За да им докажеш на Грците дека си Македонец, треба да знаеш како да им го докажеш тоа, и на која Македонија си горд, и како таа Македонија е твоја. Затоа почнуваме од Александар... и не можеш да речеш дека „ти е гајле чиј бил Александар“, бидејќи тие секогаш ќе ти речат дека Аристотел му бил учител, верувал во Зевс, а не во Перун, имал нивна култура, а не твоја. И ако им речеш „не ми е гајле“ ќе ти речат, „епа, нас ни е, и наш е“ и нема да знаеш што да им одговориш.
За да отидеш во Бугарија и да речеш, јас сум горд Македонец, на моите борци кои се бореле за Македонија, ќе ти речат, е како си горд на Македонија, кога првиот зборник со којшто се гордеете, го напишале Бугари, и го крстиле „Зборник на Б'лгарски народни песни“, кога Гоце Делчев се борел за наши интереси.
За да им речеш на Турците, ни ја упропастивте култура и државата, нѐ уназадивте до бесвест, ќе ти речат, е како кога пола Македонија е полна со потурчени поранешни рисјани, кога сите ваши попови ни помагаа со векови да ви збираме данок, ти ќе им речеш, „е ми е гајле мене за тоа, јас сум си Македонец и ти што сакаш збори, јас сум си горд на мојава држава, и си го сакам својот јазик“.
Нема врска, што со години, јазикот го упропастуваме со внесување такви варваризми, што Блаже Конески моментално седи на некое триножно столче и плаче на „оној свет“. Нема врска, што со години никој не потегнува да се тргне малку од неговата граматика, да се надогради Толковниот речник. Нема врска што, кога се потрудија да направат нов правописен речник, направија таква бламажа што пола Македонија треба да се срами од тоа издание, а не да се гордее...
Нема врска бе, ние ќе си бидеме горди Македонци, ама поим нема да имаме на што сме горди.
После и гејци и селџуци мх мх мх тие пак имаат оружја, па четници со усташи и балии, па сите вс. качаци, па татари вс. селџуци, па цинцари вс. маџари...
