Слобода

[melpomena]

Еден затвореник во Идризово може да има иста слобода или пак да биде многу по слободен од рецимо некоја шивачка во приватна конфекција која секојдневно е угнетувана и третирана к’о стока, која р’мба 8 и кусур часа за бедни 8.000 денари, на која децата двете и се на факс, а сопругот невработен.

Ако продолжиме со примериве,темава ке има најмногу мислења.
Некои жени на пример,што мажот им ги малтретита по дома,а не се решителни да го остават,поради милион причини,за нив може и конфекцијата да претставува простор за нивната слобода.
примери,примери,милион.
Се изјаснив она што бараше темава.

 

[Мортидо]

Ми се има случено на двапати да останам потполно без денар, во буквална смисла на зборот без денар. А ниту пак имав тогаш некои обврски кои налагаа финансии. Едноставно кренав раце, ја прифатив ситуацијата онаква каква што е. Верувајте, како тие денови што сум чивствувал мир и благосостојба во себе, никогаш до тогаш. Не знам како да го опишам тоа доживување, ниту пак до сега некој ме разбрал кога сум му објаснувал, но знам дека ја осетив Слободата онаква каква што сум ја замислувал отсекогаш. Совршен мир, хармонија. Потполн баланс, рамнодушност ... мислам дека тоа е она за кое зборуваат будистичките монаси, па и христијанските ... тотално отцепување од материјалното ... не знам дали и друг некој го доживеал тоа, но знам дека е тешко и треба јака психа поготово во општества каде што за мнозинството парите се услов за среќа.

 

[Luckky]

Слободата е во нашиот ум, исто како и стегите кои не гушат.

 

[Foxboro]

Слобода се однесува, во најопшта смисла, на тврдењето «да бидеш слободен»

 

[The_Mayor]

Не сум го искусил доволно ритамот на живот преку цифри (оние најчестите 08:00 , 16:00, 11:30) така да мислам дека имам мала слобода во однос на времето, но не и на задолженијата.
Под слобода разбирам бегање од обврски. Без дисциплина, хармонија, рутина, грижи, обврски животот нема никаква смисла.
И јас сакам да сум слободен, колку што е предвидено според законот за неработни денови + некој ден одмор за некоја потреба... но за цел живот не сакам да сум слободен, освен да имам бесконечно многу пари и да имам бесконечно многу хоби да ми го исполнуваат денот.

 

[existence]

Слобода во ова општество и во овој систем на функционирање на светот не постои и не е возможно да постои. Целиот систем не дозволува слобода. Не, не постои слобода. Не постои такво нешто. Слобода ќе постои тогаш кога ќе се оттргнат сите спреги на општеството во кое живееме. Кога ќе правиш нешто без да бидеш осудуван од другите (не мислам на судење во судница), кога нема да постои правилник за тоа што смееш и што не смееш да правиш, кога движењето нема да ти биде ограничено и ќе можеш слободно да прошеташ, кога ќе можеш слободно да ги изразиш своите мисли...но едно од најбитните ослободувања од спрегите е ослободувањето од материјалноста. Тогаш кога парите ќе претставуваат обични книвчиња со цртежи на нив, а не книшки од кои ти зависи животот, ќе можеш да кажеш дека си направил чекор кон ослободување.

 

[The_Mayor]

но едно од најбитните ослободувања од спрегите е ослободувањето од материјалноста. Тогаш кога парите ќе претставуваат обични книвчиња со цртежи на нив, а не книшки од кои ти зависи животот, ќе можеш да кажеш дека си направил чекор кон ослободување.

Колку многу нереално звучи ова... ослободи се од твоите потреби, како?

 

[Diamond]

Слободата не може целосно да се достигне. Во ова општество најслободен ќе бидеш кога нема да зависиш од никого и кога ќе ти биде осигурана иднината.
Вистинска слобода би се достигнала кога би имало анархија, но само доколку сите луѓе се доволно свесни за со своите дејства да не повредуваат никого.

http://www.youtube.com/watch?v=1Nu55R5lbGA
"Ni zvjezde sto sjaje, ni sunce dok svane, nisto nije tako lijepo kao moja sloboda."

 

[existence]

Слободата не може целосно да се достигне. Во ова општество најслободен ќе бидеш кога нема да зависиш од никого и кога ќе ти биде осигурана иднината.
Вистинска слобода би се достигнала кога би имало анархија, но само доколку сите луѓе се доволно свесни за со своите дејства да не повредуваат никого.

"Ni zvjezde sto sjaje, ni sunce dok svane, nisto nije tako lijepo kao moja sloboda."

Анархијата е висока самосвест. Засега само далеку од нас. Мило ми е што барем некој не ја сфаќа како безвластие полно со хаос и немири.

 

[Solstice]

Јас мислам дека со песнава доволно ќе се разбере моето мислење.