Парада за Џастин Бибер во Скопје

[Electra]

Абе искрено, не заболе нас дали цурава ќе иде или не.
Прво и мене ми беше интересно „Ау види какво дегенче, па уште го обожаваат.“
После, се’ се сведе на Фанови вс. „Хејтери“ т.е. шаблонски стана да си кул ако со свои, да речеме, 20 години идеш контра на 12 годишно детуле и го победиш со „аргумент“ дека Биберче е педерче и треба да се лечи...Не фала.
Сега расне малиот, сигурно на 15 кога бил немало да пее за секс и животни лекции. Ист калибар се и Мајли, Селена, Свифт...па никој не крева толкава фама дека овие се за нигде. А Мајли на 15 години се чепеше, тртеше, покажуваше цицка и пак беше идол на маливе. Али ај, ова е малце оф топик.
Конкретно за парадава, е ова ти се распуштена раја. На таа мала возраст со речиси никакво познавање на Англискиот да се издигаш од земја и да пукаш пи*на жила, не иде. Не дека ние не сме имале „идоли“ на таа возраст, ама морав на радио да ја чекам песната и ко Илче од Лескоец да се молам „На сред песна лајна да не јајте, оти че ја снима“, не па да ми текне дека со парада ќе го повикам артистот да дојде.
Еден прут по задник и ограничување на интернет само за овие. И за родителите.

 

[Coelho]

Пред две недели се отвори настан на Facebook од страна на едно девојче кое изгледа, со уште неколку другарки, беше иницијатор на парадата. Настанот се рашири наоколу и во рок од 1 саат кај мене на home page секој втор го имаше постирано настанот и многу внимание се привлече. Од 10 деца што имаа ставено attending, се направија 1.200.

Е СЕГА... Бидејќи сите се паметни и големи мангупи на интернет -- отидоа на настанот и девојчето (и нејзините другарки) ги направија ЛОМ. А фановите, како бистри, одлучија да вратат. После неколку часа вреѓање, расправија, пцуење настанот го снема.

Не дека го слушам Џастин Бибер, ама не ни го мразам. Тој е едноставно еден од оние (да ги наречам) артисти кои постојат (и поради постојано спомињање ЗНАМ дека постојат), ама одлучувам да не им посветувам посебно внимание. Само малку се изнервирав разочарав кога видов мои пријатели, со кои се гледам често, како вреѓаат и пцујат мајки, татковци, баби, дедовци, браќа и сестри како утре да умираме (грубо преведено од: like there's no tomorrow) па сеа мора да се утепаат од карање. Во еден момент ми падна и жал за девојчето (креаторот на настанот) зошто стотици луѓе ја нападнаа. После тоа се премислив кога видов дека успеа на сите сто, ПОСЕБНО, да им посака да умрат.

Сваќам омраза или "хејтање", сваќам и зезанции или "тролање", ама што е многу -- многу е. Парадата, според пријателка, беше одржана со 4-5 деца на плоштадот и неколку неубаво изработени знаци. А имаше и некој собир во Охрид.

Се прашувам што постигнаа тие што посветија цело попладне/вечер на тој настан со некаква идеја дека се во војна?