Аудио книги

[LadyInPink]

Аудио книгите (анг. audio books) се снимање на текстот од книгата читан на глас. Овие книги не се читаат туку се слушаат.

Дали сте имале искуство со аудио книги?
Како ви изгледа?
Кои се подобри: е-книгите или аудио книгите?
Од каде симнувате аудио книги?

 

[lady_blue]

сакам аудио книги, ама ако не ми се допадне гласот и начинот на читање неможам да слушам
иако во однос на квалитетот и доживувањето нема споредба меѓу книга, па дури и е-книга и аудио книга
сепак идејата е практична, оти еве, лично јас,многу малку време имам за да седнам и да читам
а симнувам од кај ќе стигнам, и на англиски и на српски

 

[The Tramp]

Не користам ниту е-книги ниту аудио книги, зашто не знам многу добро англиски. А на македонски нема многу е-книги, а да не зборуваме за аудио. Купувањето книги не може ни да се спореди со е-книги и аудио книги.

 

[Лејди М]

Не слушам аудио книги и воопшто не сакам да ги нарекувам книги. Книгата се држи во раце, книгата се чита, на книгата се вртат страници. Без навреда, мислам дека аудио книгите се изум за мрзливите Американци, а не за луѓето кои вистински уживаат во читањето.

 

[fantina]

Не сакам аудио книги. Имам само една. „Лолита“ - Владимир Набоков и ја симнав само затоа што ја чита Џереми Ајронс, а јас неговиот глас го обожавам.

 

[Аркантос]

e-book, аудио книги, кој друг апсурд ќе го измислат следно????
Ни аудио, ни електронска книга. Јас сакам да си ја држам во раце книгата, да ја помирисам и да ми мириса на хартија, да подвлечам некоја убава мисла и после долги години да се сетам да пролистам низ книгата и да си ги најдам мислите што ме фасцинирале.
Убавината на книгата се губи преку ваките „модернизирања“.
Следи писателиве да не објавуваат книги туку цд-а со изрецитирана цела книга, па на штандовите на саемите за книги наместо книги да има цд-а...
Бог да чува.

 

[MissChievous]

А сте помислиле дека некој нема вид или не знае да чита?

Ми се допаѓа аудио книга за патување. Кога читаш, доаѓа до лошење и поради тоа аудио книгата е одличен избор. Мене англискиот не ми претставува проблем, ниту за читање ниту за слушање. Мој предлог: Jack Kerouac - On The Road.

Што е до електронска книга, исто така немам ништо против. Бидејќи сакам да читам книги на англиски, а немам пари да ги купам, е-книгите ми обозможуваат да прочитам книга која ме интересира. Денес со таблетите целата таа работа е многу практична - во една мала метална "тетратка", носиш илјадници книги.

 

[Marcello]

Мене би ми одговарало аудио книга, бидејќи џабе имам дома книги но повеќето не сум ги дочитал затоа што не можам да се сконцентрирам толку на книгата што ја читам, ми лета паметот на сосема нешто друго.

Повеќе не ми одговара англискиот јазик инаку ќе си симнував од интерет аудио книги.
Сепак мислам дека аудио книга е добра работа ако е направено како да слушаш радио драма т.е со глума и раскажување.

 

[Ditto+Maker]

Аудио- книга не е книга за мене. Книгата се држи в раце и се чита. Ништоповеќе, ништо помалку.

 

[Outrider]

Не само аудио книги, подкасти, вебкасти, радио програми, предавања декодирани во мп3 или м4а сето тоа го користам масовно, со цело село
Во основа секогаш би дал предност на штампана книга но во случај кога ја нема тука, или ја има со монголоиден превод, или ја има по нет по тешки цени - не гледам причина да не побарам аудио книга како алтернатива.
Сето тоа започна со едно мало мп-3 плеерче пред десетина години ако не и повеќе, со големина на орев кое имаше неверојатни 256 МБ меморија и кое што ми има помогнато да ја скратам досадата при разни патувања, чекања и слични лоботомирачки ситуации.