Сакам да ти кажам.... (љубовна исповедувачница)

[Achernar]

Има таму некој под ова небо искрено кој во тебе верува и заспива, со најубавиот сон после толку лаги сонцето што му го изгреваш.

 

[Achernar]

Не ми пречи премногу љубов, ти си моја среќа и неизречен сјај кои ги кријам од дождот, да не ги измие од лицево кое само изгледа тажно, но ќе ми подариш ли вечно сонце без да те допирам, а да не го зајдеш со лага од иднината, еве сведоци нека бидат старите улични светилки и нивната светлина истурена врз закрпените улици кои ме водат до тебе.

 

[Achernar]

Се појави кога се во мене замре, ми подари уште еден живот кој дише длабоко и не ми е важно колку ќе трае и дали ќе има утре, нека потрае и до полноќ, живеам сега и верувам во тебе и ќе ја измешам крвта со твојата, да ми веруваш, засекогаш.

 

[Iris*]

Нека ти бидам зрно спокој,
трошка мир,
онаа насмевка на краевите на усните,
ситница потребна за секој ден.

 

[Prashina]

Dali ke ti nedostasuvam koga ke me
nema?
Se poveke stanuvam edno seedno, edna bezlichna masa koja e duh. Samo vrishtenjeto te potsetuva deka postojam. Ke bidam bezglasna i nevidliva vo tvojot zivot.
Najlesno e koga ke me nema...

 

[Iris*]

Само да ти кажам, по не знам кој пат, дека ми недостигаш, и дека вечерва ќе заспијам помирно чувствувајќи го твојот мирис.

 

[FemmeFatale]

Врати ми ги непреспаните ноќи.
Излечи ми ја раната на душава.
Дојди ми повторно во постела, сама сум во ноќва тивка.
Ми фали мирисот на твојот парфем.
Срцето ми е скрешено на милион парчиња, ме боли душата.

 

[Iris*]

Секогаш кога легнувам и гледам во темнината над себе ги гледам твојте очи. Помислувам дека и ти мислиш на мене и радосна сум, топло ми е околу срцето, само ми е жал што не можам да бидам крај тебе, и ми е жал што имам толку малку да ти дадам, само срце кое и покрај сите лузни што ги носи научи искрено да те сака.Те сакам, твоја сум и ќе останам засекогаш, без разлика дали и тогаш ќе ме сакаш.

 

[Achernar]

Ќе ти кажам кога ќе се поклопат сказалките повторно..

 

[Iris*]

Што да ти кажам, јас само те сакам и молчам. Единствено што сега сакам е да се вовлечам во моето најдраго место, во твојата прегратка, да молчам и да го слушам твоето срце што ќе каже.