Aј сега биди добар и префрли ги мислењава во соодветна тема, нека не се губат по чет мубаети. Ќе пишуваме уште претпоставувам.
Он топик: Го исчитав ова што си го постирал. Кога го видов ова се запрепастив од неколку причини.
1) Кај дечково исхранава е толку еднолична, 5-6 работи се вртат се на се. А основата на здравата исхрана е да се јаде разновидна храна. Значи исто ако се јаде само месо и животинска храна не е во ред. Тука акцентирам дека не можеш (корекција, не е правилно) да живееш на млеко од соја, месо од соја, кашкавал од соја, соин шејк и путер од кикиритки кој не е путер уствари.
2) Зборот соја во исхраната го има многу пати. Значи впроочем внесуваш соја во различни форми. Е сега сојата не само што не е здрава туку е и многу штетна. Содржи еквиваленти на естроген кој може да е штетен колку и за машките, толку и за девојките. Прво е компетиција со тестостеронот, кој кај машките ако го нема доволно може да доведе до феминизирање, стерилитет и неколку форми на
рак на половите органи. Кај девојчињата исто го зголемува ефектот на естрогенот што води до пореметување на менструалниот циклус и исто ризик за
рак. (Значи имаме одма побивање на тоа дека само омниворскиот начин на живот е причина за појава на рак). Еве баш сега прочитав, не сум знаела дека ако внесуваш соја секој ден во секој оброк, ти е исто како да пиеш 4 апчиња за контрацепција на ден. Освен тоа спречува цревата да ги примаат железото, цинк, калциум, бакар и магнезиум, кои се потребни во мали количини, но ако ги нема носат еден куп болести. Директно и штети на тироидната жлезда, каде прави дизбаланс на хормони, а во Македонија секоја трета жена има проблем со тироидната жлезда.
3) 6-8 оброци на ден. Убаво, ако тоа ти е преокупација во животот. Исто ако си имаш слободно време. Јас си кажав, да не бидам досадна и да се повторувам, едвај за 3 имам.
Исто што приметив кај веганиве е дека ја мразат фармацевстката индустија, пошто била корпорациско зло. А индустријава што ги прави суплементиве за храна не е корпорациско зло? Еднава прави лек за кога ќе се разболиш, вторава прави суплемент за нешто што веќе природата сама ти го дала. Во што биотехнолозите се похумани и поисправни пред човечкиот суд од фармацевтиве? Нели е малку наивно да веруваш дека тоа што го примаш како суплемент е најздраво, најневино и дека не страда никој од тоа? Исто и таму се води гејм оф троунс, исто и таму се вложува помалку за да добиеш повеќе, исто и таму се работи во фабрика (која бај д веј ја загадува љубената планета на веганиве) и таму се прави бизнис од пари со многу нули. А тоа дека е пропаганда и тренд кој е масивно прифатен е сосема друга тема.
Ај веганиве ќе ги молам да се дообјаснат
Искрено мислев дека може ќе омекнам ако исчитам уште повеќе (имав познавање на темава, ама исчитав и многу други информации плус), ама како што читам повеќе, така веганствово се повеќе ми нема смисла. Од катаљон причини.
Менито од линкот воопшто не е слично на она што јас го јадам, ниту пак е слично на менито на веганите кои ги познавам.
За сојата се си кажала, нема што да додадам, ние не ја употребуваме воопшто, максимално ја избегаваме. Обично сојата е застапена кај луѓе кои што не знаат дека речиси од сите семки, јатки и мешунки можат да подготват млеко, сирење, месо и кашкавал. Најверојатно причината што сојата е презастапена во ова мени е што на пазарот готовите вегански производи се претежно од соја. Во продавница нема млеко од лешник, но има млеко од соја, нема сирење од бадем и нема павлака од сончоглед, ама има од соја, нема шницли од пченица има од соја итн. Инаку да кажам дека не ја користат сојата само веганите, речиси на секој производ кој што излегува од фабрика, во составот влегува и сојата. Дури и во бебешките кашички има соја, во некои лебови, во павлаки, сирења, во паштети, колачи, чоколади... во се што е готово од фабрика има соја и продукти од соја.
Веганската храна воопшто не е еднолична,иако постојат вегани и вегетаријанци кои што многу еднолично се хранат, пак ке кажам причината може да е недоволна информираност. Одлуката да се биде веган, бара голема одговорност пред себе и своето тело и бара истражување.
Еве како јас одбегнувам да јадам еднолична храна. Оставам природата да ми го креира менито, не се водам според нечии диети, според нутриционисти и сл. бидејки не верувам во тие строги режими. Јадам сезонско овошје и зеленчук, бидејки сметам дека тоа што во овој месец расте и зрее, е наменето да се јаде во овој месец, ги содржи потребните состојки за ова време во годината. Моментално расте зеленилото и има растенија, како глуварчето на пример, кои што само сега се јадат, потоа цветаат и листовите не им се за јадење, горчат. Значи глуварчето овој месец постојано ке биде застапено во мојата исхрана заедно со уште многу зеленило како блитвата, штавел, марула, млади кромитчиња и лукчиња, коприва, зелка и сл. Да не разберете погрешно, покрај зеленилото се јадат и житарици, мешунки, јатки, овошје и зеленчук кои не се сезонски, но главното на менито, најзастапеното е она што е сезонско.
Следните месеци главен оброк ке бидат јагодите и црешите
. Ах, ја обожавам пролетта
Постојат огромен број видови на житарици, кај нас не се сите достапни, ама кога би ги конзумирале повекето видови и само на житарици да сте, храната нема да ви биде еднолична. Ние дома многу често јадеме просо, од житариците тоа ние главна храна. Од просото подготвуваме варива, намази, пудинзи, најчесто го мешаме со зеленчук, совршено оди со зеленилото кое сега се јаде. Јадеме овес, со него подготвуваме овошни каши кои се убави за почеток на денот, со овесот подготвуваме и леб, палачинки, разни колачи... други жирарици кои ги јадеме се рж, пченка, ориз, јачмен и хељда.
Ги јадеме сите видови на мешунки кои постојат на просториве - грав, грашок, боранија, леќа, наут, мешунки од багрем и рогач...
Секојдневно једеме повеке на видови на семиња - ленено семе, чиа семе, црно семе, семки од сончоглед, семки од тиква, сусам... сигурна сум дека има повеќе но не ми текнуваат.
Овошјето и зеленчукот да не ги набројувам, само ке кажам дека преку зимските денови претежно јадеме суви или замрзнати овошја, не ги јадеме конзервирани, зимници не правиме.
Јатки - орев, лешник, бадем и индјски орев купувам понекогаш кога финансиите ке дозволат, бидејки е многу вкусен и од него се прави најубавиот шлаг што сум го пробала. Ем благо, ем вкусно, ем здраво, тоа ти е храна без ограничувања, слобода
Нема едноличност во веганската исхрана и истата не подразбира само салати и сокови. Од сета оваа храна што ја споменав дома подготвуваме најразлични растителни млека, сирења, путери, шлагови, мајонези, чоколади... Сега сме во некоја фаза кај што сме поискусни со рецептите и постојано експериментираме, секое млеко кое што ке го направиме е различно, нема повторување на истото, има само подобро и подобро, тоа е една голема детска игра, тоа е креативност, тоа е среќа. Десертите ни се шарени, разиграни, со цвеќкиња, овошја, разни кремови од јатки, чоколадни преливи од рогач, какао во комбинација со лешници и бадеми... пудинзи од чиа семе со суви смокви и прелив од какао и мед, за соковите да не ни почнувам, комбинации има безброј...
Кај нас дома конкретно, немаме одреден број на оброци, јадеме колку што имаме потреба. Понекогаш се случува со два оброка да ми помине денот, некогаш по цел ден јадам, се зависи од тоа колку ке ми побара организмот, но никогаш не јадам кога не сум гладна, од досада или за да подполнувам емотивна празнина и сл. Кај мене нема јадење од стрв, од ,,правење друштво,, , грицкање додека гледам филм... јадеме само кога сме навистина гладни.
...
Тоа е од прилика нашата приказна, за другите вегани не знам, најверојатно секој си се прилагодува според начинот на живот, работата и сл.
За лековите и суплементите.
Јас сум против едните и другите. Бев многу болникаво дете, секој роденден и секоја нова година јас ги поминував во болница. Така беше до пубертет и никогаш не открија што ми е, имав многу слаб имунитет или поточно, немав имунитет, ама затоа постојано бев под антибиотици и суплементи. Кога престанав да јадам месо, дел од состојбите кои ги имав предходно, исчезнаа, кога престанав да јадам млеко и млечни производи, состојбата уште толку ми се подобри... Суплементите кои ги земав по препорака на лекар ми направија камења и цисти во бубрезите, денес не смеам ни витамин ц за деца да земам.
Мојот син имаше бронхитис, беше на лекарства, не помогнаа, разви пневмонија и со месеци не можеше да ја излечи. Никакви лекарства не помогнаа. ке се подобреше состојбата, два-три дена дома и повторно се повторуваше. По препорака на нутриционист, го исфрливме млекото и млечните производи, а по препорака на мојата интуиција ги исфрливме сите лекови кои детето ги примаше, сето тоа фрливме во канта и за помалку од една недела, детето беше здраво и ден денес не настинува. Моите деца, посебно помалото, се хранети со природна домашна храна, без кашички, чоколини и сл. никогаш не сум им давала суплементи, значи не виделе витамини во форма на апчиња, сокчиња и сл, но не видели ни лекови.
Сега бидејки се во школо и се дружат, јадат и храна која што не е воопшто здрава, си купуваат чоколади, сокови, смоки понекогаш, но имунитетот не им паѓа, не се разболуваат, не ги фаќаат сезонските грипови.
Ке се воздржам да пишувам за фармацијата како индустрија, бидејки во последно време не се замарам многу дали се работи за индустрија која сака само профит или не... јас веќе со години немам матичен лекар, се случува да се разболам и да ми падне имунитет кога сум под стрес најчесто, но сето тоа си го решавам на природен начин имам некое основно познавање за билките кои ми се достапни и си го користам тоа максимално. Едноставно ми нема логика да купувам скап лек кој што е направен од бор, кога можам да го направам истиот во природна варијанта бесплатно во домашни услови.
