Сакам да ти кажам.... (љубовна исповедувачница)

[Achernar]

Ќе ти го објаснам тоа некогаш ако си светлина и ако дојдеш до мене, некогаш во иднината.

 

[Saladin]

Седам вечерва во еден локал. Скороотворен. Цугајќи го пијалокот, ми пролетуваат неколку стиха што пејачката ги цимаше остро на гитарата. Ме гледаат така задлабочен за момент и ме прашуваат што ми е. Се насмевнувам, а во себе горат милион спомени. Прашај ме ако некогаш сум ја имал оваа слатка меланхолија, ќе ти одговорам одречно затоа што знам дека се` е залудно. Затоа остави ме едноставно да тонам во неа, тон по тон, и не прашувај ме ништо за чувствата. Едноставно е, ти си убава а јас сум некаде каде не би требало да сум.

 

[Lady*]

За миг посакувам да избегам од сите, дури и од себеси..да ја откинам душава, да го распарам срцево, да ги снема сите чувства, да те снема тебе..
Земјата е студена, небото е мрачно, воздухот нема мирис, цвеќињата немаат боја..
Љубиш некого, но љубиш сам!..

 

[Prashina]

Душава ја пеплоса. Поарно камен да бев отколку удавена емоција во себе. Барем посакај ми со лесно да ми помине.Искрено од срцето посакај ми мир, а мирот каде е ?
Каде да одам јас прогонета од тебе? Ниту земјата ме држи, ниту небото ме сака.

 

[violetmoon]

И зар е важно дали си илузија,мој одраз или гола вистина,ти секоја ноќ се раѓаш одново во мене и со мене.

 

[SaraFighter]

И кога купуваш кола сакаш да дознаеш во чии раце припаѓала пред да ја регистрираш. Мислам дека редно време е да се распрашаш колку километри низ БМВ-ња,Ауди и Мерцедеси минала твојата нова девојка на која си до небо горд... Да не заборавам,и на колку шофери им послужила како пробно возење.

 

[SaraFighter]

"Се откажа од него. Го склопи срцето како две корици од стара досадна книга и колку и да трепереше на секој негов збор, таа така реши. Можеби се исплаши од себе си после се` она што почувствува. Можеби се исплаши дека ако љубовта и се осврне назад и ако и стане возвратена ќе сфати дека никогаш и не го љубела толку многу. Толку беше заљубена во тој интензитет кој така силно како за коси да ја мкнеше кон него. Толку беше опседната со тој интензитет што го создаваше неговата игнорантност што повеќе не можеше да биде свесна дали го љуби или станала зависник од таа сеприсутна болка. Немаше солзи, туку болно задоволство од интензитети и за да ја зачува таа нивна приказна вечно реши да се откаже и да ги зачува бар спомените. После се, сфати, некој мора..."

 

[SaraFighter]

Здраво љубов,

Одамна не сме се слушнале. Се надевам дека си добро. Се надевам дека си среќен и дека не престануваш да се смееш, како јас што се смеев со тебе. Се надевам дека најде девојка, којa ја гледаш така како јас што те гледав тебе. Се надевам дека ја добила твојата доверба и дека ќе се грижи за тебе секогаш. Сакам да научиш да веруваш, дека можеш да бидеш сакан, затоа што не секој што се појавува во твојот живот доаѓа да те повреди. Сакам да научиш да ја почитуваш, како што јас те почитував тебе.Понекогаш се сетам на тебе и се насмевнувам, но насмевката боли. Ме боли, затоа што успеав да поверувам на твоите прекрасни лаги. Ме боли, што ти верував, а ти се претвори во човек за кој се колнеше дека никогаш нема да бидеш. Но, јас сум добро. Или пак ќе бидам. Ти го посакувам целото сонце, за да ти ги осветлува деновите, но понекогаш ќе ти пратам дожд, за да ги почувствуваш моите солзи.

 

[Lena]

Ме болиш.
Твоето присуство за миг го разбранува мирот во мене,а здивот запре за момент.
Ме здоболеа спомените на времето поминато со тебе...сфатив дека ме болиш.

 

[cakar_ulav]

спомени гонат.
ме гонат насекаде,те барам секаде околу мене.
колку и да глумам дека сум среќен,сепак не сум.
како вулкан кој е активен цело време,така си во мене,создаваш ерупција огромна
секој збор напишан го чувам,секја минута е во мене.
остана таму далбоко во мене,за да ме правиш среќен,но и тажен.
сватив многу работи,сакам да ти ги кажам,но незнам како,немам сила повеќе.
остани насмеана.....така си најубава....