа не е процес кој се одвива брзо.Полесно е за сите,ми се чини а поготово за тие болни луге кои ги бројат деновите што едвај ја трпат болката дур не дојде последниот миг.
Јас би ја советувала Викторија како повекето од вас,да биде силна и да го даде максимумот од себе за да биде покрај личнста,баш како што кажа блу,да не искажува пред него колку и е и на нејзе тешко,колку што е возможно толку.И да не се обвинува никогаш себе си за тоа дека нешто не направила како што треба,оти во такви ситуации е далеку полесно да се советуваме а многу е подруго да поминуваме низ сето тоа,кој чекор и да го преземаме ке згрешиме најверојатно,но во сличајов девојчето го сака искрено и чисто,притоа преземајки си ја сета вина врз себе.Ние не сме натемпирани како да реагираме без грешно со болни луге а како со здрави,и некогаш импулсот ни прави да изреагираме онака како што разумот и срцето знаат дека не треба.

 

[Marick14]

Јас би се тргнал на страна, доколку не сака да ја замараат и сака да е сама. Па нека се јави кога ќе е подобра. Истото и јас го правам по некад. Повреден бев скоро (не е важно од што) и ми се јавуваа да ме посетат, но во карантин седев и не примав посета се додека не си оздравив.

 

[~ Скарлетка ~]

сега е касно да давам совет најверојатно па само ќе речам Sweet November премногу ме потсеќа на ситуацијата така да би го направила истото што го прави Киану во филмот

 

[Angiie]

Можеби касно е сега веќе за совет НО едно ќе кажам.. Никако немојте да дозволите да бидете далеку од тие кои ви значат. Никогаш не знаете зошто пред се’ го бараат тоа од вас. Можеби тие сметаат дека тоа е најдобро за вас, но верувајте ми дека вие ќе се каете многу ако им се случи нешто подоцна. Јас никогаш нема да им простам на моите што не ми дозволија да ја видам баба ми во последните денови од нејзиниот живот. А себе си нема да си простам затоа што едноставно заминав од пред домот на вујко ми, кога и’ кажал на мајка ми дека не сака да види никој од внуците. Кутриот, сакал да не’ поштеди од болка. Не сакаше да го гледаме во таква состојба во каква што беше.

 

[WolfGirl]

Едно знам , дека ќе бидам упорна се додека не ме прими покрај себе . Како што сум поминувала добри и среќни моменти со некоја личност , така и болни и лоши ќе поминувам . Не од сожалување . Кога веќе розите од животот ги примаме заедно со сопругот , тогаш и ножевите ќе ги примиме заедно . Навистина е тешко кога гледаш некој како се мачи во болка , со цело срце и цела душа сакаш да помогнеш но едноставно не можеш ништо да сториш , освен да бидеш до личноста и да и даваш најголема поддршка ..

 

[Машкар Џианенгоро]

Се е во зависност од колку тоа оттргнување ќе трае. Човек не е камен па да го тргнеш настрана за "негово добро" па после да го преземеш повторно... Порано бев отпорен на оттргнувањето, ме болеше и тешко ми беше ама се борев да останам, да отидам, да бидам... Сега... Сега чекам ваљда...
Појма немам што правам сега...