Сакам да ти кажам.... (љубовна исповедувачница)

[Lady*]

Те гледам, и кога не те гледам.
Те слушам, и кога не те слушам.
Tи ја држам раката, и кога не ти ја држам.
Те имам до себе, и кога не те имам.
Чудно нели?
Не разбираш?
Не?

 

[Selma]

Ти си мојата еротска книга

 

[JaMi]

Јас и ти сме разделени само кога спиеме...односно ни тогаш целосно,бидејќи тоа е само физичка разделеност на неколку саати. ♥


Sent from my GT-I9505 using Tapatalk

 

[Y1K991]

Таа сака за да биде сакана, јас ја сакам за да ја сакам.

 

[Разголена Уметност]

Ми фалиш како воздух помеѓу две реченици што не го земам само за побрзо да се доискажам...

 

[Аркантос]

Ех драга, на што ме тераш... да читам поезија и да мислам на тебе.
Да ги превртувам книгите за да ги најдам стиховите кои знам ќе ме болат како што ме болиш ти...
„Ништо не е повидливо
и ништо не е поприсутно од твоето отсуство:
ни детските шепоти што ги откривав
во сеидбите на дождовите,
ни закажаната бура во пајажините
од крајпатните меанчиња,
ни воздушните патишта, осветлени од ластовиците
ни она што добива форма само во мојот слух,
ни мојот слух додека во него задоцнетиот штурец..“
Што убаво Петре ги откорнал горчливите зборови на недостигот и ги претворил во слатка поезија.
Кажи ми, кажи ми Драга, смеам ли да си дозволам јас да ги откорнам горчливите зборови на недостигот за тебе и да ги претворам во слатка прегратка за тебе кога ќе дојдеш повторно?

 

[Lena]

А што да ти кажам..
Те гледам и уста не можам да отворам.

 

[Lady*]

Сама со своите соништа кои како кула од карти се распаѓаат пред мои очи, а јас повторно се надевам дека ќе се издигнат.
Си велам чуда се случуваат секој ден..
Тука не постојат чуда.
Нашата љубов е сон, сон во кој сонувам сама.

 

[melpomena]

Одговорот на секое поставено прашање си ти.
Како би изгледал вашиот идеален дом? .... Со тебе во него.
Што ве прави среќни? ...Ти
Вашата животна филозофија? ...Повторно ти.
Желбата за тебе да ти угодам,потребата,ми ја смени смислата на животот.
На што прво помисливте утрово кога се разбудивте? ....Кога не си до мене,на тебе.Во другиот случај прво што погледнувам кога ги отварам очите си Ти.
Вака да остане и никогаш да не се промени одговорот на секое поставено прашање.

 

[Achernar]

Детсκи е κога се делиме еден со дρуг, наместо κал се мачκаме со емоции и насмевκи, не пρавејќи ρазлиκа во тоа што го носиме во себе и гледаме пρед себе, погледни не, заρ можеме да го наρечеме обоен сеκој цвет пρисутен оκолу нас.