Мистерии (генерална дискусија)

[Outrider]

Кога сме веќе кај проклети ствари, трансамазонската железница, забеганиот бразилски проект, пругата Мадеира-Маморе кој требало да ја донесе цивилизацијата во срцето на Амазон. Тешка област за градење, на почетокот на 20.век, без никаква инфраструктура, непријателски настроени племиња, инсекти, болештини, јагуари и анаконди кои вребаат наоколу. Секако кога има доволно сиромаси кои не пребираат многу за работа и не е проблем. But then...

366 километри пруга која станала позната под името Ѓаволската пруга, чинела 5 години изградба и 13.000 животи на работници. Се вели дека до секој дрвен праг врз кои се положени шините е закопан по еден човек. Градбата која предизвикала толку страдања на луѓе кои ионака немале никогаш среќа во животот, немала шанса да успее да воспостави сообраќај. Амазонија се покажала посилна и вегетацијата и влагата ја проголтале проклетата пруга, заедно со станиците, резервоарите, локомотивите....краци кои не водат никаде, станици на кои никој не се качува, локомотиви кои не испуштаат чад, мостови по кои не поминува надежта, илјадници гробови на кои нема имиња.

Останал само еден мал дел од пругата кој можел да се одржува и да се чисти од вегетација. Останатото било заборавено како и многу други проекти каде влогот се` нечии туѓи судбини и животи...

П.С. Приметив на последната слика... секогаш постои онаа надеж, можеби лажна, гадна илузија but nevertheless, дете кое си игра на шините и бел зајак кој си трчка наваму натаму. Детска безгрижност на место каде проколнувајќи ја судбината во страшни маки умирале илјадници. Верувам дека жртвите би го преферирале зајачето пред возот кој требало да ја покори Амазонија. For a change

 

[Outrider]

Еден од првите англиски обиди да се организира колонија во новиот свет, Северна Америка почнал добро но завршил језиво.Во 1585 Околу 150 колонисти се доселиле на островот Роанок на атлантскиот брег на денешна С.Каролина. Снабдувањето на колонијата се вршело со бродови но во тоа време немало начин да се одржи редовен сообраќај меѓу Англија и островот. На неколку наврати од 1585 до 1587 бродови доаѓале и си оделе од островот каде што и покрај одредени проблеми ситуацијата била во ред, дури и првиот англиски колонист роден на американско тло (прв `американец`) бил од редовите на таа колонија.
Поради англиско-шпанската војна и намалениот поморски сообраќај - колонијата останала 3 години без контакт со надворешниот свет.

Џон Вајт, татко на првото дете родено во новиот свет кој во 1587 се вратил во Англија за да набави материјал за потребите на колонијата - се вратил не по неколку месеци како што планирал туку по три години поради околностите. И имал што да види....или поточно кажало немал, затоа што немало никаква трага од жителите, сите до еден исчезнале и до денешен ден не е позната нивната судбина.
Не само луѓето туку и куќите, шталите и другите објекти исчезнале. Се` што пронашле морнарите бил нејасниот натпис на непознат јазик`Кроатоан`, издлабен малтешки крст во дрво, неколку топови и некои ситници...

 

[Boyle]

хм страшни се сите, верувам дека постојат сили што неможе да се објаснат. Од Македонија има некој пилотТане што загинал во втора светска и го виделе многу авионот како паѓа само после не го нашле нигде.Исто мистерија е смртта на Борис Трајковски а сигурно е убиен, не беа заинтересирани да се открие зошто знаеле више.

 

[Outrider]

Си бил фиљан чоек под име Роалд Амундсен. И така си скитал по светот, шо би се рекло денеска адреналин џанки бил. Не му одел муабетот со луѓе многу, повеќе го разбирале албатросите и пингвините. И таков каков шо го родила мајка, непрокопсан, тргнал по седумте мориња да ака, а не како сите мажи домаќини да се фати за работа, да си напраи девет деца, да си ги плати сметките на време, да посади пченица како шо е ред, оти утрешнина куќа не крепи, да го поканат на слава и свадба како глава на семејството...

Инаку сериозно забегана појава, Роалд успеал во 1906 прв да го преплови Северозападниот премин, рута која 400 години ги праќала сите оние кои се осудиле да се обидат да ја освојат - во смрт. После тоа се упатил на Југ каде прв стапнува на Јужниот пол во 1911 а подоцна се враќа на север повторно каде станува прв кој доаѓа и до Северниот пол 1925, иако тоа се утврдило подоцна.
Она што никогаш не се утврдило е - каде исчезнал последниот голем херој на планетарното истражување?
Со цел да помогне и да го спаси еден свој колега скитник и истражувач од Италија кој со Цепелин се обидувал да го прелета северниот пол и по пат доживеал катастрофа - организирал спасувачка експедиција со уште еден норвежанец и тројца французи. Групата требало да ги бара преживеаните низ непрегледното арктичко пространство со помош на хидроавион Латам-47, опремен за да издржи лет низ суровите услови на крајниот север.

Амундсен и друштво, полетале во Јуни 1928.....и никој никогаш повеќе не чул или видел било што од нив. До денешен ден е непозната причината и начинот на смртта на Роалд. Спасувачки и истражувачки експедиции подоцна се обидувале да најдат некаков траг, но попусто. Амундсен заминал во димензијата на исчезнатите пионери кои го пробивале патот за остатокот од човештвото.
Италијанецот Нобиле кој бил цел на спасителната експедиција поради која исчезнал Амундсен бил пронајден жив (иако не баш здрав) од друга група. Половина членови на италијанската експедиција настрадале.

Роалд е мрачниот лик десно.

 

[Outrider]

Што имаат заедничко забегана секта и атомска бомба? Можеби повеќе отколку што би се помислило на прв поглед.
Една од најкреативните секти во последните децении, јапонската Аум Шинрикјо, славна по бројни убиства и нападот со нервен отров во Токиското метро во 1995.... експериментирале и со нуклеарна опција.

Мистериозниот сеизмички настан кога сеизмометрите регистрирале експлозија во Банџаварн на 28.мај 1993 а кој би бил еквивалент на 2 кТ заедно со сведочењата на абориџини и фармери за голема експлозија - наведува на можност дека научниот тим на сектата создал некаква направа која би ги сместила во нуклеарниот клуб како единсвтена невладина организација со нуклеарен потенцијал. Или дека однекаде донеле веќе готова бомба.
Сведоци потврдиле дека сектата набавила заштитни одела, механизација, лабораториска опрема, механички копачи, хемикалии и мистериозни кутии со непозната содржина декларирана како `солна киселина`...

Потврдено е дека сектата Аум која имала огромна фан-база во тогашна Русија се обидувала да набави тактичко нуклеарно оружје од арсеналот на зомбифицираната руска држава. Дали навистина набавиле и пробно детонирале такво оружје е тешко да се каже но постојат сериозни индиции кои наведуваат на таков заклучок.

Властите не реагирале на настанот бидејќи сектата сеуште ја немала репутацијата која ќе ја стекне со нападот во Токио, а ранчот од 200.000 хектари сектата го продала пред да се `прослави` со нервен гас. Подоцна било откриено дека меѓу другите забегани активности секташите ископувале ураниумова руда на ранчот...

Лидерот на сектата, Шоко Асахара.
http://www.nytimes.com/1997/01/21/s...r-or-nuclear-blast.html?pagewanted=all&src=pm

 

[Змејче]

weird??

 

[Outrider]

Од многуте мистерии на морските длабочини, мистеријата за бродот кој се појавува и исчезнува околу `ртот на Добра надеж (Ј.Африка) е еден од најдолготрајните.
Холандската фрегата Де Флигенде Холандер на средината на 17.век се упатила за Источна Индија под водство на капетанот Хендрик Ван Дер Декер. Стигнувајќи до `ртот кој не е познат како премногу едноставен за пловење, посебно во тоа време кога на многу морнари им станал гроб, Хендрик решил да го преплови по секоја цена, што побрзо и покрај бурното време и струите кои му сметале на `Летечкиот холанѓанец`. Откако не успеал во првиот обид, упорен човек каков што бил се обидел повторно...и повторно...и повторно...залудно. Упорноста не секогаш се исплати и морнарите биле исцрпени и гневни а таа комбинација во тоа време често резултирала со побуна и висење на капетанот на ветренцето кое го ниша јажето на јарболот.
Капетанот свесен за тоа, решил да посегне по помош на малку....неортодоксен начин - повикувајќи го Ѓаволот лично да му асистира, откако Бог не направил премногу за да ги услиши молитвите.

Ѓаволот како ѓавол - помогнал ама барал потпис, со крв. Некои морнари, разочарани од про-сатанскиот договор на капетанот, во склад со своето време - го проколнале капетанот никогаш да не пристигне во ниедно пристаниште се` до крајот на светот и крајот на времето. Не им текнало дека со тоа и самите нема да стапнат на копно до судниот ден, веројатно и не биле најбистри...
Како и да е, откако го поминале `ртот, бродот, капетанот и екипажот - исчезнале. Нивната субдина останала непозната иако низ вековите се` до денес - глетката на Летечкиот холанѓанец е честа појава, за посуеверните морнари знак за претстоечки проблеми или соочување со тонење и смрт. Многу познати личности го виделе бродот-фантом како лута заробен во регионот околу `ртот - а понекогаш и нешто понатаму, меѓу кои и британскиот крал Џорџ V кој за време на едно пловење на крстосувач на британската морнарица јасно заедно со екипажот го забележал Холанѓанецот како плови пред нивниот брод на мало растојание, језива појава со искината едра и црвени светла на палубата.

Опседнати со оваа мистерија биле многу писатели и поети, а најпознат е композиторот Рихард Вагнер кој го овековечил бродот со својата опера - `Летечкиот холанѓанец`.

Постои и приказна за најбаксузниот морнар ever кој пловејќи со векови на Холанѓанецот - после многу перипетии некако успеал да избега од проколнатиот брод, да скокне во вода и да се надева на спас. А спасот дошол после неколку часа кога еден друг едреник го забележал морнарот и го избавил од водата. Наоѓајќи се безбедно на палубата и благодарејќи на морнарите кои го забележале и спасиле, морнарот прашал за името на бродот кој го пронашол. Одговорот бил - Марија Селеста...

 

[Outrider]

Некоја наставничка од Тетово во 2007 со торба во која имало 140.000 евра се договорила со некој лик да се чекаат кај т.ц. Беверли Хилс во Скопје, се поздравила со домашните......and was never seen again... после скоро 7 години, полицијата не знае ништо...
Во ваквите случаи е најјезиво тоа што блиските не знаат на што се, неизвесноста е полоша од тагата а надежта е посурова од најголемиот очај...

http://mkd-news.com/vo-gostivar-i-tetovo-najmnogu-isceznati-lica/

Then again... каде се упатила жената со 140.000 евра во кеш, со кој памет е нејасно

 

[Outrider]

Дали е можно човек да не биде откриен кога е баран од ЦИА, ФБИ, ХоС, генералниот штаб на американските вооружени сили и тоа после неколку години детална потрага со ангажирање на сите расположиви средства кои се на располагање на најмасовната и технички најопремена обавештајна машинерија?!
Можеби да а можеби и не...

А дали е можно човек да се скрие - не сам туку во друштво на патнички авион Боинг Б-727 in all it`s glory & size, ако го бараат горенаведените организации?
Сосема можно.

Тоа го сторил извесен Бен Падиља, американски пилот заедно со механичарот Џон Мутанту од Конго-Киншаса (симпатично презиме, нема што).
Во Мај 2003 од пистата на меѓународниот аеродром во Луанда, Ангола, двајцата ликови се качиле во ветеранот Б-727, ги исклучиле сите сигнализации (светла, транспондери) и покрај шокираните контролори на лет кои не им дале дозвола за полетување - полетале.
И секако - од моментот на полетувањето до денес - нивната судбина и онаа на авионот остануваат непознати.
Во екот на паниката поради настаните од 9/11, америчките власти не штеделе средства да го пронајдат авионот и крадците. Попусто, после две и пол години опсежна потрага и неколку можни сценарија кои испаднале дека не се точни - се откажале од потрагата. Имајќи предвид денешната технологија, чудно е како може да исчезне толкав авион без никаква трага зад себе. Никој никаде не видел или пријавил пад или слетување ниту пак прелет на авионот над некоја територија.
Останале само шпекулациите, гласините, теориите и претпоставките - од измама со осигурување, преку тајна продажба на авионот, влетување во паралелна димензија до киднапирање од вонземјани.

 

[Outrider]

Во разговор, луѓето често кажуваат дека животот им се врти во круг, понекогаш круг од кој тешко гледаат излез.
Но за еден човек кругот на проклетството станал буквален, начин за искупување на некој одамна заборавен грев кој останал во неговата душа, вечно да го потсетува на пропаста на можноста за среќен живот.

На североистокот на САД крај месноста Соу Мил Вудс околу 1858 година луѓето почнале да забележуваат човек облечен во груба кожна облека која сам ја `скроил` како во редовни интервали се појавува на одредени места.
Од почеток не обрнале многу внимание на чудниот горостас но по некое време увиделе дека интервалот по кој тој се појавува во нивното место е ист, т.е. 36 дена. Она што го дознале подоцна е дека Кожниот Човек (како што го нарекле) се движел во круг од 587 км околу реките Конектикат и Хадсон и секогаш минувал покрај нивната (и не само нивната) населба.

СО текот на времето, молчеливиот чудак им станал симпатичен па му давале храна и се обидувале да дознаат кој е и зошто патува на исти места без престан, со години. Човекот освен мумлање и чудни звуци, понекогаш кажувал нешто на француски но не можеле да го разберат.А било очигледно дека тој не разбира англиски. Никогаш не повредил никого, напротив бил љубезен кон луѓето и покрај својата мрачна појава.
Низ децениите Кожниот човек станал дел од локалниот живот, татковците им кажувале на децата дека за толку и толку дена големиот Кожен Човек ќе мине низ нивната населба. И секогаш човекот навистина минувал.

Спиел во пештери и склоништа кои стратешки биле распоредени по неговата вечна маршрута, се хранел со она што ќе најдел, уловел или ќе прифател од добрнонамерните луѓе.
Неговиот идентитет никој не го дознал иако се плетеле многу приказни и шпекулации. Се` до 1889 кога за последен 360. пат ја минал вечната патека зацртана во неговата глава и бил најден умрен од студ поради невообичаено острата зима таа година кога истрошената кожна облека не успеала да го спаси. Во пештерата била најдена библија на француски и некои писма и предмети, но идентитетот останал тајна.

Подоцна откако влегол во локалниот фолклор новинари и истражувачи се обиделе да ја откријат тајната.
Најпозната шпекулација била дека наводно бил роден во Лион, Франција под име Жил Бургле, каде работел како дрводелец. Голготата започнала откако се вљубил во некоја Маргарет Ларон и сакал да се ожени со неа. Бидејќи била од богато семејство, нејзиниот татко во склад со вредностите на своето време - одбил да дозволи брак но сепак решил да му даде шанса на Жил со тоа што би го вработил во својата кожарска фабрика. Ако Жил успеел да направи кариера за неколку години - ќе ја добиел и раката на Маргарет.

Почетокот ветувал, Жил добро напредувал и стекнал доверба, само сакал да направи еден конечен потег со кој ќе го скрати времето за чекање на свадбата а тоа е вложување во купување големо количество кожа, очекувајќи цените да се наголемат драстично во наредниот период. Наместо тоа, на сцената се појавила нова техника на штавење која фабриката во која работел не ја поседувала и вредноста на набавката наместо да се наголеми, паднала за половина.
Целата заштеда, довербата, големи пари од власникот и неговата љубов - исчезнале како никогаш да ги немало.
Неможејќи да се соочи со новата реалност и пропаста на сите соништа - Жил по некое време исчезнал од Лион, а наскоро и од Франција. Приказната не кажува како стигнал до САД, но тоа и не е важно.
Друга верзија го прави канадски француз кој избегал поради слични причини преку границата во САД.

Жил станал Кожниот Човек, вртејќи го вечниот круг во својата совест и во шумите на државата Њу Јорк. Доброволно осамен до крајот на животот, изолиран од ситните и крупните животни задоволства и без надеж дека човечко срце ќе се осмели да го засака - заминал во вечноста и во меморијата на генерации локално население кое до денес ја прераскажувало наводната животна сторија на сосема реалниот Кожен Човек.