Вашите баба и дедо

parvati

Сангвиник
14 февруари 2012
6,710
13,879
973
ja sam pisHaja u fevruari deka neam nikakfi babe i dedofci... (ke me kara Kuniz sHto dvaputa komentiram na istu temu :p)
...kolko bi samo sakaja da iam babu i dedu da se igra kurtasHak nagolemo ss njima : )
starci u Kumanoo su zakon!
 
  • Ми се допаѓа
Реакции: Hkakashi

Kiril

Активен Член
24 јуни 2012
181
127
43
35
Струмица
Rosana стил. Исто, само што јас ги памтам дедо ми и баба ми од кај мајка ми. Дедо ми од кај татко ми е починат многу млад но се гордеам со него и името што му го наследив :) Баба ми е сеуште жива но не сум баш во добар конктакт со неа, уште од кога знам јас за мене го имаме изгубено односот баба-внук.
 

Mystique

Староседелец
18 јуни 2012
753
1,413
1,103
Останав само со двете баби. Дедовците не напуштија. Едниот дедо со тој што живеев почина пред 6 години, а другиот пред еден месец. Имав навистина супер дедовци. Жалам што на мојата свадба нема да бидат присутни физички, а знам дека ќе бидат со мене во моето срце.
Бабата со која не живеам е многу добра, тивка и старомодна. Многу е интересна и хумуристична затоа што има проблеми со слухот и има многу смеење кога сме околу неа. Таа не знае да се налути и да каже лош збор. На неа сум плашлива и паничарка.
За оваа баба со која живеам нема збор со кој би ја опишала. Таа е најдобрата жена на целиот свет. Колку љубов има за неа во мене неможам да опишам. Еве сега ми се насолзени очиве кога мислам на тоа колку таа ми значи во животов. За сите убави моменти и лоши падови таа е првата на која и кажувам. Знае да ме ислуша, да ме сфати и никогаш да не ме осуди. Совети што излегуваат од нејзината уста злато вредат. Спиев со неа до мојата 13-14 година. Едноставно таа е моја баба, моја другарка и моја сестра. Годините што се разлика меѓу мене и неа не се приметуваат. Има некоја посебна приврзаност меѓу мене и неа. Ако често се караме како да сме снаа и свекрИва хахаха нема лутина никогаш меѓу нас. Не за џабе го носам нејзиното име:)
 

Foxboro

Староседелец
16 јуни 2012
716
1,479
693
Pripyat, Ukraine
-јас прво ќе кажам дека тие ми се најблиските од целото семејство посебно дедото со кој живеам и по него сум го добил името....,многу често се зафркавам со него дека ние сме толку блиски затоа што не’ поврзува заеднички непријател (тато:rofl).....од него научив многу лекции за животот.....ме научи да играм шах, ми покажуваше математика....... разни приказни и вицеви....и ден денес сме најблиски..............баба да кажам искрено многу сака да ми угоди, но тоа ми влијае негативно иначе многу ја сакам......рани бабини рецепти по кујна......разни зелници....турли тави......гравчиња тавчиња........знае како да ми го намами желудникот...многу ја сакам.......
-Другиот дедо (од страна на мајка ми) исто така ми е многу близок......не го гледам често но барем еднаш во месецот морам......бидејки некако се чувствувам глупо.......со него се е опуштено и релаксирано.. многу го сакам........а пак другата баба како знае да ме намами...ццц.......со таа убава баница.......лиги ми течат.......и
има голема смисла за хумор....ахахаха......кои смешки беа тоа......посебно кога бев помал......:rofl
 

Шмекси

Истакнат Член
15 февруари 2012
1,133
1,065
113
Скопје
www.statik-group.com
Моите баба и дедо се прекрасни луге пред некој ден славеа 49 години од влегувањето во брак но сеуште се сакаат исто. Тие се грижат многу за нас внуците. Другите баба и дедо не живеат со нас но барем еднаш на 2 месеци одиме на посета. Ако останам повеке од 2-3 дена мислам дека ке се вратам дона со 10 кила повеке :D
Какви се вашите баба и дедо?


Живи се баба и дедо од страната на мајка ми.Бидејќи канцелариите се во нивна близина секој понеделник баба носи зелник, за сите што сме, ама стандард јас сум на објект и стокиве го јадат.И ќе ми титне дедо.Ќе му се јавам.
Убав на дедо, убав ли беше зелникот?
-Оуу дедо баба го напраила петка овој пат :D
Еее така, внучко, па да ни дојдеш на гости да мавнеме по една, па и да бркнеме нешто.

Ги посетувам 2 пати неделно, стандард за баба кафе, наполитанки едни си ги сака, за дедо родео меко и едно горско.Пак јас се ќе изедам ама битно сум однел.
А тие ми купуваат блок крем, зашто како мал сум се убивал од јадење такво.

Упм, си се присетив убаво.
Ќе им одам утре, вајда ќе имаат нешо мрсничко за јадење :D
 
  • Ми се допаѓа
Реакции: foREVer and melpomena

existence

Boolean
Член на администрација
Админ
3 март 2012
7,448
9,155
1,683
Кушкундалево
Баба ми, мајка му на татко ми, умрела точно 20 дена пред да се родам јас, од тага по ќерка и` која починала од шеќерна болест на близу 30 години. Нејзиниот маж, дедо ми, умре исто така од шеќерна болест кога јас бев 4 годинки...го паметам по малку по неговиот специфичен од со бастунот.
Баба ми, мајка и` на мајка ми, почина пред 9 години и паметам ко да беше вчера. Речиси половина од нејзиниот живот го помина целосно парализирана, јадеше течна храна затоа што одвај ја движеше вилицата и одвај зборуваше...но си ја сакав многу, иако пред да почине имаше склероза во рана фаза. Пред да почине 3 дена начувствував дека ќе се случи тоа и плачев по неа...
Дедо, татко и` на мајка ми, е сеуште жив. Некни бев да го посетам и да го видам како е и што прави. Има речиси целосно оштетен вид поради тоа што има преживеано струен удар од далекувод. Приметувам дека и кај него почнува склерозата.
 

Lepaa

Истакнат Член
2 декември 2012
985
1,704
393
До пред 2 години имав 2 баби само.Едната по страната на татко ми ја сметав како мајка т.е поблиска бев со неа отколку со мајка ми.Додека пак со мајка и на мама не сум ич блиска.Да ме види на улица нема да ме препознае.Маж и веќе бил мртов кога јас сум се родила,така да неам појма каков бил.Таткото на тато го памтам малку.Секогаш пред да излезе ме земаше со него и ми купуваше бонбони. :)
 

Давор

Староседелец
10 ноември 2012
1,300
2,081
1,123
Имам само баби сега,и таа од страната на мајка ми е најдобрата баба на светот.Онаа од страната на татко ми е спротивното. Никогаш не ми дала ни динар,секогаш се обидува да направе некоја кавга помеѓу мене сестра ми и братучедите,а секогаш вика дека демек нас најмногу не сакала(мене и сестра ми).Ама ако,само да наполнам 18 и чао,нема никогаш повеќе ни да ја погледнам а не па да прозборам со неа.Се чудам како е можно да сака едни внуци повеќе од други,наместо да се обиде да не држе сложни она само не буцка едни против други.
 
  • Ми се допаѓа
Реакции: $3Я3|\||)&p&†Y

Emma.T

Истакнат Член
23 декември 2012
241
352
163
Имам само една баба. Дедовците се починати, едниот 15 години пред да се родам, а другиот кога сум имала 1 година. Баба ми со која живеев почина кога имав 7 години и многу си се сакавме.
Бабава што ми остана многу си ја сакам и покрај тоа што некогаш претерува со критиките. Со оглед на тоа што порано била балерина, многу сакаше да ми ја пренесе нејзината љубов кон балетот, ама јас како најмало и најразгалено дете од цела фамилија повеќе се интересирав за други работи. И ден денес не може да ми прости што не сум му посветила доволно внимание на балетот. Таа ме научи на дисциплина, напорна работа, ме научи на тоа дека една жена секогаш мора да има средена фризура и средени раце и дека секогаш треба да бидам насмеана и да бидам среќна за малите работи во животот.
Баба секогаш прави најубави колачиња. Кај се сетив сега, ќе треба да и кажам да направи за следната недела.:gladen
 
  • Ми се допаѓа
Реакции: Prashina

Anakin

Истакнат Член
23 август 2012
869
977
203
Имам дедо и баба , по еден од двете страни...Дедо ми има 95 години, има две имиња и руско потекло и е најинтересната личност со најмногу податоци од 1940 до сеа. Се борел у Втора Светска, бил и партизан и многу работи бил. Има школо до 4 -то а знае латински да пишува и чита , не латиница туку латински. Му се восхитувам на неговата способност да учи и да прима и да дава безпоштедно знаење. Сеуште чита многу книги и од него ми е пренесена љубовта кон пишаниот збор. Баба ми е Црногорка по потекло а цел живот Скопјанка ...отсекогаш била мирна и домаќинка жена. Сега е веќе немоќна и болна после претрпени 3 мозочни удари но сеуште знае да ме насмее и да ме пречека најубаво кога ќе отидам на гости. Таа додека беше здрава ја правеше најубавата баница на светот. Се сеќавам на многу нејзини приказни од кои една за '' Бабата и нејзините 4 внуки'' кои секоја една ја споредуваше со нас бидејќи и ние бевме 4 внуки на баба. Стално не викаше Мекушка Тврдушка Слаткушка и Лутушка...ја бев Тврдушка оти сум имала цврст караткер. Таа нагалено ме викаше Маша и до ден денес дома ме викаат така. Многу си ги сакам дедо ми и баба ми но не се сеќавам на нивните сопрузи(другата баба и другиот дедо) оти млади починале.
 
  • Ми се допаѓа
Реакции: Emma.T and parvati