Засега ги изгледав The Revenant, The Hateful Eight, Bridge of Spys, Spotlight и започнав The Big Shot, но напола морам да го оставам за утре.
The Revenant е океј филм, глумата на Лео не е лоша, но ми делува премногу форсирана. Режијата е одлична, ако за нешто вреди да се гледа филмот, тоа е за режијата. Сите тие прекрасни пејсажи, планини, брзи реки, шуми, снег, дрвја раздувани од силен ветер, сите тие слики со тие природни звуци... ме хипнотизираа, искрено. И мене ми се допаднаа тие кадри од жабја перспектива, му дава некоја посебна театралност на филмот. Приказната како приказна не е лоша, но имаше неколку моменти кај што си помислив дека претеруваа. Но, имаше и доста интересни сцени, на пример таа со коњот (не би да пишувам во детали, тие што го гледале, знаат за што зборувам). Иако малку исфорсирана глума, сепак морам да го испоштувам Лео за својата пожртвеност за филмов. Постојано изложен на снег (во ред, и останатите глумци), на тој студ беше во река неколку пати (видно беше дека екстремно многу му студи, поготово кога излезе од реката и веднаш започна прстите на рацете да си ги топли), беше закопан "жив", во устата неколку пати кал му се полнеше, плус прочитав некаде дека научил некаква (заборави која) боречка вештина, плус 2 индијански јазици и јадел жив џигер од бизон (веројатно поради сцената со самиот индијанец) иако тој е вегетеријанец. Така да, можеби редно време е да го добие тој оскар.
The Hateful Eight има најуникатна приказна. Мене ми се допадна режијата, не можам да кажам дека го обожавам Тарантино, но сепак интересен му е стилот. Заплетот беше убаво осмислен и размрсен на крајот, ликовите беа доста посебни и добро разработени, дијалогот беше забавен. Сепак, мислам дека е малце на некој начин хардкор за да биде номиниран за најдобар филм.
Bridge of Spys не ми беше лош, но не ми беше ниту пак ништо посебен. Приказната е баш онака америчка, речиси патриотска, така да, не би ме зачудило да помине добро на оскарите, само поради тоа. Како и да е, според вистинска приказна е снимен филмот и ликот за кого е снимен очигледно заслужува да биде вака испочитуван со добар филм.
Од сите овие, Spotlight ми е омилен. Добра приказна, мило ми е што е пренесена на големото платно. Екипата глумци е совршена, сите ми се допаднаа. Не можам да споделам подетално мислење, не можам убаво да го доловам мојот впечаток за филмов, но најтопло го препорачувам.
Сега за сега (пола изгледан), The Big Shot не ми се допаѓа нешто посебно. Дејствието е малце нејасно, тешко го пратам заплетот, речиси и не сфаќам што точно се случува. Има и доста ликови, што прават дополнително да се бунам. Ај ќе го изгледам и ќе пишам.
![]:)](/images/emoji/evilgrin_animated.png "Злобна насмевка ]:)")
