Раскази - Хумор и Сатира

[grupa serigii]

АКО ЛАЖЕ АФОРИЗМОТ, ЛАЖЕ И ВИСТИНА

Ги унапредивме протокуларните можности.
Европските лидери ги дочекавме со највисоките почесни
државни историски промени.

Не чека уште едно метафизичко референдумско прашање.
Дали сте „ЗА“ нашата држава да остане дрвено железо.

На селаните им раскажуваме градски приказни.
Дека нивните ефтини производи го прават животот во градот поубав.

Окулу месарница се кружи, во кладилница да се заокружи.

За иднината се препукуваме, за минатото ќе припукаме.

Пијан возач усмрти пешак.
Дегустација на смртта.

Ако не оди со глава низ зид, пробајте со инаетот.
Ќе го изеде.

Купената диплома е сестрана.
Подучува и на други поткупени нешта.

По фудбалскиот пораз, нема знамиња на половина копје.
Се е под нозе.

Не чека тешка зима.
За среќа, на снегот нема да му биде тешко да напласти.

И дома штедиме топлинска енергија.
Стиснати сме еден до друг во струјно коло.

Нема ништо од Трета светска војна,
ако е ова со (не)испораката на плин шах мат позиција.

 

[grupa serigii]

Фудбалерите на Манчестер Сити, после 4:0 на полувреме
со фудбалерите на Манчестер Јунајтед, можеа слободно да речат:
одиме на кафе.

 

[grupa serigii]

„Ако името „Цар Борис Трети“ е проблем, тогаш гимназијата во Скопје
што го носи името „Јосип Броз Тито“ е многу поголем проблем“.

А, каков проблем е името Тодор Живков, што се влечи како опашка
во сите пори на целата бугарска држава ?

Па... !? сеуште проблем, како што е приблем и за цел Балкан.

 

[grupa serigii]

Информацијата за настанот со кафето што ја чувме
од бугарскиот пратеник, и за која е добро да се сеќава,
е неточна.

Нашиот лидер, всушност, си гледал во филџанот превртено кафе
и ја видел Македонија во ЕУ.

 

[grupa serigii]

ПС. Затоа и дојде до ваквата реакција и уплав
од бугарскиот пратеник

 

[grupa serigii]

АКО ЛАЖЕ АФОРИЗМОТ, ЛАЖЕ И ВИСТИНАТА

Русофилите токму сега треба да ја искажат својата великаја рускаја лјубов.
Да спречат нечија намера да фрли атомска бомба.

Го вративме фашизмот да ги вратиме христијанските вредности:
здрав химен и триумфалистичка стигма врз нечија чистота.

Патриотите и предавниците ни химната не ја пеат унисоно.
Најповеќе се доближија до терца.

Одамна никој го нема изнесено народот на улица.
Од питулица, улица не бидува.

Цените растат, а животот на луѓето ефтин.
На народот му падна парето инфлацијата да ја држи под контрола.

Демократската држава само со тотална слобода може да стане
тоталитарна држава.

Сликата на водачот на sидот виси обесена во мислите на секој граѓанин.

Вековити сме како мумија.

Нема зима. Ајвар има.

Смешно е што не снајдоа толку смешни работи.

Откако ќе завршат климатските промени, потопот се враќа во нормала.

Феизбук стана корисна алатка
со која секоја непресметлива мисла на политичарите се чита во живо.

Европјаните се далеку од нас.
Тие се тие кои, не како ние будали, работат како будали.

За трговците остана единствената алтернатива:
заеби го муштеријата колку можеш повеќе.

Со секое одење на село ни ги полнеа торбите.
Ни ги наполнија и главите дека тоа ќе трае вечно.

Пчелите негираат дека цената на медот е зголемена
поради нивните повисоки трошоци при собирањето мед.

Млеко нема.
За среќа, јас сеуште го дојам моето големо дете да му никнат вилици.

 

[grupa serigii]

AKO ЛАЖЕ АФОРИЗМОТ, ЛАЖЕ И ВИСТИНАТА

Бугарија испрати истражувачки брод на Антартикот.
Идентитетот и јазикот на пингвините се најде на тенок мраз
под теретот на ледоломецот.

За сите кои преку ноќ станаа Бугари кај нас,, да се провери
колкумина се пријавија да бидат во некој од стрелачките водови.

Електоратот масовно заокружува во кладилници.
Колку да се почеша долу, копнеејќи по предвремени избори.

За нашата армија се набавени половина милион шишина газирана вода.
Ќе не бранат со водени топови.

Просто проширените реченици не се чувствуваат одговорни
за стотиците пријавени прости проширени амандмани.

Несум надпросечно ентелигентен, ама сум надпросечно итар.
Се стекнав со диплома на с(в)еучилиштето Итар Пејо.

Дали сме ние поделени или расцепени.

Потребна е голема ментална сила од ум да стане памет.

Шлемот го штити воинот и од мировни преговори.

Тоа било обична тепачка, и обично убиство.

Ти треба исправена кичма да ти пукне пред очите.

Во својот имотен лист политичарот внесе: имам што немам.

Победата на бојното поле ја загубија на уличните протести за слобода.

Политичари има доволно.
Најповеќе таму каде што не остана ништо доволно.

Власта изгледа питомо со своите проекти, во споредба со
диво изградените објекти. Милина од дивина.

Кога на фудбалски стадион се пее државната химна,
неразбирливо е дали се дереме заради фалш ноти или фалш држава.

Ја знам теоријата за релативноста на временската прогноза,
ама ја открив и теоријата на релативноста за просторот и времето
на Ајнштајн кога и каде да носам чадор.

Сум сретнал луѓе кои мирисаат на лук, ама кога двосед и тросед
ќе замирисаат на оваа ароматична супстанца, знам дека тука
некогаш седел мојот стогодишен дедо.

Вистината нема пендрак.
Боли и од самата помисла.

Малтаревме облаци, го фасадиравме и небото.
Останатото ќе го доградиме со буџетот од новата среќна 2023 година.

 

[grupa serigii]

Пред Божик, по Божик, кај и да си, дома да си.
Затоа и навалата на пребеганите политичари на нашите граници.

 

[grupa serigii]

Мара Бунева била атентатор, ама тие дојдоа тука како убијци.

 

[grupa serigii]

Претепан е квази Бугарин.
Тоа се наши рани старомакедонски, до денешидни.

Двајца Македонци со бугарски пасош се степале кај нас.
Луѓе мои, па тоа е граѓанска војна во Бугарија !