Новогодишна желба

[Anushka]

Зошто се сите луѓе механички и заборавни?
Зошто чекате Нова Година, за да се сетите на некој, да му се јавите и да му посакате убава цела година, така ради реда? Јавете му се на некој од нигде-никаде и посакајте му убав ден. Мене повеќе би ме изненадиле и израдувале.
Купете му на некој подарок без повод и причина.
Ништо скапо де, ама ете чоколадото можеби кое знаете дека му е омилено.
Зошто чекате празник да се соберете фамилијарно и да седнете на иста маса да јадете? Кај нас се знае, мора еден оброк барем во денот, да го јадеме сите заедно.
Зошто чекате викенд, родендени или годишници да водите љубов?
Разбудете се наутро и едноставно почнете го денот така.
Со нежности.
Цел ден ќе сте порасположени.
Зошто чекате нешто лошо да ви се случи за да одлучите да правите промени во животот? За здравјето, исхраната, љубовта...
Зошто одите по улица несвесни за светот околу себе?
Не го гледате небото, природата, луѓето.
Зошто не подзастанете некогаш да ги слушнете оние кои свират по ќошевите?
Не сте ни свесни колку се некои од нив талентирани.
Зошто не умеете да уживате во некои ситни задоволства?
Во заоѓањето на сонцето, во вкусот на едно обично турско кафе, во смеата на некои деца од паркот...
Престанете да чекате! Престанете да чекате погоден момент за ова, за она.
Сега е моментот, да кажете некому дека го сакате, да почнете со диетата, да почнете да пишувате книга, да се занимавате со некое хоби, да почнете да свирите на некој инструмент, да се јавите некому чиј број го впишувате и ја гледате зелената слушалка, но одлучувате да ја стиснете црвената.


Убав ден!И размислете секој ден ни е нова година кога знаеме да посакаме и искажеме лјубов, внимание кон луѓето што ги сакаме ..

 

[alba]

Црно-бели сакам да ви честитам што сме едни од многуте кои успешно преживеаја уште една година у МКД
Секогаш да сте насмени.

 

[Y1K991]

Да ги соберам тие 16500 евра.

 

[Struggler]

Јас за Новата година сакам дедо Мраз да ми остави околу две илјади денари во торбето што ќе го оставам покрај елката и да ми излези беЗплатно ресторанот каде ќе ја дочекам Новата година со моите најдобри, најверни другари кои сме ги проживеале овие години, макотрпни по бавчи, рудници итн..

 

[escape]

многу скромен си @Mjölnir
Ја би сакала мене дедо Мраз да ми остави едно две три илјади евра и да ми купи стан за да се иселам друго ништо не ми треба, а уствари може и уште малку да ми ги зајачи нервите оти почнаа да попуштаат.

 

[Saladin]

многу скромен си @Mjölnir
Ја би сакала мене дедо Мраз да ми остави едно две три илјади евра и да ми купи стан за да се иселам друго ништо не ми треба, а уствари може и уште малку да ми ги зајачи нервите оти почнаа да попуштаат.

2-3000 евра стан... Скромно, многу скромно.

 

[escape]

2-3000 евра стан... Скромно, многу скромно.

Не мора да е голем станот може и некој помал, да не се троши многу

 

[BlackTulip]

Само една желба имам , сите комплицирани нешта малцее да се опуштат доста беа заплети, олабавете!
А и да сакам трпение , оти ако барам сила хахаха
А на сите форумџии им посакувам да го најдат својот мир и среќа, мислам дека тоа е доволно за се друго да оди како подмачкано
Чеерс

 

[Aleksis]

Се надевам не сум многу рано...

@Altaïr како највечи фраер на форумов, прв те ставив во листата.

Ти посакувам да останеш позитивен и насмеан, оној дечко кој е познат по тоа дека секогаш има што да каже. Да најдеш фраерка ко тебе па да се активираш во љубовните теми а ние да ти фаќаме сеир, а другата година заслужено да те одбериме за форумски лепотан. Ти посакувам многу фатени ливчиња во кладилница и повеќе победи на твојот тим.

@Хоуп* Ти посакувам среќна година, здравје, и успеси на секое поле. Италија да ти е следна дестинација па да се вратиш назад со некој шармантен италијанец.

Повеќе изгледани филмови а со тоа ние да добиваме се повеќе квалитетни препораки.

@Auditore Ти посакувам остварување на сите замисли, многу успеси на професионален план, и многу посетени земји. Убавите моменти да ти бидат секојдневие, а убавите женЦки секогаш да се околу тебе.
Ти посакувам година дупло поубава од минатата, повеќе стекнати пријателства, повеќе квалитетна музика и посетени концерти и изедени повеќе кесички Харибо.
Ти посакувам во годината што следи да ја пронајдеш својата сродна душа, која ќе биде барем пола од тоа колку си духовит ти, а тоа значи многу. И да останеш тоа што си, искрен и добар пријател.

@Înger Rău Тебе најискрено ти посакувам оваа година да се заљубиш, но овојпат не во погрешна личност. Негативните мисли да ти станат оптимистички и ведри, а нервозните денови да се сведат на минимум. И како за крај се надевам оваа година ќе имаш помалку заминувања и враќања на форумов.

@Mjölnir За да не речиш дека нон-стоп те забораваме овде на форумот.

Тебе дечко ти посакувам од се по малку, но доволно годината да ти мине перфектно. Успеси на факултет да не заборавам, и да ми даваш повеќе спојлери од GOT. Да имаш дупло повеќе мислења до следната година, затоа што фалат вакви членови и да направиме собиранка за Пиво Фест.

За останатите @Electra , @Saladin , @JaMi , @|o$y(|-|0$0(|@l , @MissChievous , @Outrider , @Luckky, @LittleButterfly, @Aristokrat, @Notice , @BlackTulip ... и сите нови и стари заборавени членови ви посакувам мноооогу остварени планови и желби годинава, за оние кои имаат љубов да им биде уште поголема, за оние кои немаат да ја пронајдат, многу здравје, среќни моменти, помалку турски сапуници-повеќе книги, повеќе готвена храна-помалку џанк фуд, повеќе парички (макар и скинати банкноти ) и поминати супер денови со насмевки и добро друштво.

 

[Auditore]

@Aleksis ти благодарам многу, се да ти се врати дупло подобро, да имаш многу среќа и многу радост во наредната година и да си останеш така позитивна како и секогаш ^_^ И да не посетиш во Штип.