Ајвар

[Gemini]

Ајварот е Макдонско традиционално јадење кое се приготвува од црвени и печени пиперки.За време на есенскиот период започнува сезоната на приготвување на ајварот.Оригиналниот ајвар е од исклучително црвени пиперки иако некои во смесата додаваат и модри домати.
Највуксното јадење според мене а и многу послатко ми е кога мацкам од останатото од шерпа со лебче и сирење, нормално откако ќе се празни во тегли првиот ден ќе јадам и после ми поминува меракот

Начинот на подготовка е едностваен и лесен.Нема некоја филозофија околу подготовката но сепак ќе го приложам рецептот од мајка ми .Потребно е 40 килограми благи црвени пиперки ( може повеќе или помалку кг.) кои се печат на отворено на шпорет на дрва.Откако ќе се испечат пиперките( а заедно со нив и модрите домати ) се ставаат во поголеми најлони да набобрат за да се лупат полесно.Пота се лупат се одстранува дршката и се чистат од семки,се стваат во мрежести вреќи да се исцеди сокот и така преноќуваат се до следниот ден.Потоа откако ќе преноќат за сецкаат на ситни парчиња или се мелат и се пржат на тивок оган и се додава неколку литри зејтин.

До оваа година јас само лупев пиперки но оваа година ќе го пржам ајварот сакала или неќела јас морам, на мене остана тоа

Не ми се верува дека некој не го сака ајварот како ихрана но пак јас ќе си прашам..
Дали го конзумирате ајварот ?
Дали го конзумирате често или само додека е сезоната ?
Дали сте го пржеле ајварот некогаш или сте учествувале само во лупењето ?
Дали го имате веќе приготвено или сеуште не?

 

[Foxboro]

искрено кажано не сум голем мераклија..............моите си го прават редовно....или лупам.....или мељам....или мешам................ама најмногу го јадам кога сум на одмор...........тогаш обично се крие по некоја тегла ајвар по подрум за да има за на одмор.........и тогаш ми е најсладок.....

 

[990Freak]

Редовно се прави, ама не сам много љубител. Обично само отиду до пазар, купу пиперке, и ги довезу до дома. Толко е моја работа.

 

[Coelho]

Дали го конзумирате ајварот?

Да, и тоа многу. Кај мене дома сите се, па ретко кога останува подолго време. Евентуално до крај на зимскиот распуст/почеток на Фебруари.

Дали го конзумирате често или само додека е сезоната?

Само кога е сезоната, за време на зимата.

Дали сте го пржеле ајварот некогаш или сте учествувале само во лупењето?

Во јадењето дефинитивно учествувам! А инаку учествувам и во припремата на состојките, мелењето на пиперките и мешањето.

Дали го имате веќе приготвено или сеуште не?

Сеуште немам припремено и нема ни да припремам. Претходната година, поради работа, моите ја прекинаа традицијата толку беше. Од тогаш почна потрагата по добар купечки ајвар, ама некако не е тоа тоа.

 

[i_wanna_fly]

Па и го конзумирам ли? Најубаво ми е кога го јадам со паштета, сирење и чај. Хухууу, кај нас дома по 2 дози се прават ако не стигнеме наеднаш да направиме повеќе. Тешко е ама што е - тука е.
И секогаш учествувам од почеток до крај. Дури и вреќите со пипер ги носам! Печење, лупење, мелење, мешање, јадење..Секаде ме има.
Сеуште го немаме направено, ама му се спремамe за утре да го правиме.

 

[MissChievous]

Обожавав како мала кога во моја зграда се правеше ајвар. Ќе се соберат 3/4 баби, еден ден заедно прават ајвар за едната, другиот за другата, и така. За да се искористи заедничката мака и време, во истиот ден се прави и мармалад. И кога ќе почне да се стемнува, ние децата се качуваме на терасата каде што прават, ни ставаат кришки леб да се потпечат, по некоја кобасичка, и ни мачкаат тазе врел ајвар. Па потоа и по некои парче мармаладче. М м м мммм.
Сега не правиме, а и не купуваме многу. Во принцип, само јас јадам дома и ми купуваат по некоја тегла, колку да се рече дека сум јадела сезоната. И да, домашниот е милион пати повкусен и никогаш не би одбила.

 

[elizabetta]

Go obozavam ajvarot posebno prvite denovi otkako e gotov, sekoja godina obavezno pravime samo sekogas koga imam moznost gledam da go izbegnam pecenjeto piperki ama za lupenje sum tuka )

 

[Legioner]

кој прв ќе напраи Ајвар и е од Охрид идам кај него дома да му мавнам една тегла Ајвар

 

[Марија]

Јас последниве две години и помагам на мама во приготвувањето на ајварот од почеток до крај.
Не го јадеме нешто посебно многу, ама мама како мама - не и било тоа тоа ако не сме направеле.
Па така околу 10 тегли домашно вкусно ајварче се наоѓаат во подрум.

 

[Mystique]

Обожавам Ајвааааааар!!!! Целиот процес на правење...печење,лупење,цедење, мелење, пржење, полнење на тегли и конечно јадење, е едно од нештата по кои го помнам детството. Со првите другарки се имам запознаено баш кога правевме ајвар во нашите комшиски гаражиНишто повкусно од тазе врел ајвар намачкан на кришка леб. Традиција која го обединува семејството, и каде секој член си има определена должност
Штета што сега не правиме ајвар, и не е тоа тоа...го нема веќе она чувство. Сега прави тетка ми кај роднини некои во село, па и за нас некоја тегла, за да не помине зимата без да го пробаме.
Обавезно ќе им ја пренесам традицијата на моите деца, безразлика дали ќе може да се купи од продавница.. никогаш нема да биде како домашното.