Сериски убијци (генерална дискусија)

[Outrider]

Ее, лепојкава Даер е типичен примерок на мисионерка, а тие ми се најболни некако.
За визионерине барем апла е докажано дека се делузионални и претежно со некоја ментална болест, но овие што делуваат нормални, дури и спасувачки настроени, се најстрашните кога ќе се поврзат конците. На оваа лицето ќе ѝ го простиме, речиси сите од тој период имале таква лепота.

Од визионери, еве ви едно бате со јака визија и желба да стане магионичар...
Ахмад Сураџи од Индонезија.

Не дека сликава е со екстра квалитет, ама сте приметиле ли како на многу им се исти очите? Пропаднати подочници и заледен, намуртен и изгубен поглед.
Е, на лепотанов му се сонил духот на татко му кој му кажал да убива за да добие магионичарски моќи. Наводно, требало да убие поголем број жени и да пие од нивната плунка за да добие моќ. Ги имаше некаде опишано целосно ритуалите. Памтам ги копал во двор до глава или до пола, секогаш свртени накај куќата која ја чувал со отворени прозори за да влегувала енергијата. Жртвите биле претежно жени кои иделе кај него за некакви тревки за убавина, но имало и дечиња од кои најмалото имало 10-11 години. Ги убивал така што ги давел полузакопани, а неговите три жени ја собирале плунката од жртвиве дури се бореле за здив, за потоа батецов да ја пие.
Бил осуден на смртна казна и стрелан во 2008.

Амелија, слично како и финиот доктор од погоре најмногу убивала за материјална корист, во зенитот на британската империја во тоа време постоела професија нешто како мешетар за деца , купопродажба со формално посвојување, многу фамилии `вишокот` деца го давале на посредници кои наплаќале извесна сума од фамилијата која сакала да се отараси од детето. Нормално оние кои можеле да платат за тоа друг да бара чаре за породот. Оние кои не можеле.... го решавале проблемот на поедноставен, подеднакво језив начин...

Оваа, во духот на времето почнала да се бави со тоа `индустриски`, на големо. Нормално купените деца завршувале во некоја река откако ги давела со каиш...и тогаш менување на местото и одново... подоцна веројатно почнала да ужива во убиствата и почнала да остава трагови...

Жените инаку многу ретко се сериски убијци. Но кога еднаш почнуваат, работат на големо

 

[Electra]

Е, тоа е убавината во, нели, родовата еднаквост.
Жените речиси и никогаш не се први и главни осомничени за грозоморни убиства поради својата природа.
Порано, најголемиот дел од женските сериски убијци биле медицински потковани, првенствено поради тоа што биле ставани да помагаат и одгледуваат деца, како што е и случајот со нашава лепотица погоре. Затоа тие напуштени деца биле и примарните жртви во средновековието. Немало кој да ги бара, плус наводно биле во сигурни раце кај тренирани лица. А не дека и некој толку им се замарал за сигурноста...
Под денешни околности, сменето е нешто, но најжално е како мајки не можат да се помират со загубата на свое дете, па уништуваат животи на други деца.
Жените се најчесто во групата контролирачи бидејќи нивните мотиви речиси секогаш имаат лична основа/искуство, па на овој начин гледаат шанса да ја земат под контрола ситуацијата во која порано тие биле контролираните. Најчести причини се нарушени односи со таткото, силување или некаква трагична загуба на машка личност. Еве, најпознат случај од поновиве е Ајлин Вурнос, ќерка на шизофреник кој се обесил во ќелија откако бил осуден за силување деца.
Резултат? Убила околу 7 мажи бранејќи се дека сакале да ја силуваат. Дали била силувана од татка си или не, не знам, но очигледно е дека преку тие мажи се одмаздувала на татка си. Па вие замислете пак љубоморна жена што може да направи на лепотици што личат на таа што ѝ го украла мажот.

Не ме земајте за збор за делот од мозокот, но мислам дека амигдалата кај убијциве беше „вон употреба“, а нели, таа е одговорна за емоционалните реакции.
Рандом факт: Најголемиот дел сериски убијци мократ во кревет како последица од траумите кои им го блокираат мозокот.

Имам неколку книги со вакви факти, психолошки и форензички истражувања и други разни тракатаници. Да ги најдам, па ќе поднапишам нешто во другата тема.

 

[Boyle]

Ццц болни нелуѓе.А од каде ги наоѓате овие случаи?

 

[Хоуп*]

Овие од погоре мање више имаат сличности еден со друг, го имаат тој психо поглед, темни кругови под очи и некоја леденост и рамнодушност. Ама..
Оваа жена, сопственичка на пансион во Сакраменто, своите потстанари ги убивала поради чековите од социјалното осигурување, а потоа ги закопувала во дворот на пансионот. Имала 8 жртви, осудена на доживотна и починала во затвор на 83 години. И плус била обвинета и за многубројни кражби и превари пред тоа.
Кога го читате ова, на ум ви доаѓа некоја бесна крупна жена, со бричена глава и пирсеви и тетоважи, ама погледнете како уствари изгледала Доротеа Пуенте во спојлерот.

Спојлер

Повеќе ми личи на бабичката на ЏивЏи, него на пореметен и опасен сериски убиец.

 

[Outrider]

Има еден интересен случај од Скопје, повеќе е spree killer отколку сериски, Томе Стојановски кој убил 4 лица.
Работел како електричар во Скопска пивара, крај на `60-те мислам, забележал многу малверзации и се обидел да ги разобличи но бил отпуштен од работа и избркан од партијата од влијателните локални моќници од тоа време. И шо ќе прави Томе.... се што му останало било многу гнев и пиштол Збројевка 7,65мм. И така Томе се вратил во пиварата под изговор дека треба да се раздолжи околу алатот...and then there was blood
Ги ликвидирал директорот Томе Ванински во кој истрелал цел шаржер, секретарот Љубо Додевски и двајца ликови кои го кодошеле.

Бил осуден на смрт со стрелање, покасно по многу жалби случајот стигнал и до врховниот суд на Југославија кој му ја заменил казната со доживотна робија. Дали е денес жив, бидејќи во тоа време немал ни 30 години - не ми е познато.
Секако ваквиот тип на делење правда е сомнителен и морално `двојбен` но од денешна перспектива и не бил склон да го осудам Томе...повеќе би направил маица со неговиот лик и би се шетал наоколу. Vigilantes are sometimes needed.

 

[Electra]

Се навратив на темава откако случајно налетав на делот од Мајки посветен на нашиов новинар, недокажаниот сериски убиец Владо Танески.
Дека нешто смрди во случајот, издига. Толку нелогичности и промени во приказната има, што ми иде во капаче од шише да се удавам.
Тибам полицијата што прикрива докази за да не се обелодени дека не биле во право. Идиотизам.
Кај е јасно дека не им чука за секојдневни дешавки, па дури при првиот случај не ни покажале интерес ден или два по исчезнувањето на бабичката.

Некоја госпожа ги анализирала текстовите кои ги пишувал за време на најпрвичното убиство во 2003 и открила дека често спомнувал пештери и рудници, па се сомнева дека потсвесно се издавал дека првата жртва ја има фрлено таму. Да потсетам, истата никогаш не била најдена.

Чуден, многу чуден случај. Новинар што ги опишува убиствата со детали познати само на полицијата, па дури и можни дијалози, завршува во кофа вода...ок.
Настрана што целиот случај е шекнат, мене најболен ми е моментот како тој убиец може да има односи со жртвата која наводно ја отсликува мајка му?
Некако ми е дури и нелогично. Омразата е едно, но садизмот, и највеќе од сѐ, сексуалната возбуда кон родителска фигура, ми се крајно изопачени.

И додека не може да се отфрлат ДНК доказите, неговите можни мотиви и учеството во убиствата, не може ниту на толку дебилен начин некој да очекува да веруваме дека толкав човек ќе се удави во смешно кофиче вода без некој да чуе и види. Посебно не во, цитирам „ќелија 1.5 х 2.5 метри квадратни со тоалет без врата“ и три/четири души во неа.
Првенствено, самиот инстинкт за прежувување е посилен од било што, а со оглед на тоа што никакви дроги не биле најдени во организмот, просто невозможно е рефлексите да се немаат активирано, а со самото тоа следи и буката при изрипување и ударање во ниското лавабо под кое наводно бил.
Друго, физиката не дозволува такво смешно давење. Со притисокот од лицето, дел од водата ќе се излие од кофата, а за да нурне подлабоко само со лицето, ќе треба вратот да си го потсече. Освен ако не нашол врвен изум да се држи сам себе со нозете нагоре (нели, наводно на, потенцирам, ниското лавабо бил потпрен), нема шанси само со лицето да се плеснеш и да медитираш така без да реагираш.
А со модринките на врат, грб и гребнатините на челото кои е сосема можно да настанале при насилно пикање и самоодбранбено вадење на главата во/од кофа, веќе е и апсурдно да се мисли на очајничко самоубиство.
Единствено ако страдал од поделена личност посилна од него, може и ќе се подобјасни нешто донекаде, но тоа веќе нема шанси да се дознае.

Патем, спомнато е дека кај една од жртвите е пронајден мешан ДНК профил, наводно на убиецот и друга женска личност.
Зошто таа личност никој не се обиде(л) подетално да ја истражи и идентификува? Што ако таа има огромен удел во сево ова, а шета слободно?
Нели после година дена излезе уште една убиена жена, само со различен МО - убоди со остар предмет, но сосема може да се случи тоа МО да се смени по одредено време, посебно откако околу првичното се има кренато толкава фама. Сепак не сме на филм.
Многу, премногу пропусти и заташкувања уште од самиот почеток до т.н. крај.

 

[Outrider]

...

ДНА материјал може и да се подметне на местото на злочинот. Посебно во ваква корумпирана дупка...
Не само една, неколку жени во Кичево исчезнаа/беа најдени убиени откако беше уапсен новинарот. Последна беше некоја французинка...
За две убиства за кои го теретеа новинарот беа осудени пред тоа - двајца ликови... и сеуште не им е изменета пресудата

Инаку судот може да објасни. Не смее да се има сомнение во овдешното судство! Имено, обвинетиот тајно се бавел со техники на левитација. Откако се усовршил во тоа, а несакајќи да лежи во затвор - си пресудил со левитирање каде телото висело директно надолу со главата во кофа.

А Мајки, ми остави многу тажен впечаток. Велат дека филмската камера дава нешто плус во перцепцијата. Простотијата, неукоста и затапеноста на популацијата и фаците кои изгледаат како да се донесени од Припјат....посебно полицијата и начелникот кај кои и со најголем напор не можеше да се забележи никаква трага на интелигенција... очај, сивило, малограѓанштина...страшно.

 

[Electra]

Да, во право си за ДНА...но ајде да речеме т.е. да се надеваме дека не било толку без основа, па еве, учествувал...да се потапшаме малку.
А зарем уште не ја измениле пресудата?
Јас читав дека дечките моментално биле затворени само за случајот на пензионерот за кој го признале убиството, ама ужасно е ако без никакви докази уште им ја држат пресудата само колку да ја има.
И јас низ филмот видов дотичните господа што мозок имаа. Родниниве ќе ги сфатам, всушност и по таргетираните жени ретко би бил очекуван поголем капацитет од нив, ама се надевам намерно ги праќаат истражувачине со капацитет на амеби во ваквите случаи кога сакаат да заташкаат нешто, зашто ако тоа им се најопремените и најквалификуваните лица, стварно во капаче ќе се самоудавам.

За левитацијата да не збориме. Мава кон црн хумор, но такво ни е судството - црно и траги-комично.
Барем сега ми е јасно зашто Иван Исцелител стана актуелен тој период. Може и ментор му бил на несреќниов.
Уште тројца ли колку биле таму во тоа дупче од ќелија, како може да не чуле удар??? Не може во толку тесно да не направиш бука качувајќи ги нозете на лавабо, т.е. според сликите, прашање е дали и воопшто можеш да ги качиш, ниту пак да се трупосаш без звук кога во хипотетичка ситуација навистина би изгубил свест и гравитацијата би го направила своето со омлитавените нозе.
Али не, батец станал да мочка или да се моли, па дури тогаш видел.

Патем, френдли адвајс надвор од темава, кога сакате да реплицирате некому, освен ако не сакате да потенцирате некој дел, само цитирајте го членот и оставете реченичка-две или три точки во мислењето, или пак тагнете го членот кому му се обраќате. Чисто да избегнеме долги цитирања, ствараат непрегледност.
Thanks in advance.

 

[Outrider]

Со доаѓањето на транзицијата на овие простори како да се отворила Пандорината кутија и на површина излегоа најтешките злосторници, како легални така и нелегални. Можеби некој се сеќава на случајот на пироманот од Кисела Вода кој уби 4 а повреди 11 лица со подметнат пожар. Ликот со бизарно име Гагарин Зенделовиќ, љубител на лексилиум и алкохол - често подметнувал пожари но за среќа тоа поминувало без жртви. Се до 2006. кога запалил зграда во К.Вода а тоа во комбинација со неспособноста на пожарникарите и полицијата довело до четири убиени лица (две девојчиња).
Бил осуден на 14 години во лудница (!?) а казната требало да ја служи во Демир Хисар. Гагарин се сметал себеси за нормален и затоа по никоја цена не сакал да биде затворен во лудница. Се заканувал дека ќе го запали истражниот затвор во Шутка. На крај неможејќи да предизвика пожар, непосредно пред трансефот - се обесил.

http://star.vest.com.mk/default.asp?id=102847&idg=6&idb=1548&rubrika=Crna+Hronika
http://star.dnevnik.com.mk/?pBroj=2978&stID=72615

 

[Ghtalpo]

Вчера во хотел Порта имаше предавање на тема Митови за сериските убијци.Влезот беше слободен и појдов да видам што ќе испадне од овоа предавање.
Дечкото што го држеше предавањето беше од Србија.Седев 1 саат и решив да станам зашто ќе заспиев.Некои факти,имиња и бројки,и никаков концепт во неговото предавање.