Феноменот - ѕвезда на социјалните мрежи

[Saladin]

Инспирација на темава ми дојде неколкудневната дискусија околу овој феномен.
Сите горе доле сме веќе запознаени со одредени т.н. ѕвезди. Некои од тие ѕвезди ја уживаат својата (не)популарност баш поради луѓето кои мрчат поради нивната (не)инвентивност. Други пак си имаат одредена фела на следачи додека за другите звучат несфатливо, загадочно. Во последно време зачестува ваквиот феномен каде многумина сакаат да се покажат во нивното оригинално светло, но по поминати неколку месеци се претопуваат во одредена фела која личи како јајце на јајце. Што мислите вие за овој феномен? Како би ги дефинирале причините дека овој феномен се шири како чума? Која е големата слика кои овие луше (не)свесно ни ја прикажува меѓу редови? Имате ли конкретни луѓе за кои сметате дека го заслужуваат овој епитет?

 

[Марија]

Кога се нема друга сцена, и оваа виртуелнава е одлична.
Болни, јадни и страдни за внимание. За трошка само. И всушност дел од она што го прават го разбирам. Или се трудам.
Врескаат за внимание, а позади тој вресок којзнае какво психолошко и социјално минато се крие.
јаготката на целиот колач е што таквите имаат публика бре! Сите сме им, подржувајќи ги или не, зборувајќи за нив, или зборувајќи дека другиве многу зборуваат ги храниме со внимание.

 

[Electra]

Не ги кривам нив. Моќта лежи во масите, тие (ние) ко читатели ги прават истите ѕвезди, или ги уриваат.
Секогаш ќе постојат оние кои самодовербата си ја подигаат во виртуелен простор, наше е колкаво и какво внимание ќе им посветиме.
Социјалните мрежи т.е. општо интернетот е место каде секој помалку или повеќе знае да биде послободен и да ја преувеличи својата појава за да остави впечаток подобар од оној кој би го оставиле во живо. Проблемот настанува кога понесени од моменталното внимание, престануваат да се поставуваат граници.

Широк феномен е за да се склопи во неколку реченички.
Додека едни мреживе ги користат за да промовираат своја работа т.е. уметност, било во пишан збор, сликање, изработка на накит или резбање предмети, други го користат за самопромоција од типот на поголо тело и натпревар за најкоментиран идиотизам на годината.
Резултат? Вториве добиваат поголемо внимание зашто е многу полесно и посупериорно да поплукаш некого со еднаква игнорантност, отколку да ги пофалиш првиве за трудот и да се обидеш да ја разбереш позадината на нивното творештво.
Кога ќе видиш, горе-долу истиот комплекс е.
Едноставно, ни се сервира она што го конзумираат широките маси, а тоа насекаде е трачот, голотијата, глупавоста и клишето.
Од спротивната страна се оние кои ќе се најдат со интересни/остри/рандомпридавка забелешки за горниве и тука народот гледа сеир. Ѕвездата е родена.

Сакале или не, бомбардирани сме со ваквите т.н. селебрити фаци по интернет.
Темпорарни се најголемиот дел, што е добро, но дури им траат 5те минути слава, лошо е што не бираат средства за да остават впечаток, а не се свесни дека тоа може да им влијае во животот надвор од социјалните мрежи.

Од нашиве го ценам само Трендо, кој, иако може да забега понекогаш, поседува одлични вештини и знае да те изнасмее и секого на место да го прати.
Од неостваренине поети/поетеси/колумнисти не знам многу, зашто искрено не ме интересира да ги пратам, но ги знам оние префорсиранине од типон на онаа Јаневска што краде турбо-фолк стихови за да потпалува препубесценти и Лешо(в)скион со неговата ентер авангарда за заглавените во тинејџерство.
Е, тоа се примери за т.н. ѕвезди произлезени од недоволна упатеност/начитаност и влијанието „Е, Џивџанка вика овие се добри, и јас така ќе викам.“
И ете ти кревање во облаци.
Полуголине пилиштарци и комарцине со ванаби бицепси чија цел е 1000+ лајка на Фејсбук не ги ни сместувам во оваа група „ѕвезди“.

 

[Хоуп*]

Конкретно Бетмен Велит или дечкото од приказни од булеварот...
Уживаат толкава популарност само од пцуење и плукање по некого (најчесто по жени во вториов случај).

Секој бар од нас тука, да собере седум постови што ги напишал и да ги смести на една фан страна ќе добие поданици и фанови со брзина на светлината. Бар 3 од 7 статуси ќе го погодат "фанот".
И така со ред, го лајкнал другар ми, па ај и јас, можеби е локална фаца, ѕвезда од голем калибар кој го знае. Па ќе се собираат поданици, кој ради реда, кој кај сите ај и јас, а на некој па може стварно ќе му се погоди..

А за старлетиве што се во прв ред на ѕвездено небо стварно немам збор.
А и кога подобро ќе размислам, па зошто да не пишуваат за нив ако една вест за каква тоалетна хартија користи Митра е милион пати почитана од таа за како да си го подобрите здравјето.

И како што кажал веќе некој, ние сме оние кои ги правиме луѓето ѕвезди.
И оној што збори против и што не ги сака влијае на нивна популарност.
Најдобро е да се игнорира ваков феномен, ама некогаш има моменти што стварно ќе ти дојде преку нос...

 

[melpomena]

Што е ѕвезда уствари?
Демек ако ,,светот,,слушне за нив и се здобиени со епитетот ѕвезда?
Дали ќе бидат ѕвезди само од нас зависи.
Доколку ги сметаме за такви сите оние личности со кои не трујат порталите тогаш не се виновни желните за внимание.
Ако сме свесни за нивните желби и пополнување на нивниот недостаток за внимание никогаш нема да им го доделиме тој епитет само ради тоа што тие имаат потреба од тоа.
Тоа се инстант пролазни личности кои ги ствара денешното не квалитетно новинарство.

 

[The Tramp]

Баба Роса

 

[Saladin]

Еве ме и мене...

Пред некој ден баш зборев со различен калибар на луѓе; некои кои не се во тек со порталите но слушнале од други, некои кои им се влезени во траг ма т.н. ѕвезди, некои кои читаат но не дочитуваат ама за да бидат "kewl" се поистоветуваат со масата.
Ко што некој погоре праша што е тоа ѕвездна, јас ќе дадам мое лично гледиште (не мора да е точно), а тоа е дека ѕвездите се создаваат поради гледаноста на масите.
Ко што една другарка ми спомна некад, дека негативна популарност во денешен аспект и не постои, јас би се надоврзал дека денешнава популарност ја засенува онаа каде квалитетот би бил на цена. Квалитетот сам по себе може да е релативна работа, но преголемата застапеност во последно време на личностите кои горе ги наведов што се втопуваат во масата, без да се запрашаат кој или што осудуваат е севкупен продукт на сегашнава слика.
Значи имаме личност која ја ужива својата популарност најмногу поради оние кои ја осудуваат (нели негативна популарност не постои). Гласното „хејтање“ не е решение за стивнување на т.н. феномени по социјалните мрежи, иако се работи на право на искажување. Во преголемата демократија тривијалните зачкуљици имаат поголем дострел, додека оние кои имаат свое гледиште разработено на повеќе ученост и проученост (пошто нели треба и време за тоа), стојат во дното.

 

[True_Blood]

Лешоски.
Поетска ронерол икона ( така го беа крстиле по порталиве), поет, инспиративна појава, талент, сонувач.
Неговата популарност буквално ја стекна на ФБ, а еве синоќа беше промоцијата на неговата прва книга која да бидам искрена сакам да ја купам.
Дали ни се допаѓа човекот или не е право на избор, ама не можеш да го занемариш фактот дека има толпа негови фанови, почитувачи на она што го создава, а да не се лажеме не е единствениот кој си објавува поезија на ФБ. Значи тоа што допира до масата допира и точка.
И ок е да не ти се допаѓа нешто, ама да бидеш хејтер само од завидлук е од тоа поголема мизерија нема. Ама таков народ сме, проклет.

Овие со име старлети кои во речникот е преведено како дроља не ги пратам, не ми се интересни и искрено не разбирам еве што прават у животот друго освен што сметаат на општеството...

Без разлика дали некој сака внимание со хејтање, со убави зборови, со голи цицки и сл. ние сме тие што му го даваме нели, зашто без публика нема претстава.

 

[The High Commander]

Не читам ни еден од овие. Направив чистка на фб. Решив дека фб нема да ми биде за забава. Наместо тоа забавата ќе ја барам надвор од дома, не пред компјутер. И ко му клекнав што се не избришав. Сега на фб нема ни што многу да се прави... и ете толку беше од фб зависноста. Ајт чао.

Лешоски стално ми се врти на фидот... Женскиве не можат а да не го шернат.
Лајла Грејс слично.
Бетмен велит...

Ги читам само Сеад Џигал и Инес Ефремова.... ако воопшто можат да се вбројат во оваа категорија...
Секогаш знаат да ме насмеат. Јеби га слаба тачка хахаха

 

[Solstice]

На Фејсбук се славни речити медиокритети со црно бели слики,бркови и шминка ко да им умрела пеперуга на капакот од очите. И мора да си многу tumblr за да си славен на Фејсбук.