Фуј, мина и денов.
Онака, многу подобро од очекуваното.
Полека си ги добивам битките во животот, по заслуга. Од денешнава се плашев искрено, толку многу средби со непожелни лица, лица кои ми се толку блиски, а крвнички настроени. Чиниш бевме чопор волци кои се разделиле, па сега се борат меѓусебно за парче месо. Ако, не им се плашам, затоа и ја добив битката. Хах, грандиозно чувство кога јас, речиси тројно помала од нив, ги имав сите аргументи во ракав. Па и не биле толку страшни суднициве бе, да не се урочам.
Мислев дека не чувствувам ништо спрема татко ми. Онака, го одминував на улица ко странец. Додека денес за прв пат не му го слушнав гласот и размислувањата. Сега комотно можам да кажам дека го мразам и презирам.
За награда, си се почестив со две нови марами, штосни обетки и ланче. Нек се множат.
Така, убаво ми е на душата што ја истерувам правдата до крај, и кога излегов и си мислев дека имам уште неколку недосредени работи кои ме мачат, реалноста ме удри повторно. Седната стара, изнемоштена, испокината женичка како проси, а во кутијата имаше некои ситурии од по денар-два. Да имав повеќе од тие 40 денари во џеб, и тие чинам ќе и’ ги дадев.
Ме благослови, знам дека беше искрено. И еве уште ја мислам...
Ее, да немаш покрив и да ти зависи лебот од милостина, тоа е тешко. А, моиве проблеми се сите решливи бе. Па тоа не се ни проблеми, туку работи кои зависат од мене, од мојот мозок и реакции. Со какви работи се справуваат други...малечко душиче чии родители веројатно се разведуваат, го донеле на суд, целото липа и се тресе. Толку мало, а му донесуваат животни одлуки пред нос. Огромна благодарност имам до мајка ми поради тоа што мене нималку не ме инволвираше во тие процеси кога бев на таа возраст. Којзнае кои трауми би влечела денес.
Кога сме веќе кај малечките, сакам детенце. Секогаш овој период ја имам таа желба да си го гушкам и штипкам.
Ја, кај има сајтови за плодење, да не умрам без потомство. Сама би си го чувала. Father free.
Aман, се разбуди сељакот во мене. Во глава ми се увртела Милке душо и крај. Ќе си приумрам еј.
