Ваша поезија

[shadow]

ЈАС​

Јас сум пат по кој сите газат​

Јас сум кукла со која сите си играат​

Ја вртат​

Јас сум вир од кој сите се мијат​

Пијат​

Јас сум едно мало перце​

На ветрот​

Чкорче сум на нечиј пламен​

Без топлина​

Јас сум ​

Јас сум ништо.​

 

[Prashina]

На небесната широчина нацртав сон,
од душата пеперутка полетана,
од срцето топлина откината
од очите само мерак испратен.
И ќе те пронајдам ,
ќе те украдам за миг,
вечен , единствен, незаборавен,
само миг кој живот значи,
да сонувам, да сонуваш,
да копнееш, да копнеам,
да живеам, да живееш,
додека умираме.

 

[Achernar]

На петок 13 отвори 13 страна, не додржа до утре, со среќа нека ни е

 

[Lena]

Маска

Кловновска насмевка со темен демонски поглед.
Вештачки сјај на радост.
Случаен поглед го лови моето присуство.
Поглед во кој е нацртана алчна жед,
жед да ме зграпчиш во своите канџи.
Канџи чиј допир е убиствен.
Секој мој чекор покрај тебе,
остава калливи трагови,
по твојата светла сенка.
Ја кинам маската сошиена за твоето лице.
Наоѓам очај и вечна тага.
Под тагата,желба за љубов.
Дебел слој со избледени лузни
од минатото.
Слој со соништа за иднината.
И пропаѓам во твојата празнина,
обидувајќи се да ја исполнам со своето присуство.
За тогаш..
Внимателно да почнам да ја шијам сопствената маска.

 

[Achernar]

Демонски чувства,
слетуваат врз телото на ангелот-меланхолик,
тело на модар облак,
чекор опак,
мисли избледени до бојата на утринската роса покриена со сенка,
галопираат врз главоболката која наликува на вагон од
возот кој ја создава иднината,
ја стискам со рацете,
сакам да ја уништам,
замижав,
не можев,
а таму видов посакувани моменти од иднината
кои лежеа врз уморните лисја,
тонејќи во сон кој им го нудеше зајдисонцето
со нежна мелодија на мекиот поветерец,
кој лицето ми го обликуваше со канџите насликани во нејзиниот ум,
есента ги боеше во суви маски,
во бал од маски,
но не и пресушени,
надевајќи се дека ќе ја дочекаат пролетта
за да понудат глетка која ги остава неми очите.

 

[Achernar]

Јас..
Јас, поет,
Јас, уште еден змиски јазик,
Јас, санта која го потопи титаник,
Јас, опасност за себе,
Јас, опасност за тебе,
Јас, убав збор,
Јас, ретардиран говор,
Јас, надоврзан текст,
Јас, перверзен секс,
Јас, залутана фигура во ноќта,
Јас, непотребен,
Јас, чудовиште на овој век,
Јас, напуштен со солзи,
Јас, неисполнето ветување,
Јас, сини крилја,
Јас, болка која не може да се напише,
Јас, ја уморив меланхолијата,
Јас, без никого во свет меѓу луѓе,
Јас, сонда на лагата,
Јас, опиум на тагата,
Јас, лице кое не го паметат,
Јас, чудни очи,
Јас, силувач на доцните часови,
Јас, милји од гревови,
Јас, неславно раѓање,
Јас, разочарување,
Јас, плач,
Јас, изгубениот брат,
Јас, дете,
Јас, продавач на билети во театарот на сонот,
Јас, гради полни со темни облаци,
Јас, дожд врз безбојни лица,
Јас, мајмунолик човек сокриен во студениот ќош од пештерата,
Јас, камшикот на лудилото истурен врз грбот на водопадите,
Јас, жеден за крв,
Јас, револвер и куршум полн со гнев,
Јас, убиецот на оваа парче земја,
Јас...

 

[Achernar]

Болката од тежината се распука во парчиња,
врз многу души се распрска,
лузни длабоки изваја,
во бавна емоција се разнесе низ дното чекајќи го гнилежот,
гнилежот плоден,
и повторно ќе никне,
и повторно ќе се разнесе,
која е целта?
не го сакам ова лимитирано прашање,
безобразно бакнување,
која е целта?
да се создадам,
која е целта?
да се изморам,
која е целта?
да исчезнам,
која е целта?
да пишувам,
доја е целта?
да се насмевнам,
која е целта?
цел,
цел,
цел,
на олтарот невестински вел.

 

[Achernar]

И сонцето е поинакво
кога ќе ги отвори портите на душата,
кога бог го изгубив,
тој живот ми дари,
кога тебе те посакав,
љубов стори.

 

[Achernar]

Истекувам во мисли безброј,
во извори рој,
брзам,
некаде да стигнам,
тебе не те приметувам,
тебе те заобиколувам,
во сите тие светла сенката твоја ја занемарувам,
девојко,
моја,
некоја,
во пламен од ноти ми прикажуваш,
силуетата твоја ми ја протолкуваш,
движејќи се кон некоја непозната,
никогаш невидена,
толку осамена,
бесцелна,
заборавена,
непреболена,
искра недопрена,
а ти стоиш,
над небото се издигаш,
погледнувам,
те приметувам,
својата жед ја јавам,
рацете ги подавам,
земи ме,
во идила понеси ме,
на црн облак избриши ме.

 

[Achernar]

Ти си моќна,
ти си заносна,
ти љубовта ја насочуваш,
судбината ја менуваш,
ти си толку далеку,
а блиску до мене,
треперам,
ме возбудуваш,
се плашам од нас,
тоа го сакаш знам.