Сакам да ти кажам.... (љубовна исповедувачница)
- Автор на темата Saladin
- Време на започнување
Да го добиев лесно како што беше со другите момци,веќе одамна ќе му поминеше рокот на траење.Да ми трчаше како верно кутре зад петите,ќе го пуштев од синџирот да и џвака на некоја друга.Да ги бакнуваше само моите усни ќе станев фригидна.Но овај беше поинаков.Слаткоречиво ми се вовлекуваше под кожа,играше на картата топло-ладно ме победуваше на стравовите и слабостите кои му ги покажав.Бевме заедно иако никогаш не не поврзале дланките.Кога би знаела дали тие се компактибилни во заеднички стисок,ќе пресечев пред да биде доцна.Не се ориентиравме по времето,туку според потребата и емоциите.Си дарувавме само плунка и телесни течности,а испотените тела низ мракот во неговата соба,доцна по полноќ се отсликуваа како движечки слики.Сокриени од љубопитните очи кои без да трепнат ни го следеа секој чекор,се криевме како единствените преживеани Евреи во градот.И среќа преживеавме под страста што како геноцид не толчеше.Бевме победници затоа никогаш не паднавме на љубовниот испит.А на љубовта и објавивме војна.Кога нештото ќе го добиеш брзо минува задоволството.А тоа што не е твое привлекува.Или те привлекува тоа што те одбива.Затоа опстанавме долго,онолку долго колку усните печеа да се спојат.На мигови се чуствував празно и искористено,но некаде прочитав кога телото те повикува кон некого не смееш да ја пресечеш невидливата врвца.Тогаш ќе израсне јазол,јазол на кого никогаш крајот нема да му се догледа.А и каењето беше слатка болка,болка во срцетои валкана игра низ умот.Повеќе опстојува тоа што не може да стане јавно.А ние си бевме јавна тајна,завет за кого знаевме само двајцата.Послатко беше да живеам во грев.Да заспивам со него,а да не бидам негова.Да бидам љубоморна,без причина,зашто не беше ни мој.Да се насладуваме и да се плашиме од казна.Да трепериме дека некој,некадеи некогаш може да ни го разоткрие гревот.А и кога би платиле за стореното,тоа повторно ќе биде пресметано според цената за страста и покривот за љубов.
За Ф.....
За Ф.....
Не сакам да те сонувам, не сакам да те гледам , не сакам да те слушам , не сакам да те љубам,не сакам ништо што ти не сакаш со мене.
Од секогаш знаев дека постоиш, како личност, како совршенство, исполнение и остварение на моите соништа.Но никогаш не можев да замислам дека ќе те имам во мојот живот, дека ти ќе бидеш тој што ќе ми ја даваш смислата на моето живеење, дека ќе ги бројам секундите кога ми фалиш, дека срцево ќе биде празно ако во денот не ти кажам дека...Те сакам.
Фала му на Бог што постоиш, а тебе фала ти што си дел баш од мојов живот и што ми покажа дека совршенството всушност не постои, совршенство си ти!
Фала му на Бог што постоиш, а тебе фала ти што си дел баш од мојов живот и што ми покажа дека совршенството всушност не постои, совршенство си ти!
Пошто гледам зачестија цитирањата во последно време тука, еве да потсетам за правилата кои важат исклучиво за оваа тема.
Незнам како ти успева, понекогаш знаеш толку добро да ми ги изџвакаш живците.
Ќе ти опнам котеќ жими мене.
Ќе ти опнам котеќ жими мене.
Незнам што да ти кажам, тишината наша кажува се, зборови не се потребни. Ме потсетува на стиховите од Ацо Шопов
Ако носиш нешто неизречено
нешто што те притиска и пече
закопај го длабоко во тишината
тишината сама ќе го рече.
Ако носиш нешто неизречено
нешто што те притиска и пече
закопај го длабоко во тишината
тишината сама ќе го рече.