Книжевен предизвик за 2016та

[Outrider]

Избрав 20че, али ае, ќе видиме на крај што ќе испадне. Инаку, уште пред 2 недели си одвоив неколку книгички за почеток:

Отвори ја прикачената датотека 26215

"Да се убие птицата подбивница" си ја чувам уште од мај и чекам некаков си специјален момент да ја причитам. Па решив уште поодамна дека таа ќе биде првата причитана книга за 2016. Да почне убаво годината.
И "Глувци и луѓе" одложував 2-3 месеца да ја прочитам, веројатно од истата причина како и првава книга.
"De Profundis" ја има и на македонски, но се решив да ја земам оваа бидејќи е пропратена со уште неколку приказни на Вајлд, така да, the more the merrier. Од оваа очекувам доста, знам дека нема да биде слична на "Сликата на Доријан Греј", но многу ми се допаѓа неговиот стил и сите тие негови премногу паметни идеи и филозофии.
"The Mysterious Island" ја земав бидејќи ми се чита некоја интересна авантура, да искулирам малце.
Уште ја немам прочитано, "The Beautiful and Damned" на Фитц, али инстантно се заљубив во неговиот стил, се надевам дека и овие 2 негови книги подеднакво ќе ме забавуваат.
"Исповедите на еден англиски уживател на опиум" се надевам дека ќе биде доволно мрдната за да ми биде интересна, баш ме интересира што е приказната.
Сакав да читнам нешто од Вулф, па ете, како прв избор ја земав "Сопствената соба/Три Гвинеи", па ќе видиме.

Сега за сега, тие се. Мирна глава некое време.

Спојлер: Јадачот на опиум

Да не испадне дека хејтам мкд превод по секоја цена ама пошто ја имам на англиски не би препорачал да се чита превод со оглед на досегашните искуства, не знам како би се пренела перцепцијата на македонски, очекувај фејл.

Инаку да се пожалам на дискриминацијата на нас, слушачите на книги, dokoga vaka

 

[existence]

Се надевам стручна литература не се смета инаку сите ве јадам.

 

[Saladin]

2. „Ге-Дур“ на Тамара Јолевска - Попов.
Кратки прикаски, неконвенционални, надвор од рамката, без доза на претенциозност. Со урбан стил поткрепен малку со скопски жаргон, опишува за разни случки (пријатни и непријатни) во разни краеви на еден измислен свет на Градот.
Незадолжително, слободоумно. Оценка 3.5/5

 

[Saladin]

3. Дневна соба - Јана Лозаноска (82 стр.)
Четиво кое и покрај тоа е пишано со лесен стил, изобилува со голема длабочина со која повеќето од денешнава младина се соочува. Првиот дел, иако по малку апстрактен допира до самото дно на душата дури и кога сепството што мислиме дека го имаме, го губиме во тие критични моменти. Додека вториот, надворешниот дел - релацијата помеѓу ликовите, не` потсетува дека претставата што ја имаме изградено за нив, најчесто може да ни ја искриви реалноста и да не` преобрази во рамнодушни животни. Исклучително добра книга која се консумира во еден здив. Оценка 4/5 накај 3.5

 

[Electra]

Ама ми тргна со квалитетов...

1. How To Disappear Completely - David Bowick
Сум ја симнала наместо онаа од Doug Richmond (оно па полно ги има со ист наслов), па ај викам да ѝ дадам шанса, и онака е некои 130 страни само.
Фина смисла за хумор, прилично реално-дрзок приказ на размислувањата на еден млад човек во врска со околината (етикетирање, вреѓање во себе) и неверството (моето е оправдано, на партнерот не), но освен тоа е ко тинејџер да ја пишувал (а може и бил тогаш, гледам доста млад е). Дечко запросува цура, таа го одбива, он наоѓа утеха кај друга, yada, yada...
Би ѝ дала 4/10 за трудот.

2. Biblical Mysteries - Lonely Soul
Љубим му име на писателов.
Уште едно кратко книже (110 страни) за чија релевантност не можам да тврдам пошто не сум доволно поткована. Може секташ ја пишувал, for all I know. Се содржи од 20+ кратки приказни што расправаат за можните изгубени евангелија, фамилијата на Исус, пеколот, демони, Стигмата, итн.
Ако се гледа ко книгиче со раскази, е фино - кратко и прецизно, па на таа основа би дала 7/10.
За точноста, once again, не можам да тврдам...

 

[Outrider]

Guns, Germs & Steel, генијалната творба на Џаред Дајмонд за степенот на развој на цивилизацијата и колку тој зависи од сосема непознати и надвор од човечката воља ситуации, книга која го убива расизмот еднаш засекогаш, која што ги срозава националистите до крај, која не остава илузии за нечија наводна супериорност и инфериорност, едно од најбитните нон-фикшн дела во последните децении.
(пошто е во пдф и пошто не ја читам првпат, не сум сигурен дека е за во темава)

 

[MissChievous]

01. Да се убие птицата подбивица - Харпер Ли (322)
Знаев дека ќе ми се допадне и воопшто не ги разочара моите очекувања. Книгава едноставно е... убава. Иако крајот на главниот заплет е несреќен, човештвото фејлнува и поради тоа, некој настрадува; сепак, поуката е толку силна и инспиративна. Ликовите ми беа мили, посакував да сум дете и да бидам нивен пријател. Недоволно искусни во животот, но сепак невини и искрени во размилувањето и постапките. Стилот на Ли е лесен, иако приказната е (делумно) тешка. Толку убав филм ми се создаде во главата...
5/5

 

[MissChievous]

02. Глувци и луѓе - Џон Стајнбек (90)
Совршено одговара после "птицата подбивница". Ме погоди книгата не толку поради судбината на главните ликови, колку вистината на нивниот план, односно што всушност значи сонот, каква е реалноста во светот наспроти онаа во нашите глави. Сфатив дека не сакам истото да ми се случи. Сфатив дека барем оние поголемите желби што ги имам, морам да дадам се од себе за да ги остварам. Не сакам да бидат само "парче рај". Мала книга со убава приказна.
5/5

(пошто е во пдф и пошто не ја читам првпат, не сум сигурен дека е за во темава)

Секако дека е за во темава. Не е битно дали е во пдф формат или хартиена, и воопшто не е битно дали прв пат или 10ти пат ја читаш. Книга си е книга, читање си е читање.

 

[Аркантос]

1. „Жената и родот во исламот“ - Лејла Ахмед - 350 странички - прочитана
- Впечаток, без спојлери: Едно од најдобрите видувања за тоа како традицијата, помешана со религијата ја носи најтешката заблуда: обредната забрана и обредното сакатење на животот на луѓето. Истражувањето опишано надолго и нашироко во оваа монографија, го кажува она што сите впрочем го знаеме: вадењето од контекст на пасусите во светите книги ги носат најголемите девијантни појави во општеството.

Во тек на читање: 2. Митот на демократијата - Франк Карстен - 123 странички
- Оваа година по сѐ изгледа дека ќе читам само монографии. Книгава ме потсетува(во првите неколку пасуси што ги имам прочитано), на една друга книга, од друга автор: Поетика на митот од Мелетински, не затоа што говорат за иста тема(впрочем, темите се сосем различни), туку затоа што на ист начин ги зафаќаат проблемите за кои расправаат, метафорично, одоколу, со скриени пораки...но сепак кристално јасно.
Исто така, во првиве неколку странички, ме потести и на една документарка која ја имам гледано за демократијава, Capitalism: A love story.
Сега за сега, многу ветува, па ќе видиме.

 

[Аркантос]

1. „Жената и родот во исламот“ - Лејла Ахмед - 350 странички - прочитана
2. „Митот на демократијата“ - Франк Карстен - 123 странички - прочитана

Во тек на читање: 3. Неугодното во културата - Сигмунд Фројд - 141 страничка
- Не ја читам по прв пат, но ја зедов намерно. Делува како разговор со психолог за расчистување со некои проблеми со сопственото битие.
Најголем акцент е ставен на религијата како „држач на стегите“, и потоа секако, растргнатоста на јас меѓу потсвесното јас кое по сѐ изгледа дека нема граници, и надворешното опкружување кое она свесно јас го модифицира и обликува по свои тертипи.