Легендата за митското чудовиште познато како Бигфут никогаш не згасна, а одвреме навреме се појавува нова снимка или наводно некој доказ за неговото постоење. Кампери од Спокане, Вашингтон, тврдат дека сосема случајно направиле автентична снимка на митското чудовиште. Авторот на снимката, Саманта, тврди дека Бигфут го снимила со својот Ајфон во паркот Даунривер, а потоа снимката ја постави на ЈуТјуб.
Откако снимката на чудовиштето e поставена на ЈуТјуб, набрзо стана хит со неколку илјади гледања.
Како што тврди таа не знаеле дека го снимила мистериозното чудовиште се додека повторно не ја погледнала снимката по излетот.
- Некој во коментарите под снимката ме прашува дали пред ова сум верувала дека Бигфут постои. Никогаш за тоа не сум размислувала, но сега не сум сигурна. Ми се чини оти е вистинско, рече Саманта која не го откри своето презиме.
Бигфут е мајмунолико суштество кое живее во шумските предели во северозападните делови на САД, но неговото постоење не е научно докажано.