Дела на добрина

[JaMi]

Да им помогнеме на нашите сограѓани во најтешките мигови, кога ги губат своите домови и се што имаат.

Броеви за донирање за настраданото население од поплавите - донирате 100ден.
T-Mobile 070 143 400
ONE 075 143 400
VIP 077 143 400

Донација на средства во денари: СМЕТКА
Фондот на солидарност на Црвениот крст на Република Македонија
жиро сметка: 300000001327966
даночен број: 4030984271620
АД Комерцијална банка

 

[-•Lil Lamb•-]

За греота, се уништија луѓево, уште ова им фалеше...

 

[JaMi]

Црвениот крст на Република Македонија денеска информира дека е потребно да се обезбедат дополнителни количини вода за пиење за населението во Струмица, Чешиново-Облешево, Штип, како и во други подрачја кои поради излевање на реките водата не е за пиење.

Согласно направената проценка, информираат од Црвениот крст во моментот, има потреба од помош во вода за пиење и средства за хигиена (средства за дезинфекција).

Помошта компаниите можат да ја предадат во Скопје во магацинот на Црвениот крст на РМ во Момин Поток, со адреса ул. „Момин Поток“ бб, телефон за контакт: 3114 – 355.

Заинтересираните правни субјекти и граѓани дополнително можат да се вклучат и со обезбедување на парична помош – жиро сметка на Фонд на солидарност 300000001327966 ДБ 4030984271620 – Комерцијална банка – донирање 100 денари со повик на телефоните 075/070/077 143 400. Хуманитарната акција започнува од денеска и ќе трае до 15 февруари.

Црвениот крст на РМ дополнително ќе информира за евентуалната потреба од вклученост на граѓаните за обезбедување конкретна материјална помош.

Од Црвениот крст упатуваат благодарност до граѓаните за интересот и подготвеноста да се вклучат во ублажување на последиците предизвикани од поплавите. Потенцираат дека согласно сопствените капацитети тие веднаш се вклучиле во санирањето на последиците од поплавите, за што на најпогодените семејства им била дистрибуирана помош во храна, средства за хигиена, ќебиња, душеци и флаширана вода за пиење.

Поројните врнежи од дожд и зголемениот водостој на реките во земјата предизвикаа поплави на населени места и плодни површини во неколку региони во земјата.

Поплавите предизвикаа материјални штети, кои непосредно го погодија населението за што веднаш надлежните институции презедоа соодветни мерки за ублажување на последиците предизвикани од поплавите.

 

[JaMi]

 

[JaMi]

Напомена-сите навредливи комемтари на национална основа ќе бидат избришани и санкционирани!

 

[JaMi]

Повторно дожд...за некого романтика за многу семејства-катастрофа. Добри луѓе донирајте колку можете! ♥

 

[Makedonec]

Можете да донирате и на следниве места

• Денес пред споменикот на Мајка Тереза се донираат облека, ќебиња, конзервирана храна, вода и слично во организација на студентскиот пленум.
• Денес, а и секој работен ден може да донирате облека, ќебиња, конзервирана храна, вода и слично во хуманитарните пунктови отворени низ општината Карпош.
• Можете да донирате во сите основни училишта и градинки на територијата на Општина Карпош.
• Денес може да донирате облека, ќебиња, конзервирана храна, вода и слично и во ООУ „Александар Македонски“ во општина Аеродром.
  
  Да бедеме хумани и да помогнеме!

 

[BlackTulip]

Донирајте луѓе, секој денар секоја ситница за некој значат многу !

 

[I love you]

Да бидеме хумани и да помогнеме на луѓето од поплавите.
Јас донирав неколку пати и донесов храна на училиште.
Тоа е да се биде хуман.
Донирајте и вие

 

[Podem]

Донирав 100 денари преку телефон, и што ме изнервира уште повеќе, испадна дека сум донирал 118 денари со се ддв.
Ненормална работа.