РУСИЈА ИЛИ АМЕРИКА (еци пеци пец)
-Дали си за Русија или Америка ?
-Не !? Јас сум повеќе за Шведска, а може Норвешка или Финска.
-Дали си за Русија или Америка ?
-Ја сакам мајка Русија, ама виза ми даде мистер Сем.
-Дали си за Русија или Америка ?
-На руската граница фармерки шверцувавме колку да ги намирисаат,
ама затоа писменоста им ја подаривме.
-Дали си за Русија или Америка ?
-Воените паради ги гледав заради самата застареност на
воената машинерија, многу повеќе ме привлекуваат „Фантомите“.
-Дали си за Русија или Америка ?
-Во историјата Русија ништо не стори за Македонија,
со НАТО сме веле сила.
-Дали си за Русија или Америка ?
-Руската пропаганда го кочи нашиот влез во ЕУ, Америка ќе згази
врз опози..., ох, sorry, сега власт, и ќе ни го отвори патот.
-Дали си за Путин или Бајден ?
-Делото „Војна и Мир“ од Толстој го читав, од Путин секоја вечер
го гледам на ТВ, Бајден страна по страна го потпалува.
-Дали сеуште си за СДСМ визави ВМРО ?
-Овие стварно не утепаа, ама барем не рекоа дека ќе владеат
следните сто години со кичест барок.
-По 8 мај доаѓа 9 мај, што ќе кажете ?
-Ќе го победиме фашизмот.
