Последен гледан филм со рецензија

[Змејче]

Blood Glacier (2013)
Horror

Ме привлече насловот како и постеров. Австриски филм, оригиналниот наслов е "Blutgletscher", па би ви предложила да го најдете со англиски јазик....of course Да се надоврзам на филмот: Многу наликува на The Thing, но сепак и овој не ми личеше лош. Сторијата како и насловот се збори за Крвавиот Глечер. Од тоа започнува целата ситуација во филмот. Група научници го откриваат и го изучуваат, но не ги очекуваат неговите последици, што е тоа многу интересно во филмов

 

[Altaïr]

North by Northwest (1959)
http://www.imdb.com/title/tt0053125/?ref_=nv_sr_2

Филмов последен пат го гледав пред некој месец и заборавив дека воопшто го имам . Сега после долго време без филмови решив пак да си го пуштам.

Приказната во филмот е во врска со Роџер Торнхил кој е киднапиран од група на шпиони предводена од Филип Вандам, кој мисли дека Торнхил е агент на ЦИА по име Џорџ Каплан. Торнхил ќе избега но мора да го најде Каплан за да докаже дека не е виновен и дека киднапирале погрешен човек. Следејќи го Каплан до Чикаго како бегалец, на Торнхил му помага Ева Кендал.

Филм кој нема да ми се здосади никогаш, заради две причини. Најпрво заради шпионската приказната, ретки се тие филмови каде може толку реално да се прикаже цела приказна. Тука Хичкок си завршил одлична работа и нормално во текот на целиот филм се осеќате како да сте во него.

Другата причина е заради глумата на Гери Грант. Нема потреба многу да се пишува, тие што ќе го гледаат филмот ќе видат за каков актер станува збор.

Филмов е класика кој верувам нема да ви се здосади ако го гледате повеќе пати. 10ка од мене .

За крај сакам да ве замолам да не ставате слики ако може, кочи кога ќе се отвори темава а и повеќето слики не се отвараат. Пишете наслов барем, не мора слики.

 

[MissChievous]

Safety Not Guaranteed



Тројца колеги кои работат за списание одат на задача да интервјуираат тип кој дал оглас за барање на придружник за патување низ времето. Ептен опуштено филмче, малце комедија, малце романтика. Интересен пресврт и крај.

Garden State



A quietly troubled young man returns home for his mother's funeral after being estranged from his family for a decade. - ова е кратката содржина на IMDb. Но, кога се враќа дома на само неколку дена, запознава млада девојка со која го поминува остатокот од тие денови и, во придружба на својот пријател од детството. Zack Braff одлично се снаоѓа во сите 3 улоги - режисер, сценарист и главна улога.

 

[MoonFairy]

Dream House

Многу интересерен трилер...
Почнува бајковито, нова куќа, нов дом за него, неговата сопруга и двете ќерки...
Но, мирот му е нарушен од одреден човек кој ќе ја демне неговата куќа за кој се претпоставува дека е предходниот сопственик кој наводно го убил своето семејство...
Вил , барајќи ја вистината за она што се случило во неговата куќа доаѓа до откритие кое ќе го здрма до коски, но барем ќе го одведе до вистината...
Даниел Крег и Наоми Вотс во главните улоги, интересна содржина, емотивен, го препорачувам...

 

[MissChievous]

City Of God



Кога го гледав ми текна дека филмчево го имам гледано ко помала и тогаш ми се допадна, језда се чудев малце. Иако дејствието го раскажува младиот Rocket како што го гледа светот низ неговите очи во комбинација со сите приказни кои ги има слушнато, сепак во текот на целиот филм приказната се сконцентрира на други ликови, зависно од редоследот на случувањата. Филмот трае повеќе од 2 саати, така да, раскажани се премногу случувања поврзани со повеќе ликови кои живеат во Градот на Богот и Рио де Жанеиро. Темата е: криминал. Убиства сторени уште од мала возраст, продавање и конзумирање на дрога (уште од мала возраст), односните помеѓу главните генгстери во градот, нивните потрчковци, но и оние кои не сакаат да имаат ништо со нив. Многу е тешко да се објасни во кратки црти без да се издадат важни моменти, бидејќи многи работи се случуваат. Филмот е ОДЛИЧЕН. Одамна не ми се допаднал вака некој филм. Од режија, до глума, до сценарио. IT'S A MUST SEE!

 

[Давор]

4Closed (2013)

Филмов највеќе го гледав поради Marlee Matlin и James Denton. Приказната се врти околу едно семејство кое е во потрага по свое ново живеалиште. Налетуваат на една куќа која е запленета од банката и за брзо време се одлучуваат да ја купат. Кога доаѓа време за преселба, семејството Турнер го пречкува непознат човек кој тврди дека куќата е негова. Со помош на полицијата човекот е исфрлен од куќата а семејството се сместува во неа, мислејќи дека можат спокојно да си продолжат со животот. Но набрзо почнуваат да се случуваат чудни работи...
Оценет е со 5.4 на imdb а моја оценка 8/10 само ради глумата на горенаведените. Ми се допадна изборот на актери, глумата, куќата во која се случува целото дејствие, дијалозите помеѓу ликовите ... се на се можеби не најоригинална приказна, не нешто BOOM! или крај кој ни на крај памет не би ви паднало дека може баш така да заврши, ама мислам дека глумата ги покрива сите тие недостатоци.

 

[Змејче]

Noah (2014)
Action/Adventure/Drama

Конечно да го изгледам филмов. Штом Расел не ме разочарал во "Гладијатор" знаев дека немаше да ме разочара и во ваков римејк. Добро изведен филм од познатата библиска приказна за дедо Ное, избран од страна на неговиот Творец за да преземе значајна мисија пред апокалиптичната поплава го чисти светот...Има многу сторија во филмов поврзан со Библијата, за кое се дознава како настанал и Почетокот....мислам филмов вреди да се погледне..

 

[MissChievous]

Една триологија што ја избегнував долго време, а не знам зошто.

Before Sunrise



Еден американец и една французинка се запознаваат во воз во Европа и решаваат да го поминат денот заедно во Виена. Филм исполнет со авантура, романса, спонтани но длабоки разговори помеѓу 2 млади личности кои само што се запознале, двајцата од различен континент со различно искуство во животот. Филмчево едноставно го прати едно фино чувство на авантура и надеж и го буди романтичарот во секого.

Трејлер.

Before Sunset



Џеси и Селин се среќаваат повторно во животот, но овој пат после 9 години, во Париз. Започнуваат да шетат низ градот исто како што тоа го правеа во Виена и споделуваат искуства за љубовта, животот, работата, итн. Иако првиот дел е оној "магичниот", приказната продолжува да се развива и иако многу работи се променети, едно е останата исто.

Трејлер.

Before Midnight



Џеси и Селин после 9 години од второто среќавање во Париз, овој пат на летен одмор во Грција. Дали после речиси 2 децении романсата и љубовата може да опстане? Овој дел ми се допаѓа бидејќи реалноста буквално ти мава шамари во моменти.

Трејлер.

Се на се, ОДЛИЧНИ филмови. Уникатна приказна проследена со страшно многу романтични, но поприлично реални моменти. Ми се допаѓа пред се бидејќи во текот на сите 3 филма го следиме истиот пар кој разговара. Помеѓу нови улички, во кафичи, во автомобил, на прошетка до хотел, во соба,... Сите тие разговори се толку спонтани, а толку длабоки и филозофски. Ми се допаѓа и тоа што ликовите ги глумат истите глумци - Ethan Hawke и Julie Delpy, така да како што самите тие стареат и физички се менуваат, добиваме посилно чувство на реалност во дејствието во филмовите.

 

[Viktor k]

Transporter 1,2 и 3
Решив да ги изгледам сите три за да видам што како е Добар онака филмски и за тепање време инаку не ми фати око баш поради она филмското во него коли без гребаници , а рушиш ѕидови.... Френк е транспортер кој врши испораки на пакети според време , тежина и без прашања , имиња и никогаш не го отвара пакетот...
Онака 6/10.
War
Карфур и Роџи се партнери во ФБИ при една акција бркајќи еден криминалец Роџи ќе му го спаси животот. Партнерот на Џек неколку дена потоа ќе биде убиен , а се укажува на тоа дека тоа го сторил истиот што го убија. Дејството продолжува 3 години подоцна кога криминалецот пак дејствува , а Џек бара одмазда...
Солидно филмче 7/10.
Celular
Џесика Мартин ќе биде киднапирана , по случаен избор на броеви ќе му се јави на Рајан кој е еднствениот спас од нејзините киднапери кои се полицајци. Добар филм за тепање време 7/10.
Gone in Sixty Seconds
Мислам дека ретки се филмови со Николас кои може да кажеш дека се лоши Мелфис е најдобриот крадец на автомобили кои се повлекол и живее мирен живот се додека неговиот брат Кип не западне во неволја , па тој ќе мора да украде 50 автомобили во рок од 3 дена. Јако филмче 8/10.

 

[MissChievous]

Transcendence



Не знам зошто има толку лоша оцена филмов, мене лично ептен ми се допадна. Малку е тешко да се објасни приказната бидејќи станува збор за нов научно-технолошки експеримент. Доктор Вил Кастер создава машина/систем која развива своја потсвест и интелегенција. Кога ќе биде донесен на работ на смртта, тој, неговата жена и неговиот партнер решаваат да ја поврзаат таа машина со неговата потсвест, меморија и интелегенција. Интересен sci fi филм со уникатна приказна, одлични ефекти и екипа глумци: Johnny Depp, Rebecca Hall, Paul Bettany, Cillian Murphy, Morgan Freeman,...

Трејлер.