Секојдневна грижа за кожата (скинкер рутина)

[Electra]

Бидејќи сум пресреќна што конечно ја најдов рутината што ми одговара на кожава и лицето ми е поубаво и посвежо отколку кога бев тинејџер, ја отварам темава за да го споделам искуството, како и за меѓусебни совети.

Секако, морам да напоменам дека уште експериментирам, додавам и одземам за да видам подобри резултати.
Најбитно нешто е да научите редослед на состојките и кои не се мешаат, понатака е лесно.

Да не должам, ова се производите што моментално ги користам и по следниот редослед.

Наутро: миење со нежна пена или гел за лице - витамин Ц серум (почнувам од утре) - ниацинамид (навлажнувач) - хијалуронска киселина (ова ако ми е посува кожата, инаку претежно навечер ставам пошто имам хијалурон во дневната крема) - Centella Asiatica (навлажнувач/омекнувач кој ми е нов во рутината, но веќе го обожавам) - ретинол - дневна крема со хијалурон од Лореал - SPF 50 преку лето (и 30 преку зима)

Навечер: миење со пена или гел за лице - салицилна киселина за пилинг (ова 2-3 пати неделно) - хијалуронска киселина - Centella Asiatica - ретинол - Q10 ноќна крема

Можеби делува ко многу, но не одзема повеќе од 10-15 минути. Засега немам приметено никакви иритации, иако за некого салицилната, ретинолот, па дури и витамин Ц може да бидат иритирачки. Затоа е потребнода се испроба првин на одреден дел од кожата (над лактот пошто е нежна или на дел од вратот/образот), па потоа постепено да се внесе во рутина, почнувајќи од 2, па 3, па 4 пати неделно, итн.

Резултати секако дека нема веднаш. Ми требаа некои 3 месеци да почнам убаво да гледам разлика.

 

[Electra]

Денес земав и пептиди, баш ми се вклопуваат со вечерната рутина, ако не ми одговараат, ќе ги користи мајка ми.
Еве убаво и кратко објаснување за нивната улога и со што е препорачливо да се комбинираат.

Што се пептиди и кои се придобивките од нивното користење - BeautyHub

Едни од најдобрите состојки во производите за нега на лице наменети против стареење се пептидите. За тоа што всушност се пептидите, кои видови пептиди постојат, која е нивната намена и кои се придобивките од нивното користење, разговаравме со Др. Искра […]

beautyhub.mk

 

[MajkaMuNaMarko]

Гледам дека многу е популарно во земјава практикување на дневна и ноќна рутина на лице.
Јас до сега не сум практикувала нешто посебно специфично. Користам Еуцерин крема и наутро и навечер, мијам лице со мицеларна вода или пената на URIAGE, вадам шминка со марамчиња (кои гледам дека се сметаат за најголем грев кај кожните доктори).
Дали би сакале да ја споделите вашата рутина за лице согласно вашиот тип на кожа и дали ви е погодена?

 

[Electra]

Ги споив темите, ама супер е да се видат други мислења.

Јас со пептидите не видов ништо, ама ваљда рано ѝ е на мојава кожа за тоа, шознам...

Сега сум на минимум т.е. преку ден менувам Витамин Ц серум или Ниацинамид + дневна крема, а навечер салицилна киселина или АХА 5.1% пилинг серумот на Тру Алкеми + хијалуронска киселина + ноќна крема или бебешката крема од ДМ со камилица.

Засега е сосема океј. Еве гледам дисколорацијата ми се трга од Тру Алкеми серумот од само недела дена користење, па ќе видиме натака.

 

[MajkaMuNaMarko]

Ги споив темите, ама супер е да се видат други мислења.

Јас со пептидите не видов ништо, ама ваљда рано ѝ е на мојава кожа за тоа, шознам...

Сега сум на минимум т.е. преку ден менувам Витамин Ц серум или Ниацинамид + дневна крема, а навечер салицилна киселина или АХА 5.1% пилинг серумот на Тру Алкеми + хијалуронска киселина + ноќна крема или бебешката крема од ДМ со камилица.

Засега е сосема океј. Еве гледам дисколорацијата ми се трга од Тру Алкеми серумот од само недела дена користење, па ќе видиме натака.

А кажи ми, на своја рака си ги земаш производиве или по препорака на доктор?

 

[Electra]

А кажи ми, на своја рака си ги земаш производиве или по препорака на доктор?

На своја пошто не треба никаков рецепт за овие. Само си треба малку тестирање што ѝ одговара на кожата.
Сум одела и по препораки на доктори ко тинејџер, една ме отру со антибиотици и ништо, друга ме прати кај козметичарка да ми стиска активни акни и така ми се отворија дупки по лице што и денес ги влечам и се мачам со триста скапи третмани да ги намалам, така да подобро сама.
Има одредени ретиноиди за акни и брчки што се препишуваат и може да идат само на рецепт, али најголемиот дел козметика се „слободни“ за проба за обичниот човек.

 

[сираче]

Како тинејџерка не користев ништо посебно, миев лице само со вода, шминка отстранував со влажни марамчиња и ставав Nivea или Dove. Толку. Имав чисто лице, па не му требаше некоја претерана нега, ваљда кожата не ми е толку осетлива.

Лицето и сега ми е чисто, ама користам повеќе производи, бидејќи осетив дека некако кожата ми станува посува, а и немам веќе 15

Наутро се мијам со блага пена за лице на база на алое вера, ставам серум со хијалурон и кофеин (појма немам дали ова кофеинот има некоја улога и која) и потоа крем-гел за хидратација на кожата. Двапати неделно правам пилинг на лицето пред оваа рутина и тоа е тоа.
Навечер отстранувам шминка со гел или масло за отстранување шминка (никогаш не ставам тешка шминка, па ова е доволно), потоа го чистам уште еднаш лицето со мицеларна вода за да ги отстранам остатоците, ако има нешто. Е сега, една вечер нанесувам бустер со ниацинамид, а другата вечер млечен тонер, затоа што не е препорачливо бустерот да се користи секоја вечер. Ставам ноќна крема за хидратација, лабелце и тоа е тоа. Правец на спиење