Сакам да ти кажам.... (љубовна исповедувачница)

[Lady*]

Знаеш ли како е да се чувствуваш празен кога во тебе вријат илјада емоции кои не успеваш да ги контролираш, кои ти се замотуваат околу градите како јазли, те дават..?
Знаеш ли како е да се чувствуваш сам и додека светот е опкружен околу тебе?
Стојам во место, барам излез..барам спас..барам лик кој ќе ме одведе на место каде таа самотија ќе престане.
Се е пусто, се е празно..немам рана а чувствувам дека крварам, вдишувам длабоко, а ми снемува воздух, врескам на сиот глас, а не испуштам ни крик..

 

[Saladin]

Еднаш ме праша зошто токму ти.... И јас ти одговорив дека едноставно ти умееш со мене.
Никогаш не сум барал некоја која ќе ми зборува дека се ќе биде во ред. Тоа е само блага утеха. Да се биде со тебе, беше како кога сите мои демони стивнуваа за момент. Ја имаш(е) таа аура да ги скротиш, да ми проникнеш насмевка без да изустиш ни збор. Самата твоја појава беше доволна да ме промени во личноста која се чувствуваше удобно во своја кожа. Се плашам дека во тој момент, моите демони што ти ги сокриваше во твојата одаја се разбудија и те исплашија.

 

[Trajche]

Направив грешки кои ни саммиот неможам да си ги простам, но не беа намерни, знам дека треба да ми се лутиш повеќе ти од колку самиот јас на себе, ми простуваш, згрешив, ти благодарам што ми даваш шанса да продолжиме понатаму. Секогаш знам дека кога ќе го прашам срцето и душата те сакам бескрајно и знам дека јас сум вистинскиот за тебе. Идиот сум. Недоволно мудар и зрел, ама проклето те сакам, и знам дека ја имам сета бескрајна љубов за тебе.

 

[Lena]

Само што помислив:
Нема да мислам на тебе вечерва,ќе се посветам на книгата со која заборавам се околу себе.
Ја отворив и првиот збор кој очиве го фатија беше твоето име...
Случајност,нели?

 

[melpomena]

Се што сакам ти кажувам,дури и повеќе од што треба.

 

[SaraFighter]

Оди.Оди и не застанувај. Ако некогаш сретнеш несреќна девојка,која во солзи ги евоцира старите спомени,тогаш сети се. Сети се дека одамна и ти си оставил некоја зад себе. Но не обвинувај се. Таа денес живее посреќно од кога и да било,зашто зад секоја тага се јавува сонце. Зад секоја грешка постои причина, а зад секоја разделба- опоравување. Само сакам да ти кажам дека ќе ми недостигаат тие наши мали скришни состноци доцна во ноќта. И не радувај се,зашто не ми недостигаш ти-еден бесчувстителен идиот кој си го нахранил егото со тоа што оставил некоја беспомошно вљубена. Тoa не е вистински маж мил мој,тоj е кукавица!

 

[SaraFighter]

Мајка ми од мали нозе ме поучуваше дека кога ќе се сретнам со љубовта и ќе станам изгубеното делче од една целина,што јас и уште некој ја оформуваме,морам да ги отворам очите.
"Љубовта е отровна стрела. Купидон ја пушта,само незнае низ какви се гнили бавчи од тага,цијанидни овошки од злоба и човечки гадотии ќе мине пред тебе да те погоди во срцето. Отвори ги очите малечка,за да не ги затвораш портите на срцето од страв по секоја,ненамерно направена грешка."

 

[diva orhideja]

Љубов е најмоќното оружје кое га даваме надевајки се дека нема да го употребат против нас!

 

[Prashina]

Не сакам ништо да ти кажам. Еднаш во животот сакам ти нешто да ми кажеш. Од моите монолози ме боли главата. Се чувствувам како будала која си збори сама со себе.

 

[Scars]

If you dare... come little closer