Постите ли?

[Аркантос]

Да, и тоа од проста причина:​

Убаво е да минам бар еден ден во месецот без месо и маснотии во ОГРОМНИ КОЛИЧИНИ.​

Бидејќи не можам да одолеам во „нормален“ ден, ги користам празниците како изговор да си забранам себе си да внесувам месо, млеко... и секакви производи со чие внесување во мене претерувам ​

 

[Farfalla]

Категорично не. Еден ден можам да издржам, ама повеќе не. Цело време јадам и цело време сум гладна. Не сум љубител на месо, ама не можам ден без сирење или јогурт.

 

[Bum-Bum]

Слушам многу од вас велат...неможам без ова неможам без она...
Јас само ќе кажам...
Се што се сака се може...Али искрена желба и труд

 

[violetmoon]

Постам секогаш кога е некој празник кој е во посни денови,петок понекогаш а порано постев за Велигден цели пости ама последниве две години некако слабо.
Постот не е само одрекување од одредена храна,туку и одрекување од телесните задоволства,погрдни зборови,пцости,грешни мисли,треба да сме чисти во срцето и душата без омраза.
Пред да се почне со постот треба да се исповедаме за да се исчистиме од гревовите и да се покаеме пред Бога,за на крајот да ја примиме светата причест.
Јас досега не сум се исповедала ама се ближат Велигденските пости па ако постам пред тоа ќе отидам на исповед.

 

[МериСелест]

Не... и никогаш нема.
Ама кога гледам дека мали деца ги тераат да постат од кожа се вадам.

 

[emzzy]

Завчера, ден после Летник - 18.09.2013 почна Велигденскиот пост..
Се пости на вода, освен во сабота и недела, кога се дозволува масло (зејтин) и вино. Масло и вино се допушта и на празниците: Упокоение на свети Кирил Солунски, Наоѓање на главата на свети Јован Крстител, свети Агатангел Битолски, Младенци Собор на свети архангел Гаврил, света Лидија Македонска, Упокение на свети Методиј Солунски и на храмов или домашен празник. Масло се допушта и на „преполовение“ на постот и на Велики Четврток заради Тајната вечера.

Риба се јаде само на Благовец и на Цветници. На Лазарева сабота се јаде икра.

Првите три дена – тримери (понеделник, вторник и среда) не јадат ништо, оние што доброволно одлучиле да не јадат, а не е обврска за сите. Таквите, во средата, по Литургијата, најпрво вкусуваат една лажичка светена вода на Водици (агјазма), а потоа Причест.

Велигденскиот пост е најстрогата форма на постење. А постот значи воздржување телесно и духовно: воздржување од мрсна храна и од гревовност. Во постот ние му даваме предност и поткрепа на духовното пред телесното. Тоа е време за повеќе молитва и за повеќе добри дела. Време за откажување од гревот и за покајание.

Во Велигденскиот пост не се прават свадби, ниту се дозволува венчавање.

Телесниот пост значи во сите дни воздржување од месо, млеко, јајца и производи со нив, односно од сè што содржи месо, млеко и јајца, а во одредените денови, воздржување и од масло и од вино. Храната доминантно е од растително потекло.

Иако, само во сабота и недела е дозволена храна со масло (зејтин), а во другите денови без масло, сепак, има и ублажување на постот, кога е тоа потребно. Ако е човекот болен, слаб и немоќен, може да добие благослов, да пости со зејтин, млеко и риба. Тоа се однесува и на малите деца до 7 години, но и на длабоката старост, како и за луѓето во посебни услови и состојби, како што се болестите, затворите, армијата, војните, бремените, леунките, доилките, патниците и сл.

Во таквите случаи постот може да се ублажи. Благословот за тоа се добива од православен свештенослужител. Од постот не се ослободува, туку тој се олеснува. Никако не се допушта месо.

Светите отци постот го нарекуваат мајка на здравјето, а и современиот начин на исхрана сè повеќе му придава значење на постот, односно на откажувањето од храната со животинско потекло.

Постот е потреба и за телесното и за духовното здравје. И најважно, постот не е само воздржување и одрекување од храна, туку е важен и духовниот пост – одрекувањето и воздржувањето од секое зло и грев. Во тие дни треба да се испитаме себеси, да се воздржиме од лошите мисли, зборови и дела, да се покаеме и да се исповедаме. Да се измириме и да се очистиме. Духовно да се зајакнеме и да се збогатиме. Да правиме добри дела и да покажеме љубов кон Бога и кон луѓето.

Од телесниот пост може да бидеме и ослободени, но од духовниот пост – никако и никој, од никого, па дури ни ангел од небото не може да нè ослободи.
Свети Јован Златоуст вели: „Кога ќе слушнете за постот не плашете се од него. Тој не е страшен за нас, туку за лошите духови.“
6 недели без чоколадо..ајде ќе ме биде

 

[Tweety10]

Членови, ваше мислење за охридски варен ѓеврек од Жито Леб, дали е со масло или без масло? Постам преку недела без масло, па да прашам бидејќи не знам како го прават, што има во составот, доколку некој имал искуство и знае да ми каже

 

[foREVer]

Членови, ваше мислење за охридски варен ѓеврек од Жито Леб, дали е со масло или без масло? Постам преку недела без масло, па да прашам бидејќи не знам како го прават, што има во составот, доколку некој имал искуство и знае да ми каже

Без масло е.

 

[emzzy]

Членови, ваше мислење за охридски варен ѓеврек од Жито Леб, дали е со масло или без масло? Постам преку недела без масло, па да прашам бидејќи не знам како го прават, што има во составот, доколку некој имал искуство и знае да ми каже

Без масло е, јади си слободно..

 

[Tweety10]

Mи кажаа наводно дека се намрсувал ѓеврекот за да се залепи сусамот и потоа тавата за печење се намрсувала, стварно не знам колку е тоа точно