Сакам да ти кажам.... (љубовна исповедувачница)

[Selene]

До пред некое време беше само опција во мојот живот.
Сега си еден од приоритетите.

Јас без тебе сум како подрум без ајвар. Incomplete.

 

[Rosana]

 

[i_wanna_fly]

Мразам пролет. Го мразам крајот на март. Мразам маскенбали и игралишта со трибини. Мразам скали. Мразам што доаѓа почетокот на нов месец. Мразам што емотивно ме доведе до местото од пред една година... Ах да, спомнав ли дека мразам пролет? Да? Ама јас да си повторам. Мразам пролет бидејќи нашево таму почна и таму заврши. Проклето боли. Ама нека... Веќе се навикнав... Почнав да отрпнувам... И што вика Владо, “...што и да е, ќе помине...“ Се надевам дека и на ова еден ден ќе има крај. Завршив со пишувањето во темава. Ти кажав се што имав да ти кажам. Сега оди и прави што ќе сакаш, ама уште еднаш немој да ти текне да ми се јавиш кога ќе бидеш пијан. За тебе, мојот телефонски број не постои.

 

[Аркантос]

Сакам да ти кажам дека ги мразам моментите кога живееме криза. Тогаш се мразам дури и себе. Одразот во огледалото не можам да си го гледам.
Тогаш мила сета вина ја гледам во себе, а тебе ти зборувам како да си ти виновна. Тогаш мила сум збунет.
Сега сум збунет. Не знам што да мислам, и не знам што да чувствувам. Сакам само да помине...
Ќе помине?
Вети ми...

 

[street_chic]

 

[ZmajChe]

Во кого да ја барам вината што оладив? Во мене ДА! Се` се промени..... Што ни` се случува?

 

[destroy]

На моменти навистина не си ниту самиот свесен колку ми одиш по нерви, колку сакам да те шамарам од што ме нервираш и не те поднесувам до тој степен што веројатно би можела да те задавам, колку морничаво и да звучи. Но тогаш ќе ме погледнеш со тие очи твои, ќе ме допреш со студените дланки, ќе си ја навалиш главата на моето рамо ... и толку ми трае нервозата, тогаш настапува делот кога не сакам да ги оттргнам моите усни од твоите. Имаш некаква чудна моќ врз мене и тоа е тоа што најмногу ме нервира. Не сакам да е така, затоа што несвесно ти се имам препуштено, не треба да е така. Не смеам уште еднаш да си дозволам таква грешка. Си ветувам дека ќе внимавам од денес.

 

[ZmajChe]

Веќе ми фалиш

 

[LoveDealer]

Те љубам од тука до вечноста и назад
Не можеш ни да замислиш колкава љубов е тоа!!

 

[Lena]

Ноќта е таа која ме носи кон тебе.
Ноќта е таа која ме гуши..
Во ноќта те барам.....
твојот лик, твојот глас....тебе..
Посакувам, се да беше поинаку..
Посакувам да те запознаев надвор од сите представи на реалноста.
Надвор од репрезантацијата на правилното и погрешното,
таму во празното поле,
посакувам таму да те запознаев.
Фантазијата е таа која ми овозможува да сум со тебе.. но не е доволно, сакам да те допрам, да те гушнам, да се изгубам во тебе..
Зошто баш ти?
Зошто баш вака?
Зошто баш сега?
Зошто немам право да се налутам ако постои некоја друга?
Зошто немам право да кажам дека си мој?
Останува само да те сакам безусловно, без почеток и крај..
Без очекувања, без граници, без ветувања.
Болна е ноќта, ме води кон тебе..