Среќни ли сте?

[Emma.T]

Со оглед на тоа што имам се што ми е потребно за нормален живот, ќе кажам дека сум среќна. Сепак, најсреќна би била кога сите луѓе на светот, кои имаат проблеми, би имале барем половина од тоа што го имам јас (ова звучи како реченица кажана од мис на светот, ама така е ).

 

[emzzy]

Среќна сум. Имам дом, семејство, здравје - а тоа ме прави среќна!

 

[Lovely*-*]

Многу сум среќна, бидејќи имам голема фамилија, ме почитуваат и сакаат, едноставно ме прават среќна !

 

[Y1K991]

Мислам дека не сум. Се чувствувам како жица за заземјување.

 

[Сара.13]

Чувствувам дека треба да бидам многу среќна но на моменти заборавам да бидам.

 

[ZmajChe]

Овие денови да, бидејќи сфатив некои работи дека ме прават среќна и дека не може некој случаен минувач во мојот живот да ми ја земе среќата! Значи имам се`што ми е потребно, пред се`семејството и мојата најдобра другарка, топол дом, никогаш не сум гладна.. па зошто не би била среќна?

 

[Аркантос]

Среќен сум што сум жив. Сепак има моменти кога сум голем неблагодарник и тажам над искушенијата, наместо да сум среќен што имам можност да ги решам, да ги преминам, некој умирајќи ја нема ни таа можност.

 

[Lena]

А што е всушност среќа? Моментална состојба која е производ на нашите мисли. Среќата не е нешто што се има или добива од некое трето лице. секој од нас е сам одговорен за својата среќа. Ако мислиме дека сме среќни ќе бидеме среќни.. Ако мислиме дека не сме среќни и нема да бидеме среќни. Среќата зависи од нашите мисли.. И да мислам дека сум среќна кога сакам да бидам среќна,и не ми е тешко да бидам среќна...

 

[Хоуп*]

Понекогаш знам да кажам немам јас среќа, ама кога ќе размислам подобро и те како имам и среќна сум.
Здрава, права, со покрив на глава, никогаш гладна ни жедна...
Ако ги имате овие работи тогаш сте едни од избраните луѓе што се среќни.
А од лошото секогаш има и полошо.

 

[Antares]

Ако го почниш денот пресреќен што си се разбудил, останатиот дел да не го зборуваме.