Палачинки

[SnoW_PrinceSS]

ми се јадат во моментов што ми требаше да ја отворам темава

 

[Lepaa]

Состојки

• 2 јајца
• 1/2 мало лажиче сол
• 200 гр брашно или 2 КАПС (мерици)
• 2 јајца
• 1 пакетче прашок за пециво ( окулу 13 гр или две мали лажички)
• 250мл млеко или 2 КАПС (мерици)
• 4 големи лажици зејтин или две полни големи лажици маст
• За благо тесто
• 2-3 големи лажици шеќер
• 1 пакетче ванилин шеќер

Јајцата убаво се матат да се згуснат, па се додаваат останатите состојки и на крај се додава брашното. Се добива убава густа смеса. Тестото е многу неутрално на вкус, па ако ги спремате палачинките само за да ги послужите благи, додадете ги состојките за благо тесто (шеќер и ванилин шеќер) додека се матата јајцата за убаво да се растопат.Се зема помала црпалка (кутлача) или се полни голема само до одредена мера и се сипа на загреано тавче.Се редат една врз друга и над секоја палачинка се става фил по желба.


Потребни состојки:

сол
2 чаши брашно
1,5 чаши млеко
2 јајца
масло за јадење
Подготовка:

Во подлабок сад најпрво се матат јајцата и откако ќе се соединат, се додава млекото и брашното. Смесата за палачинки можете да ја правите со рачна мешалка или со миксер, но за да добиете еднолична смеса, најдобро е да користите миксер. Во смесата пожелно е да додадете и малку масло за јадење, за да не ви се лепи кон тавчето.

Вака приготвената смеса (што треба да биде во релативно течна состојба, што значи дека по потреба може да додадете/одземете повеќе/помалку од погоредадените состојки), во садот покриен со капак, се остава во ладилникот на околу еден час. Потоа се загрева тефлонско тавче на кое повремено (за време на пржењето) се нанесува малку масло.

Во зависност од големината на тавчето, со помош на црпалка за супа се нанесува толкаво количество од тестото за да се покрие загреаното тавче. Доколку сакате подебели палачинки, треба да имате на ум дека морате подолго да ги пржите.

 

[JaMi]

AМЕРИЧКИ ПАЛАЧИНКИ

СОСТОЈКИ ЗА 12 ПАЛАЧИНКИ:
100грама брашно
една кесичка прашак за пециво може и помалце
1 кафено лажиче сол
2 лажици шеќер
150 мл млеко
2-3 јајца
3 лажици зејтин

ПОДГОТОВКА:
Измешајте го брашното пецивото солот и шеќерот.Додавајте едно јајце по едно а потоа и млекото и зејтинот. Оставете ја смесата 1 час да одстои. На загреано тавче ставете коцка маргарин и чекајте да се стопи. Потоа ставете од смесата пола кутлачка . Една палачинка се припрема околу 3 минути.

 

[kizzo]

солени или само со крем други не побожавам. а да правам незнам

 

[JaMi]

Како да подготвите основен рецепт за палачинки

Подготвување на смесата:

Се матат добро 3 јајца во подлабока чинија со лажица (обична или лажица за мешање).
Се додава 1/2 кгр. брашно и заедно се промешуваат добро.
Се додава малку сол, а потоа се додава по малку млеко додека не се потроши половина литар.
Се меша добро додека смесата не се изедначи.
Смесата треба да има густина како јогурт. Да не биде многу густа, но и премногу ретка.


Пржење на палачинките:

Во тавче се става малку масло додека добро не се загрее. Со салфета или тоалетна хартија намастете со масло на тавчето по секоја палачинка. На тој начин избегнувате да се лепат палачинките.
Во загреано масло се додава по една голема супена лажица од предходно подготвената смеса, најдобро е со кутлача.
Се разлева веднаш во тавчето за да бидат палачинките што потенки.
Штом ќе се испржи едната страна палачинката се превртува и се пржи и од другата страна.
Најдобро е малку да ја оставите палачинката да се пече и краевите да ги одлепите со дрвена лажица.
Кога е готова се става на чинија. Палачинките пржете ги додека се потроши тестото.

 

[diva orhideja]

Кога правите тесто за палачинки,направете си стално повеќе,за да имате да си направете и ваква полжав пита од палачинки.Направените палачинки можат да ви стојат во фрижидер неколку дена,и да си ги употребувате кога сакате и со што сакате.Ако сакате одма да направите ваква пита со палачинки,тогаш испечете подебели десетина или колку ви треба,зависи за колку особи ви треба.Секоја палачинка филувајте ја по желба,може и различен фил, на пр:со рендан кашкавал,салама,кисели краставички,печурки,или да ги филувате со мелемо месо испржено заедно со печурки,спанаќ.сирење.праз......имате опции по желба. Филуваните палачинки ги виткате како полжави и ги редите во тавче,одозгора ги премачкувате со јајце и ги посипувате со сусам или ким.Печете 15 мин и БОН АПЕТИТ. Деновиве се спремам да направам таква пита,само што че ставам мелени модри сливи со малку шекер и цимет,румче,а одозгора ке бидат попрскани(откако ке се испече)со прав шекер и ишарана со чоколаден прелив.Евтино и вкусно.

 

[Marcello]

Јас сакам палачинка во рерна што се прави. Мајка ми знае да ја направи и ептен е вкусна
Мислам дека ваков беше рецептот
http://moirecepti.mk/post/палачинка-во-рерна-или-џиновска-палач/

и после ја мачка со џем од шипки додека сеуште е топла палачинката.

 

[misterija]

Да ви дадам една прекрасна идеја за правење палачинки во шише, нема прљање на садови, миксер, се е во едно шише и ако не ја искористите смесата, слободно затворете го со тапа и нека ви стои во фрижидер.
Во пластично 1,5 л.шише, ставете инка и прво се ставаат сувите состојќи:
-10 големи лажици брашно
-3 гол.лаж.шеќер
-пола мало лажиче сол
-3 јајца
-3 големи лаж,зејтин
-6оо гр. млеко
Откако ке ги ставите сите состојки, затворете со тапа и протресете добро..не се секирајте, грутчиња нема да ви останат....Овој начин на печење палачинки со истурање од шише е најбрз, најчист начин и полесно се става во тавче.

 

[Mnogo Bitno]

од интернет ти се овие не си ги правела ти ?!
Иначе и јас правам да не испадне само критикувам

 

[misterija]

од интернет ти се овие не си ги правела ти ?!
Иначе и јас правам да не испадне само критикувам

Сликата ја ставив за да не биде само онака идеја ставена, не реков никаде дека јас сум ги правела.