Омилена
Каква и да си, дојди; не се колебај при облекувањето.
Косата нека ти биде расплетена и патецот заплеткан
и елекот раскопчан, што е тоа важно.
Каква и да си, дојди; не се колебај при облекувањето.
Со итри чекори дојди по тревата.
Ако исчезне руменилото од твоите нозе, зашто има паднато роса,
ако прстените околу твоите нозе се рашират, ако бисерот испаѓа од твојата гривна,
што е тоа важно.
Со итри чекори дојди по тревата.
Глеј, се трупаат облаци на небото.
Јата жерави доелтуваат од далечни брегови,
а напати ветерот дува преку пустината.
Преплашен добиток бега кон шталите в село.
Глеј, се трупаат облаци на небото.
В залуд го палиш светилникот на столот заради своето
дотерување- трепери и се гаси на ветерот.
Кој гледа дека на твоите капаци нема црнило?
Твоите очи се потемни од тмурните облаци.
В залуд го палиш светилникот на столот заради своето
дотерување- трепери и се гаси на ветерот.
Каква и да си, дојди; не се колебај при облекувањето.
Ако венецот на твојата коса уште не е исплетен,
што е тоа важно;
ако синџрот околу твојот лакт не е закопчан,
нека го.
Небото е покриено со облаци - доцна е.
Каква и да си, дојди; не се колебај при облекувањето.
